كارثه وفضيحه ماتريكس 2006..انا مش مصدق..من فضلكم الحقوني!

**ramy_gamal** · 01-12-2009 09:04 PM

اهم حاجه جهاز حمايه المستهل هو اللى هيجبلك حقك وربنا معاك بس اهم حاجه حضر فواتير الصيانه وان شاء الله تاخد حقك

**Lion_Heart** · 01-12-2009 09:49 PM

رابط به تجربة مع حماية المستهلك
http://www.nilemotors.net/Nile/107853-a.html

موقع جهاز حماية المستهلك ,
http://www.cpa.gov.eg/events.htm

**m_s_h_a** · 01-12-2009 09:50 PM

واللهى انا مش مصدق دى حاجه تجنن بجد دى اللى بيحصل ده ليه العجب دى لو توك توك هيعيش اكتر من كده عمنا غبور ده عدا السلك مره فيرنا فيفا فيها بارومه وكانت فى الضمان ومره ماتريكس تعمر قبل الخمسين ولسه الرجل دى هيجيب هيونداى الارض مش علشان الموتور قفش لا لانه بجح هو والناس ا للى عنده يقولك بره الضمان قال يعنى لو فى الضمان هيغيره ؟ هيقولك سؤ استخدام الحمد لله انى بعت الماتريكس واستريحت من غربور

**bassam nagy** · 01-12-2009 10:11 PM

حاسس فى حاجة غلط ماهو الموتور شغال فى الفيرنا من 2004 والانترا 2005 والجيتز زى الفل بقالو كذا سنة

**monmonmon** · 02-12-2009 09:34 AM

المشاركة الأصلية كتبت بواسطة الريس

الله معك يا صديقي

بس احب اقولك ان ممكن عربية تعمر قبل الخمسين الف كمان
الاسباب كتير

اهمها
فلتر زيت بايظ او مسدود
مطب سرب الزيت نتيجة شرخ في الكارتيرة
تسريب في الريدياتير و العربية سخنت و حضرتك مخدتش بالك
قيادة سيئة (حرق على الغيارات او تسقيف مستمر)
و هكذا
و ده طبعا لا يعفى مسئولية التوكيل
انه على الاقل يكشف سبب تفويت او قفش الموتور
و حضرتك حفاظا على حقك لازم تتابع مع جهاز حماية المستهلك
و برجاء متحاولش تصلح حاجة لحد الجماعة دول ما يبتدو يعاينو

و تاني مرة الله معاك و يصبرك

انا معاك فى كلامك

اهم حاجه تحمى المكنة التبريد و التزييت من غيرهم المكنة تموت زى المياه و الهواء بالنسبة لنا

بس الحرق مفيش منه ضرر على المكنة و حتى التسقيف لو فى حدود المعقول بردوا مفيش مشاكل لان فى معظم اوقات السواقة بتتعرض لحدوث التسقيف حتى لو بتحرق او بتنقل بدرى او بتمشى كويس و الكونترول بيقلل من حدة الصفع عن طريق ظبط زمن اعطاء الشرارة (الاشعال)

انا عامل 72 ألف بماتريكس 2007 و حرقت بيها كتيير جداااااااااا جداااااااااااااااااا و الحمد لله زى الفل

لو الحرق تم اثناء وجود خلل فى نظام التبريد او التزييت المكنة هتنهار

و ارجو من صاحب الموضوع فحص العربية جيداااا و التأكد ان مفيش خلل فى التبريد و الزيت و كمان يوضح الصوت عامل ازاى؟ و هل سحب العربية قل عن الاول؟

و انصحك تكشف على الردياتير و مستوى المياه فى القربة
فحص الزيت و مستواه و الطلمبة
عمل اختبار كبس للمكنة
فحص التاكيهات

المشكلة ممكن تطلع هايفه جداااا و الله المعين و لو فعلا فى حاجه ان شاء الله تاخد حقك