بما إنه ليس طرف فى المشكلة ومساعدته للعسكرى لن تفيد , الأفضل إنه كان مشى فى حال سبيله
عرض للطباعة
بما إنه ليس طرف فى المشكلة ومساعدته للعسكرى لن تفيد , الأفضل إنه كان مشى فى حال سبيله
السكوت من دهب
ان شايف انه اتصرف غلط عشان نزل من عربيته وهو مش طرف فى المشكلة
بالذات انه مش على طريق سريع والناس اللى فى مكان الحادث ناس كتير حتنجدهم
لكن هو اتصرف صح لما نزل ولقى الكلام عليه وماتكلمش كان ممكن الناس تتلم عليه
ويبقى فى مشكلة اكبر هوة مالوش ذنب فيها
انا شايف انه يشيل الموضوع من دماغه اصلا
الجرى نص الجدعنة فى البلد دى على ماتثبت ان مش انت تكون يا معلم مبانش لك صاحب
بص هو الى عمله عين العقل فى البلد دى (هو مش ده الصح بس العقل بيقول كده فى ظل الاوضاع الخطأالى عايشنها)
لما ناس مشافتش حاجه وبتقول احنا شفنا وبتأكد كلام بتوع الموتوسكل
هو كان ممكن يقولهم بقى لا انا كنت واقف وشفتكم وانتو الى خبطوه ويرمى بلاه هو عليهم
بس مكنش حنوبه غير يروح القسم ويتبهدل ساعات
على فكره هو عين العقل الى عمله انه ركن عربيته بعيييد ونزل كأنه واحد عادى يشوف الى حصل
لسبب مهم انه ممكن كان حد شاف رقم العربيه وعملوله محضر ورمو بلاهم فكان لازم يطمئن عشان لو عملولو محضر كانت حتبقى مصيبه وحتتثبت عليه لانهم حيقولو خبط وجرى
فهو الى عمله عقل برضه
إسمحولي أحكي لكم قصة مشابهة حصلت معايا انا شخصيا علشان تعرفوا الحال المايل بتاع البلد
السنة اللي فاتت كنت باحاول ادور على ركنة في منطقة تسوق مزدحمة ببورسعيد و معي زوجتي و ابني
و فجأة سمعت صوت عربية جاية بتجري بسرعة كبيرة لفتت نظري و خصوصا ان المنطقة لاتصلح للجري تماما
وزي ماتوقعت باظبط "شاب متهور يقود هوندا سيفيك 92 حمراء" و الكاسيت عالي و يقوم بصدم إمرأة تعبر الشارع و بصحبتها إبنها
طبعا الولد ده لم يتوقف و جرى بالسيارة بس المدام أخذت الرقم
الناس كلها إتلمت على السيدة الي سقطت في الأرض و الحمدلله كانت سليمة لان الخبطة كانت في أعلى رجلها و جانبها لما حاولت تحمي ابنها الصغير
المهم بسرعة نقلتها هي وابنها في عربيتي و طلعت على المستشفى لعمل الإسعافات اللازمة
طبعا أثناء وجودها في الإستقبال قمت بلإتصال بأحد أقاربي من الدرجة الأولى و هو ظابط كبير و أخبرته بالحادث و رقم السيارة و كان رده كالأتي:
- الست كويسة ولا الإصابة خطيرة؟
انا سألت الدكتور و طمني ان الموضوع عبارة عن كدمات و سحجات و لا توجد كسور
- قالي الست بتتهمك بحاجة
لاء بس انا معايا نمرة العربية اللي خبطتها
- قالي مالكش دعوة بالموضوع ده تماما علشان ماتتبهدلش و ادي نمرة العربية للست لو عايزة تعمل محضر
طبعا قفلت السكة و انا متغاظ جدا و قلت للدكتور اللي حصل و هو إتأكد من السيدة لانه كان شاكك انه انا اللي خبطتها و في النهاية أيد كلام قريبي الظابط
طبعا حالة السيدة دي طلعت أغلب من الغلب نفسة و زوجها متوفى و لا تملك أصلا ثمن الروشتة اللي كاتبها الدكتور و لا ثمن الكشف و طبعا لا تريد ان تدخل في مهترات مع الشرطة و المحاضر و الأقسام ....وانتهى الموضوع اني قمت بتوصيلها لمنزلها
وكانت مكافئتي دعوة حلوة عسى ان يتقبلها ربي...
للاسف دة الواقع وحال بلدنا دلوقتى ........ومفيش امل فى التغيير لانة بقى مبدا اجيال ومحدش قادر يدى الامان لحد .....
جرب اقعد فى اى بلد ارياف او بلد لسة بخيرها اسبوع واحد وارجع تانى بلدك هتحس انك كنت فى غربة وانك عايش فى غابة ....
بس احييك بجد على الشهامة والموقف الى عملتة مع الست ......وفعلا لما بتسمع كلمة حلوة او دعوة حلوة من حد محتاج وساعدتة بتساووى كتير اووى عندك وفى حسابك فى الاخرة وبتخليك راضى على نفسك