اي حد جرب توكيل عقل بطنطا يقولي علشان انا هاروح عن قريب انشاء الله
عرض للطباعة
اي حد جرب توكيل عقل بطنطا يقولي علشان انا هاروح عن قريب انشاء الله
انا جربته ..
عملت فيه صيانه 45 الف كم ..
و غيرت الزجاج بتاع الباب الامامى يمين ....
رأيى الشخصى لو عندك اعطال متروحش ...
انما لو صيانه بسسسسسس روح لانها سهله ..
انما هما فى الاعطال مش خبره خااااالص ...
خصوصا ان المهندس الى ماسك التوكيل (و ده كان خبره) راح الجيش.....
فين ده؟
عقل ده على الطريق الزراعى يا باشا
السلام عليكم ورحمة الله وبركاته
حضرتك يا باشا حكمت على التوكيل ازاى وانت معملتش فيه الا صيانة 45 الف وغيرت زجاج امامى فقط فين الاعطال اللى سيادتك روحت بيها واحنا معرفنهاش خالص وبعدين المهندس موجود هناك مرحش الجيش انا المهندس احمد واعمل فى هذا التوكيل فيا يا ريت يا جماعه منعيبش فى شئ وهو محصلش معانا مع احترامى للساده الاعضاء
انا معيبتش فى التوكيل يا بشمهندس ..
و لكن الراجل ادامه اختيارات ...
يعنى ممكن يروح غمره و ممكن نور الدين شريف ..
و اعتقد سواء غمره او نور شريف فهما اكتثر خبره من مركز عقل ..
و انا مقولتش انكو مش بتفهمو حاجه بالعكس انا قلت انكو كويسين فى الصيانه ...
و بالنسبه للمهندس ..
المهندس يوسف مش راح الجيش ؟؟
اخر مره كنت هناك قالى انه رايح الجيش و ده بصراحه راجل قمه فى الاحترام و الادب ..
بالنسبه بقى للاعطال االى قلت عليها ..
هى ان سنتر الباب فصل بعد تغيير الزجاج و الباب مكنش بيفتح و الصنايعيه حولو يلبسونى تمت تغيير السنتر و انا رفضشت و فى الاخر طلع ان العيب منهم و هم بيقفلو فرش الباب ..
لو فى نور شريف مكنش ده حصل لانهم غيرو زجاج ابواب كتييييييير فبيتفادو الاخطاء دى ...
و شكرا يا بشمهندس و ان شاء الله لما اجى المركز تانى هعرف حضرتك بنفسى ...
اه و نست كمان انى اشتكيت من صوت فى العجله الى ادام يمين و صوت العفشه عموما عاااااالى ...
و مكنش فى حل !!!
و مع ذلك انا مش زعلان ولا مضايق ...
و مش عيب ..
انا شخصيا مبسوط ان المركز فى اقل من سنه عمل سمعه كويسه و عدد العربيات كل يوم بيزيد عن الى قبله ..
ربنا يوفقكو ..
السلام عليكم انا المهندس يوسف . الاول احب اشكر استاذ خالد على ذوقه وانا فعلاً كنت رايح الجيش بس ربنا رحمنا منه الحمد لله التوكيل عندنا انا بعترف بوجود اخطاء بسبب قلت خبرة بعض الناس بس مش معنى كدا انا احنا مش بنفهم حاجة وفعلاً لو زى منا فاكر الراجل دا اتعمل معاه شغل من اللى يتعب القلب بسبب خطأ فنى ارتكبه واحد من الصنايعية . بس الحمد لله مفيش مكان بدون أخطاء بس انا بقول ان عندنا نسبة الاخطاء اقل بكتيير من الورش الاخرى
مساء الخير يا بشمهندس يوسف ليه التعبير ده( الاول احب اشكر استاذ خالد على ذوقه وانا فعلاً كنت رايح الجيش بس ربنا رحمنا منه الحمد لله)
ليه كده بس يا بشمهندس ههو احنا وحشين قوي للدرجه دي بس ياريت كنت تجرب علشان تحكم بنفسك
علي العموم انا هاحاول انشاء الرحمن اجيلك الخميس القادم يا تري هتبقي موجود ولا لا
هوا إيه مركز عقل ده
اهلا اهلا ..
ازيك يا بشمهندس يوسف ..
مبروك على اعفاء الجيش ..
انا مقلتش ان المركز مش نافع او مش بيفهمو ...
انا كل الى قلته ان مثلا مركز زى نور الدين شريف ..او ارتوك خبرتهم عموما اكتر نظرا لانهم باقلهم فتره كبيره ...
و قلت ان مركز عقل ما شاء الله عمل اسم كويس فى فتره قصيره جدا ...
و الاخطاء موجوده فى كل مكان ..
عندك مثلا منصور (من اكبر التوكيلات فى مصر بيعملولى حاجات فى العربيه الاوبل تودى الدنيا فى داهيه ...)..
انا كل الى قلته ان لو الراجل فى مشاكل كبيره فى عربيته يروح مركز رئيسى عشان المشكله تتحل اسهل ...
و انا برده هجيلكو فى عقل ...(عشان اكل من عند ام خالد الى فى البلد الى وراكو عارفها ؟؟ههههههالله يسامحه الى وصفهالى و انا عندكو)...
و فى الاخر احب اقول انى سعيد جدا انك معانا هنا على المنتدى ....
و حمدا لله على السلامه مره تانيه ...
يا حلاوه ..
واحد قال كلمه على مركز صيانه
طلع كل اللى فيه اعضاء فى المنتدى ...ونطوله فى الموضوع
هو المنتدى متراقب ولا ايه ؟؟!
انا نايل موتورز
بما ان في اعضاء معانا هنا قي المنتدى، مهندسين في توكيل عقل!!!!
هسأل كام سؤال وارجو الإجابة عليهم من المهندسين الأفاضل (بما يرضي الله) لأن ده هايأثر على قراري في نوع العربية اللي هاشتريها، وغالبا بفكر في اسكودا a5
1- انا من المنصورة، هل توكيل عقل هو اقرب مكان معتمد بالنسبة لي لصيانة السكودا؟
2- هل توكيل عقل هانلاقي فيه الحركات اللي بنلاقيها في التوكيلات التانية زي، مفيش مراية يمين، مفيش فانوس شمال، هانشوفلك في المخازن. ولا قطع الغيار متوفرة؟
اذكركم بالرد بما يرضي الله.
وبصراحة مش عارف اعتبر عد الرد معناه ايه.
انا هرد اقول لحضرتك حاجتين ...
اولا المهندسين الى فى التوكيل و معانا هنا على المنتدى مش بيدخلو كتير ...
فمستعجلش فى انهم يردو عليك اوى ...
تانى حاجه ...
مركز عقل اعتقد بياخد قطع غياره من ارتوك ..(لان عقل مركز معتمد من ارتوك)...
فالموضوع بيرجع لارتوك نفسهم ...
و على حسب معلوماتى المتواضعه ..
ارتوك محقق توافر قطع غيار افضل من توكيلات تانيه كتير و على سبيل المثال افضل من منصور(من اكبر توكيلات السيارات فى مصر و اكبر شبكه مراكز خدمه)...
انا شخصيا روحت مركز عقل و كنت محتاج زجاج باب امامى يمين ...
بصراحه ..
مكنتش متوقع انى الاقيه هناك ..
بس لقيته و ركبته (و شغال حلو مفهوش حاجه)....
طبعا كلامى ده مجرد كلام من شخص ليس خبير (الى هو انا )..
انتظر المهندس يوسف او المهندس احمد (مش متاكد من الاسم بصراحه)..
انا معرفش حضرتك حاد جداً فى لهجتك وكلامك ليه واكن ان فى حد فى المنتدى شغال فى توكيل معتمد دى حاجة وحشة
عموماً فرصة سعيدة بحضرتك
انا مهندس يوسف شغال فى توكيل سكودا فرع الدلتا (عقل) مهندس صيانة وضمان.
بالنسبة لاساللتك
1- هوا اقرب توكيل معتمد فى الدلتا لو حابب تروح مكان تانى يبقى فى الاسكندرية او القاهرة
انا بتكلم عن التوكيل المعتمد وليس الورش
2- لو حضرتك بتسأل عن حاجة متداولة بنسبة كبيرة جداً هتلاقيها عندنا فى المخزن عادى زى الفوانيس وكفة المرايا او كفر المرايا او الاشارات وخصوصاً فى ال a5 وال a4
بس طبعاً فى حاجات لسا مجتش ومطلوبه من القاهرة الفرع الرئيسى للمخازن ولسه مجتش زى مثلاً مرايات الاوكتافيا الجديدة fantasia دى مش موجودة عندنا وفى حاجات ساعات بتبقى مش موجودة زى مثلاً مفصلة باب خلفى شمال felicia :)
وعلشان حضرتك تعذر الناس شوية احنا لمابيبقى فى حاجة نقصه او خلصانه لما بنيجى نعمل order حضرتك ممكن ال order بتاعنا بيجى منه منه 80 او 90 % فقط مبيجيش كامل ودا بيبقى سبب المشكلة . بس عموماً لو حضرتك شرفتنا وطلبت حاجة مش موجودة عندنا بتسيب رقم تليفونك واحنا بنكلممك خلال اسبوعين لما تكون الحاجة دى وصلت .
يارب اكون افدتك
شكرا على الرد، واعذرني على اللهجة اللي طلعت حادة بطريقة غير مقصودة !!!
لإني قبل كدا صادفت مواقف فيها تهريج بصراحة من التوكيلات في عدم توافر قطع الغيار او توافرها بأسعار خيالية، وانا بتكلم عن توكيلات غير اسكودا طبعا.
وفرصة سعيدة، وانا شايف ان وجود اعضاء في المنتدى مهندسين في التوكيل، اضافة كويسة طبعا للمنتدى
اعتقد انه مركز كويس
عايز جنط اوكتافيا فانتازيا 17 الشكل دى يساوى كام بس يكون عليه علامة اوكتافيا
والكاوتش بردجيستون 17/45/225
عايز جنط اوكتافيا فانتازيا 17 الشكل دى يساوى كام بس يكون عليه علامة اوكتافيا
والكاوتش بردجيستون 17/45/225
فين الردود يا توكيل طنطا
السلام عليكم ورحمة الله وبركاته
لو سمحت عاوز اشتري سيارة اسكودا سوبيرب سعر الكاش اد أيه ونظام القسط اه ممكن الإفادة اعزكم الله وشكرا
ممكن اعرف سعر سيارة إسكودا سوبيرب سعر كاش اد أيه وسعر القسط ونظام المقدم ونظام الشهري ممكن الإفادة اعزكم الله
طيب عندك حل لمشكلة تقطيع العربية وانت مسافر علي سرعة دي تبقي من ايه ... غيرتلها طرنبه البنزين ( الرداغ ) والكاربيراتير مفيهوش حاجة دة علي حد كلام الصنايعية
انا معايا سكودا فيلشيا 1999