انا اهلاوي وحزين جدا علي قرار الاداره في تعيين حسام حسن مدير فني ,
عرض للطباعة
انا اهلاوي وحزين جدا علي قرار الاداره في تعيين حسام حسن مدير فني ,
ياعم حزين ليه بس ... انتوا مازهقتوش من الدوري ؟؟؟
بس انت ماقولتش انت ليه حزين يني ليه مش عايز حسام يدرب الزمالك ؟
انا اهلاوي اولا
بس انا برضو مش مستريح للاختيار دة .. و قد اكون على خطأ
واضح انه اختيار فقط لامتصاص غضب مشجعي الزمالك :_Alshmokh08[1]:
لكن حسام مشكلته انه مش ممكن تتوقع ردود افعاله و ممكن يصغر نفسه و يصغر الزمالك معاه .. خصوصا لو ابراهيم اخوه بقى معاه
يعني تتوقع مثلا انه ممكن ينسحب بالزمالك زي فاروق جعفر كدة من اي ماتش عشان الحكم مادالوش آوت :ma:
هي الفكرة مش كدة .. انا من الي بسمعه من اصدقائي الزملكاوية ان اللعيبة بتاعت الزمالك " بلطجية " في التمارين و في سماع الكلام و احترام الجهاز الفني .
فلو فعلا الحال كدة .. يبقى حسام حسم احسن واحد يمسكهم .
و بالتوفيق للزمالك ان شاء الله .
منختبنا اهلاوي زملكاوي مصراوي .. لازم كل الفرق تبقى في احسن حال علشان المنتخب يبقى في احسن حال .
بصرف النظر على انه ينفع يكون مدرب ولا لا
هو الوحيد اللي يقدر يمشي ميدو وزكي والاستاذ شيكا على عجين ما يلخبطوش
اعتقد وربنا يستر ومايضربوش بعض
مش شرط يافندم عندك مثلا فرقه زي برشلونه المدرب بتاعها غوارديولا كل خبرته في التدريب انه كان لاعب كوره واعتزل 2006 ودرب الفريق التاني لبرشلونه فتره وبعد كده مسك الفريق الأول...شوف برشلونه عامله ازاي دلوقتي ..اقتباس:
حسام حسن لاعب كبير ليه خبره جامده كلاعب لاكن مدرب مفيش خبره ومفيش اي نجاح كمدرب . الزمالك فريق كبير لازم يدربو مدرب عندو خبرات كبيره ومحدش يقولي هنري ميشيل وخبرته معملش حاجه , ده مش مقياس ان مدرب عندو خبرات فشل يبقي نجيب واحد من غير خبره
وعلفكره كانت بداية قرارته كانت الأستغناء عن رونالدينيو وايتو وديكو
الخبره مش كل حاجه...
جوزيه لما جيه الأهلي كانت خبرته ايه!!!
وبرده ممكن ميحصلش جديد..بس انا شايف ان الزمالك محتاج واحد زي حسام حسن جدا..
انا كنت غلطان اكيد حسام نجح مع الزمالك لكن ربنا يبعد عنه ابراهيم