كارثه وفضيحه ماتريكس 2006..انا مش مصدق..من فضلكم الحقوني!

اولا شكرا لنايل موتور وللمهندس عاطف علي مجهوداتهم في المنتدي....ويا ريت حد يقولي ازاي اتصل بالمهندس عاطف ضروري

المشكله باختصار..انا عندي هيونداي ماتريكس مو 2006 عامله 48 الف كيلو بس ولاحظت صوت غريب في الموتور من كام يوم...ورحت ابو رواش انهارده وكانت المفاجأه قالي الموتور عايزعمره وهتكلف 18 الف جنيه!!

عمري ما شفت في حياتي عربيه موتورها يفوت قبل ماتكمل حتي 50 الف كيلو...قلتله دي اكيد عيوب صناعه كل اللي طالع عليه العربيه بره الضمان كأن العربيه بتضرب بالرصاص بعد ما تخرج من الضمان!!

للتوضيح العربيه دي في الصعيد وكان بيتعملها صيانه دوريه ما بين فرع محافظه قنا وما بين فرع ابو رواش لما بنكون في القاهره...بس هو احتمال من اتنين اما عيوب صناعه او فرع قنا ده ملوش فيها خالص.....من فضلكم اللي يقدر يساعدني لأني مش عارف اعمل ايه وحاسس بظلم فظيع وصدمه في نفس الوقت...بستنجد بيكم
جزاكم الله كل خير

مش عارف بس متهيالي لو جبت موتور استيراد هايبقي ارخص بكتير
كان لنا تجربة سابقة في فورد فيستا والتوكيل قال ان العمرة هتكلف 20 الف قلنا له شكرا واشترينا واحد استيراد ب5 الاف جنيه

اقتباس:

---

المشاركة الأصلية كتبت بواسطة cairo2005

مش عارف بس متهيالي لو جبت موتور استيراد هايبقي ارخص بكتير
كان لنا تجربة سابقة في فورد فيستا والتوكيل قال ان العمرة هتكلف 20 الف قلنا له شكرا واشترينا واحد استيراد ب5 الاف جنيه

---

1+

قصة الموتور الاستيراد دي خليها اخر حاجة و لازم تاخد حقك منهم لأن ده استهبال فعلا و طالما كنت بتعمل الصيانات الدورية شوف الفواتير بتاعتها و كلمهم على قصة ان دي مش عيب استخدام ولا حاجة لو معرفتش تطلع معاهم بنتيجة يبقى تطلع على حماية المستهلك و هما عندهم هيئة متخصصة بفحص العربيات و هتحدد اذا كان عيب صناعة ولا عيب استخدام ولا عيب صيانة و لو عيب صناعة او عيب صيانة يبقى في كل الاحوال غبور باشا مطالب انو يعملهالك بدون تحمل ده حقك و متسيبوش بس طمنا انت كنت بتعمل الصيانة بانتظام و في التوكيل ولا برة؟ لأنك لو عملت حاجة واحدة بره ممكن يتلككوا

يا جماعه انا مش بفكر اغير موتور خالص ده بجد حرام...العربيه تعتبر جديده
انا نفسي اتصل بحد محترم بالتوكيل...وانا كل حاجه بعملها في التوكيل

لازم تعمل شكوي في جهاز حماية المستهلك و تبعت إيميلات فيها التفاصيل لهيونداي كوريا .

حضرتك متستناش وروح لحمايه المستهلك

واوصله ازاي حمايه المستهلك ده؟؟؟

اقتباس:

---

المشاركة الأصلية كتبت بواسطة ramyfaris

واوصله ازاي حمايه المستهلك ده؟؟؟

---

اتفضل يا باشا ادي الموقع بتاعهم

جهاز حمايه المستهلك

وادي تليفوناتهم 19588
فاكس 35392647

اي خدمة طالما فيها خدمة لعمنا غبور :_Alshmokh08[1]:

اقتباس:

---

المشاركة الأصلية كتبت بواسطة superiorboy

قصة الموتور الاستيراد دي خليها اخر حاجة و لازم تاخد حقك منهم لأن ده استهبال فعلا و طالما كنت بتعمل الصيانات الدورية شوف الفواتير بتاعتها و كلمهم على قصة ان دي مش عيب استخدام ولا حاجة لو معرفتش تطلع معاهم بنتيجة يبقى تطلع على حماية المستهلك و هما عندهم هيئة متخصصة بفحص العربيات و هتحدد اذا كان عيب صناعة ولا عيب استخدام ولا عيب صيانة و لو عيب صناعة او عيب صيانة يبقى في كل الاحوال غبور باشا مطالب انو يعملهالك بدون تحمل ده حقك و متسيبوش بس طمنا انت كنت بتعمل الصيانة بانتظام و في التوكيل ولا برة؟ لأنك لو عملت حاجة واحدة بره ممكن يتلككوا

---

+1

لا حول ولا قوة الا بالله

كان لسه من حوالي كام شاب اشترى متوسيكل صيني واتكسر من سوء الصناعة في نفس اليوم والمحل مرضيش يبدله حماية المستهلك جابت له منهم تعويض 100 الف جنيه
يعني اللي بيكسب القضية بياخد تعويض مش بس حاجته ترجع سليمة
يلا عقبالك يارب ولينا الحلاوة ولبتوع غبور عيش وحلاوة

بص يا باشا شوف حد تانى خليه يكشف عليها

اقتباس:

---

المشاركة الأصلية كتبت بواسطة نور القمر

كان لسه من حوالي كام شاب اشترى متوسيكل صيني واتكسر من سوء الصناعة في نفس اليوم والمحل مرضيش يبدله حماية المستهلك جابت له منهم تعويض 100 الف جنيه
يعني اللي بيكسب القضية بياخد تعويض مش بس حاجته ترجع سليمة
يلا عقبالك يارب و[gdwl]لينا الحلاوة ولبتوع غبور عيش وحلاوة [/gdwl]

---

:verygood:
فعلا تعبير فى محله جدا
بس ممكن اعرف ايه اللى حصل فى الموتور ؟

الله معك يا صديقي

بس احب اقولك ان ممكن عربية تعمر قبل الخمسين الف كمان
الاسباب كتير

اهمها
فلتر زيت بايظ او مسدود
مطب سرب الزيت نتيجة شرخ في الكارتيرة
تسريب في الريدياتير و العربية سخنت و حضرتك مخدتش بالك
قيادة سيئة (حرق على الغيارات او تسقيف مستمر)
و هكذا
و ده طبعا لا يعفى مسئولية التوكيل
انه على الاقل يكشف سبب تفويت او قفش الموتور
و حضرتك حفاظا على حقك لازم تتابع مع جهاز حماية المستهلك
و برجاء متحاولش تصلح حاجة لحد الجماعة دول ما يبتدو يعاينو

و تاني مرة الله معاك و يصبرك

ما تسبش حقك, عليك و على حماية المستهلك و اعمل ملف بالصيانات و الفواتير و كل حاجة و جهز اكتر من صورة من ده كله و ربنا معاك العالم دى ما بتجيش غير بكده .... و لو اتقابلت مع حد من التوكيل ماتروحش باصل الفواتير دى و خلى دايما معاك الصور من الملف لأن دى مستنداتك ,
وده تليفون المهندس عاطف ه تابع معاه و ربنا يسهل لكن خليك مع حماية المستهلك الاول ,

Atef Abdul Samie'a M
Hyundai CRM Manager
GB Auto
Mobile phone: 0126778884

ربنا معاك وعليك وعلى حماية المستهللك

بس فى حاجة غلط ياما مركز الصيانة دة كانوا بياخذوا فلوس ومابيعملوش حاجة ياما زى ماقال المهندس باسم
سبب من الاسباب دى

اسمع كلامي خلص حالك يا مع التوكيل و اتكلم انك هتبلغ حماية المستهلك و هيكلفهم قضية و سمعة لو ما خلصتش معاهم خليك على حماية المستهلك و هيجيبولك حقك من التوكيل الزفت ده

عمرة موتور ب 18 الف
بسم الله ما شاء الله
حقيقى بلد مينفعش معاها حاجه .. ولا زيرو نافع .. ولا يوزد نافع
دانت كنت ممكن غيرت الماتركس ب ال 18 الف دول وجبت حاجه اعلى .. لنا الله
وعماااااار يامصر

بحد حاجة تقرف

اهم حاجه جهاز حمايه المستهل هو اللى هيجبلك حقك وربنا معاك بس اهم حاجه حضر فواتير الصيانه وان شاء الله تاخد حقك

رابط به تجربة مع حماية المستهلك
http://www.nilemotors.net/Nile/107853-a.html

موقع جهاز حماية المستهلك ,
http://www.cpa.gov.eg/events.htm

واللهى انا مش مصدق دى حاجه تجنن بجد دى اللى بيحصل ده ليه العجب دى لو توك توك هيعيش اكتر من كده عمنا غبور ده عدا السلك مره فيرنا فيفا فيها بارومه وكانت فى الضمان ومره ماتريكس تعمر قبل الخمسين ولسه الرجل دى هيجيب هيونداى الارض مش علشان الموتور قفش لا لانه بجح هو والناس ا للى عنده يقولك بره الضمان قال يعنى لو فى الضمان هيغيره ؟ هيقولك سؤ استخدام الحمد لله انى بعت الماتريكس واستريحت من غربور

حاسس فى حاجة غلط ماهو الموتور شغال فى الفيرنا من 2004 والانترا 2005 والجيتز زى الفل بقالو كذا سنة

اقتباس:

---

المشاركة الأصلية كتبت بواسطة الريس

الله معك يا صديقي

بس احب اقولك ان ممكن عربية تعمر قبل الخمسين الف كمان
الاسباب كتير

اهمها
فلتر زيت بايظ او مسدود
مطب سرب الزيت نتيجة شرخ في الكارتيرة
تسريب في الريدياتير و العربية سخنت و حضرتك مخدتش بالك
قيادة سيئة (حرق على الغيارات او تسقيف مستمر)
و هكذا
و ده طبعا لا يعفى مسئولية التوكيل
انه على الاقل يكشف سبب تفويت او قفش الموتور
و حضرتك حفاظا على حقك لازم تتابع مع جهاز حماية المستهلك
و برجاء متحاولش تصلح حاجة لحد الجماعة دول ما يبتدو يعاينو

و تاني مرة الله معاك و يصبرك

---

انا معاك فى كلامك

اهم حاجه تحمى المكنة التبريد و التزييت من غيرهم المكنة تموت زى المياه و الهواء بالنسبة لنا

بس الحرق مفيش منه ضرر على المكنة و حتى التسقيف لو فى حدود المعقول بردوا مفيش مشاكل لان فى معظم اوقات السواقة بتتعرض لحدوث التسقيف حتى لو بتحرق او بتنقل بدرى او بتمشى كويس و الكونترول بيقلل من حدة الصفع عن طريق ظبط زمن اعطاء الشرارة (الاشعال)

انا عامل 72 ألف بماتريكس 2007 و حرقت بيها كتيير جداااااااااا جداااااااااااااااااا و الحمد لله زى الفل

لو الحرق تم اثناء وجود خلل فى نظام التبريد او التزييت المكنة هتنهار

و ارجو من صاحب الموضوع فحص العربية جيداااا و التأكد ان مفيش خلل فى التبريد و الزيت و كمان يوضح الصوت عامل ازاى؟ و هل سحب العربية قل عن الاول؟

و انصحك تكشف على الردياتير و مستوى المياه فى القربة
فحص الزيت و مستواه و الطلمبة
عمل اختبار كبس للمكنة
فحص التاكيهات

المشكلة ممكن تطلع هايفه جداااا و الله المعين و لو فعلا فى حاجه ان شاء الله تاخد حقك

لازم تعمل شكوي في جهاز حماية المستهلك و تبعت إيميلات فيها التفاصيل لهيونداي كوريا .

ومتسناش يا ابن عمي

ابعت ايمال لهونداى كوريا التوكيل بيترعب منهم

استاذ رامى حضرتك بعدت شكوى لحماية المستهلك وهل فى جديد فى الموضوع من ناحية التوكيل

لو مافيش جديد مع التوكيل و هتعمل عمرة خلاص اهملها عند بيومي و امرك لله هيعملهالك بربع التمن ده و شغله نضيف جدا

يا استاذ رامي عملت ايه طمنا

يا باشا موتور 3000 جنية استراد كورية لما تلف وتخلص من التوكيل هاتو من بورسعيد وريح دماغك عشان التوكيل متها

بنسبة كبيرة جدا ده عيب صناعة .. و اكيد هيحاولو يهربو من المسئولية .. خليك وراهم وهما هيعملوه بس هما بيحتاجو شوية رخامه عشان يعملو الشغل الواجب عليهم وبعدين عادي دي مش اول شكوى من غبور

اقتباس:

---

المشاركة الأصلية كتبت بواسطة wisambasha

يا استاذ رامي عملت ايه طمنا

---

إيه الاخبار و ياريت تكون كلمت المهندس عاطف...شخص محترم جداً و هايجيب من الأخر....:verygood: