الموضوع: عربيتك ايه؟! جميلة جدا لازم تشوفوه

[sor2]http://photos-b.ak.fbcdn.net/hphotos-ak-snc3/hs078.snc3/14533_350879440351_270952435351_9936180_2391333_n. jpg[/sor2]
كنا وعدناكم من فترة بتعليم دروس في قيادة السيارات

نبدأ نعرف ايه موضوع القيادة ونستفيد مع بعض

بس على فكرة الموضوع معقد شوية وعاوز صبر وشوية من التركيز

◄◄ايوه يعني ايه دخل ده بصفحة أنا مسلم؟؟

◄◄اه صحيح السؤال ده برضه في دماغي انا كمان

انتوا بس لو صبرتوا على رزقكم هتعرفوا كل حاجة
================
للمتابعة اضغط على see more
================
◄◄ ماشي خلينا ورا ـــــــــــــــــــــ اتفضل كمل

اولا انا هشرح باللغة المصرية علشان ده اللى اتعلمت عليه

كلنا عارفين ان في العربية 3 دواسات ((بنزين- فرامل - دبرياش (او ناقل الحركة فيتيس برضه بيطلق عليه))

وعصاية ناقل الحركة ((الفيتيس)) فيها 6 حاجات

5 3 1
2 4 R

المهم معلومات عامة عن الطريق
(((أولا اللحظة اللى بتعدي مش بترجع تاني)))

الحركة في ناقل الحركة (1) هي اقوي حركة ((الصلوات الخمس والفرائض)) وهي اقل سرعة ولازم تخلي العربية بتاعتك ماشية واقل حاجة تعملها

الطريق فيه مشاكل كتير جدا هتواجهك هتستلزم انك تتصرف في اللحظة المناسبة أو انك اخترت نهايتك بان عربية تانية هتدوسك

امكانيات العربية بتاعتك بايدك انت تطورها ((بحسناتك)) كلما زودت امكانيات عربيتك ((حسناتك)) كلما كانت القيادة اسهل والمخاطر اقل

هتقابلك ارشادات كتيرة في الطريق مثلا هتلاقي لافتة مكتوب عليها
((وان هذا صراطي مستقيما فاتبعوه ولا تتبعوا السبل فتفرق بكم عن سبيله ذلكم وصاكم به لعلكم تتقون))

والحاجات دي متاحة الرؤية فقط للناس اللى متعلمة ((يقصد بالتعليم هنا قوة البصيرة وقوة الايمان فكم من اناس يمسكون المصحف ويختمونه كثير من المرات ولا يفهمون ما يقرأون))

كمان لازم تعرف ان السباق ده شغال طالما انك بتتنفس على ظهر هذه الارض ولكن ما يؤرق الجسد انك لا تعرف متى ستكون النهاية
((وما تدري نفس ماذا تكسب غدا وما تدري نفس باي ارض تموت))

كمان لازم تعرف انك ماشي في سفر من مكان لمكان تاني وكلما قل حمولة العربية بتاعتك ((من الذنوب)) كلما زود سرعتها لانه في نهاية الطريق لن يسمح بدخول المدينة الساحرة ((الجنة)) الا اذا كانت حمولة السيارة عند حد معين ولازم علشان تقدر تكمل في الطريق الطويل ده ان يكون معاك ما يعينك من مشاق السفر زي الميا والاكل والشرب والخير من ده كله
((وتزودوا فان خير الزاد التقوى))

المهم طلعت بالعربية بتاعتك وتمام

وكمان لقيت نفسك البنزين بتاعك شغال ((حسنات وصلاة وقيام وذكر وكل شئ زي ما كان في ايام رمضان كده))
فجأة
يقابلك مطب ((مشكلة او ضيق في القلب او حنين الى الذنوب او فترة فتور)) عمرك ما كنت راكب عربية وقابلك مطب ورجعت ومكملتش المشوار بتاعك

اللى بيحصل انك بتعمل الاتي
1.بتخفف سرعة العربية بتاعتك وتغير حركة الفيتيس وتخليه على الغيار الاول ((بتقتصر على الفرائض وتقلل من النوافل))

2. بتبدأ تقول لنفسك ده طبيعي وكل الناس بتمر بكده

3. تطلع على الغيار اللى بعده ((تنتقل من جديد من الفرائض الى النوافل وتوقن وتتأكد ان ذلك طبيعي جدا وكل الناس يمرون بذلك))

4. تكون على معرفة تامة ان انت لو قولت ان المطب ده حاجة غير طبيعية وكملت بسرعتك ممكن تتعرض العربية للكسر ((يعني ترجع مرة تانية لحيث بدأت)) وكمان لو انطلقت من الغيار الاول للخامس مرة واحدة زي ما كانت سرعتك ممكن يؤدي ان العربية تفصل عن الحركة وتعجز فلابد من انك تطلع واحدة واحدة مرة تانية

قدامك طرق كتيرة هتقابلك في طريقك طريق ربنا فيه الامان بس مشكلته انه حف بالمكاره يعني هتلاقيه طالع فوق لان الجنة فوق

اما باقي الطرق مداخلها جميلة جدا بس مكتوب على مدخل
((ويحك لا تفتحه ..إنك إن تفتحه تلجه))

بمعني انك هتلاقي طريق الزنا وطريق الخمر وطريق الربا وطريق الكذب

الطريق اولا سهل تمشي فيه لانه منحدر لتحت فمش هتحتاج لتعب ثانيا المدخل جميل جدااااااااااااااااااااااا ااا ودي سنة الدنيا اللى احنا فيها

الناس اللى مش بتعرف تقرا برضه مش هيشوفوا اللافتة دي وهيكون عاوزين يجربوا والمشكلة انك بمجرد ما عربيتك بتلامس الطريق هتلاقي فيه زيت على الطريق هيخليك تنزل الا لو ربنا مَنَّ عليك بفضل بحد كويس يلحقك

المهم

هشبه تشبيه علشان يوصل للاذهان
الرسول عليه الصلاة والسلام علشان حسنات كتيرة جدااااااااااااااا

هتلاقي عربيته (عليه الصلاة والسلام) هامر
HUMMER
متطورة جداااااااااااااااااا
والصحابة هتلاقي عربياتهم متطورة بس اقل من الرسول
والناس الصالحين والناس العابدين والراكعين والساجدين

الموضوع سباق

وهتلاقي شعار مكتوب في ناحية من الطريق

((أترضى أن تكون رفيق قوم لهم زاد وانت بغير زاد؟؟!!؟؟))

يعني ناس كتيرة قوي بتقول نفسنا نكون مع النبي في الجنة
بس ايه امكانيات عربيتك علشان تبقي معاه؟؟
فكر في السؤال ده كويس علشان تقدر تطورها

فحاول تغتنم في الوقت بتاعك كل الحاجات والنفحات والمساعدات اللى هتلاقيها في الطريق بتاعك زي مثلا العشر الاواخر من رمضان والعشر الاوائل من ذي الحجة وليلة القدر و ............... إلخ

كل دي امتيازات محطوطة في الطريق بتأهلك انك تزود من امكانيات عربيتك

◄◄◄ انت محسسني اننا بنلعب
Need For Speed Underground
:D

:D
هههههههههههههه صدقني بجد هي الدنيا كده لو فهمتها على طريقتك هتعرف تحل اللغز حتي لو شبهتها بطريقة اللعبة دي برضه هتفهمها وهتلاقي ان الدنيا كلها ماشية على سنة واحدة بس باختلاف الطريق يعني بس كله في الاخر بينزلك على نفس الهدف ((الاخرة))

============================

ده الجزء الاول من الموضوع وانتظروا الجزء التاني باذن الله قريبا

منقول لأنو عجبني جدا
عربيتكو ايه بقى؟!!!!!!!!!!!!!!!!!!!!