لو تقدر على البنزين و الترخيص هات ...
و إن كنت أفضل الكروز أعلى فئة
عرض للطباعة
لو تقدر على البنزين و الترخيص هات ...
و إن كنت أفضل الكروز أعلى فئة
انا ادفع في البنزين ماشي مشاويري وانا حر انما للحكومه ادفعلهم 7000 ياكشي تولع سيبك يازعيم من الصريبه العاليه وهات حاجه اخرها 2000 سي سي
أقولك على نصيحة من الأخر و متستغربش...
ابعد عن الجيب الأمريكاني تماما.... لأنها ان كانت أرخص جيب في السوق مقارنة بالياباني... الا أنها حريقة قطع غيار....
ناهيك عن البنزين... و الضفيرة الكهربائية المعقدة... و كمية الحساسات و الفيوزات الكتيرة... اللي ممكن بسبب حتة فيوز حقير ب 30 قرش يوقفلك العربية ديه كلها....
لو عايز عربية متفكرش تفتح كبوتها.... فكر في التويوتا... و لوعايز جيب حقيقية... فكر في اللاند كروزر...
أنا كلامي دا عن تجربة للعربيتين... كان معايا شيروكي و دلوقتي معايا لاند كروزر...
بص يا كبير
سيبك من اللاند كروزر دلوقتي انا دخلت على موقع التويوتا لقيت عربيه اسمها راف فور
العربيه دي ايه موجوده فمصر ولا ايه؟ وتيوتا اهي ومش ياباني عاوز رئيك
حاسس ان شكلها جامد كده وشبابي
أولا... أنا استخدامي للعربيات كله بيكون في الصحرا... بمعنى أدق... بجيب آخر أي عربية معايا...
تاني حاجة... جرب تسأل أي حد عنده شركة سياحة.. أو لو نزلت الواحات أو شرم... عن العربيات اللي بيستخدموها... استحالة.... تكون جيب أمريكاني.. الا لو استخدامهم مفيهوش صحرا كتير و رملة و غرود,,,,
طبعا أنا عارف أن حضرتك مش عايزها للغرض ده... بس حبيت أقولك أد ايه هي عربيات خدمة شاقة...
و كمان رفاهية...و عمر طويل جدا.. مقارنة بالأمريكي...
فكر في اللاند كروزر موديلات 2000 مثلا... دا لو عايز جيب... و ممكن تلاقي منها ديزل... و ديه هتوفرلك كتير جدا و هتفرق معاك...
بص يا عمدة... أنا عارف ان استخدامك مش هيكون فيه أي نوع من أنواع الرملة أو الصحرا...
بس أنا حبيت أقولك الفرق بين الخدمة الشاقة و الاعتمادية... و بين الحاجة اللي مفيهاش أي نوع من الاعتمادية...
دا أنا مانساش المرات اللي فيها العربية كانت بتعطل و في الآخر يطلع فيوز ولا يسوى,,, ولا حساس... ولا أي حاجة من الحاجات اللي محطوطة عشان تبوظ و تروح تشتريها...
بس السؤال... هل حضرتك فهلا محتاج جيب او suv؟
الجيب مش فخمة قوي زي مانت متخيل....يعني مثلا انا باستغرب جداااا لما اشوف واحد لابس بدلة وفورمال قوي ونازل من عربية 4x4 لان دة مش مكانها ولا مجالها ولا الوضع الطبيعي ايلي العربية متصممة من اجلة....غير لما يكون نازل من بي ام اومرسيدس
العربيات الدفع الرباعي مصممة للعمل خارج الطرق الممهدة...Off roading...يعني سفاري صحراء...مواقع عمل ...مواقع بترول...وعلشان كدة العربية عالية قوي عن الارض...موتورها قوي جداا...وعزمة عالي..والمفروض ان ما يتجراش بيها ...وبرضة مش منطقي انها تستخدم للعمل داخل المدن....هاتبقي خسارة مالهاش لازمة...وزحمة علي الفاضي ...
لو عايز عربية فخمة....في رانج السعر ايلي انت كاتبة...
عندك الـ BMW الفئة الثالثة..وممكن تشوف الـ X3 مستعمل نضيف..
عندك المرسيدس C180 , C200....وفي برضة فئات الـ B
لو استخدامك مش محتاج عربية دفع رباعي ....يبقي نصيحة بلاش منها ...عندك حجات سيدان كتير وفخمة...وهاتوفرلك فلوس كل سنة في معدلات استهلاك البنزين والضريبة ممكن تبقي تزود بيها كماليات في اي عربية تشتريها....
وربنا يوفقك لما فية الخير....