حادثة والعربية لسه زيرو..

**wounded** · 30-11-2009 09:12 PM

السلام عليكم اولا...
كنت ماشى فى امان الله قام دخلت عليا عربية من العربيات القديمة موديل 1940 .( عربية حديد ).
وجرت عربيتى حوالى متر من الجنب.
وطبعا نزلت من العربية متوقع الاقى الجنب كله متاكل خالص.
بس لقيت الحمد لله خبطه بسيطة قطرها حوالى 10 سم على الرغم ان العربية اتخبطت جامد.
والخبطة جت فى الرفرف الجانبى الامامى من ناحية السائق وطبعا عدلتها على البارد بس انتو عارفين ان العدل على البارد بيسيب اثر فى الدهان وبيبوظ شكل العربية.
فياريت تدلونى ادخل العربية الفرن وادهنها دوكو . مع العلم ان العربية اسود ميتاليك.
ولا اغير الرفرف كله .وفى الحالة دى عايز اعرف كام سعر الرفرف فى التوكيل.
ولا اسيبها كده واهى بتشيل العين ...؟
منتظر الردود .......

**A.Saad** · 30-11-2009 09:20 PM

سيبها فترة تشيل العيون

**fady_anis** · 01-12-2009 01:27 AM

سيبها كده احسن عشان العين

**nab!l** · 01-12-2009 01:36 AM

لاحول ولا قوة الا بالله

**sab3aawy** · 01-12-2009 11:52 AM

تدهنها او تسيبها دى مسألة تخضع لقدرتك على تحمل منظرها، انا شخصيا لو دى عربيتى مش هقدر امشى بيها بالمنظر ده متر واحد، لكن فيه ناس بتقدر تتحمل

طالما ان الرفرف قبل التصليح على البارد يبقى اكيد لما يتعمل علىالسخن هيطلع كويس وبالتالى لا داعى لشراء رفرف، كما ان الأسود من الألوان سهلة الدهان ومش بيعمل فروقات لون(صحيح هى العربية صنى وللا تيدا وللا ايه؟ لو صنى تبقى مش ميتاليك لأن اسود الصنى المجمعة فى مصر مش ميتاليك، حتى لو كان البياع قال لك غير كدة، اللون الميتالك هو اللون اللى بيكون فيه حبيبات فضية موجودة ضمن اللون ومرئية بالعين ويتم رشه على طبقتين، طبقة اللون اولا ثم طبقة المثبت الشفاف ثانيا، وجميع الوان الصنى الموجودة فى مصر ميتالك ماعدا الأبيض والأسود،لو تيدا او موديل آخر احتمال تكون ميتالك وان كنت لا اذكر انى شفت تيدا اسود ميتاليك)

**wounded** · 01-12-2009 02:46 PM

العربية نيسان صنى اسود موديل 2010.

**kasten** · 01-12-2009 03:13 PM

الحمد لله جت بسيطه

**wounded** · 04-12-2009 09:15 PM

انا عايز اضرب مكان ا لخبطة اسود زى الاول.
بس مش الرفرف كله اعمل ايه ؟
ولو وديتها التوكيل ودهنهالى هل حيدهنلى الرفرف كله ؟ ولو ده حصل بكام تمن الدهان؟؟
ياريت اللى يعرف يرد علشان انا خام فى حكاية الدهان دى..