رينو المقطم ..... و حل مشكلة طارة الدركسيون .... و عدل جنوط في الحرفيين ....شكر خاص
من يومين خدت كام مطب مالهمش لزمة المهم يعني انتهى الامر ان الدركسيون بقى معووج
يعني لازم اكسر سنة شمال عشان امشي دغري و مفيش حاجة بتجنني و انا سايق زي كده :_Alshmokh08[1]:
كلمت التوكيل و لقيت انهم فاتحين الاتنين و انا اجازة قلت فشطة و حجزت و رحت من الصبح و معايا هاني رفيق الكفاح في الرينو chato_eg
المهم قلت لهم تشيك كامل عالعفشة + ظبط زوايا و عدل الطارة
رفعوا العربية عالكوريك بتاع الزوايا و بشوية مساطر قاسوا و نزلوها و خلاص
طبعا دمي اتحرق :_Alshmokh08[1]:
المهم انهم جربوها و قالوا تمام بس فيه جنطين معووجين من المطبات :_Alshmokh08[1]::_Alshmokh08[1]::_Alshmokh08[1]:
مع ان العوجة غير ظاهرة المهم يعني قلت خلاص بينا عالحرفيين و كعيت 100 جند كشف عالعفشة و البتاع
كلمت أيمن مومو و مشكورا دلني عالثلاثية و كلم الحاج سامي اتاكد انهم فاتحين و وصاهم عليا
رحت و عدلت الجنوط كانت العوجة في الشفة الداخلية مش الخارجية
كعيت 100 جند لعدل جنطين + ترصيص الاربع فرد
و انا ماشي لقيت الدركسيون لسه معووج شمال اي نعم اقل بس معووج
كلمت 16202 و اديتهم من المنقي خيار و طلبت اكلم المهندس عمرو ابو الفتوح
ربع ساعة و كلمني هو حكيت له التيتة كلها قال لي تقدر تيجي لي تاني (كانت الساعة 2:20) قلت له هالحق قال لي ما تقلقش و مالكش دعوة تعالى لي انا شخصيا
رحت في ثواني الجوب اتفتح و دخلت العربية و المرة دي بقى الشغل كان A1
ظبط بالكمبيوتر و اعادة ظبط بعد التجربة و بتاع
و خرجت و سوسو حبيبتي (سينيك) رجعت لأصلها ..... و اخيرا الدركسيون اتعدل :Ta_clap[1]:
شكر خاص للمهندس عمرو ابو الفتوح مدير ادارة خدمة العملاء برينو و أيمن مومو زميلنا و هاني رفيق الكفاح و التفاح و الشاي بالنعناع :shine[1]:
الدروس المستفادة : لو نظرك ضعيف غير ام النضارة عشان تشوف المطبات و هدي في الطرق اللي ما تعرفهاش هههههههههههههههههه
