عاوز اعرف يارجالة الفرق بين ....و....و.....

بعد السلام عليكم كا كنت من حوالي شهر بدور على لانسر مستعمل بس تكون اوتوماتيك 1600 وسمعت وشوفت حاجات كتير تمخول سمعت اتها انواع 1 كلاسيك 2 هاف سبورت 3 سبورت 4 اكشن 5 سوبر اكشن ومعرفش الفرق بينهم بالرغم ان الموجود جديد 3 انواع حاجة بجد تحير لدرجة اني شوفت فتحة الشقف في عربيات بفرش عادي مش جلد صاحبها بيقول عليها سوبر اكشن وعربيات من غير الcdولا سقف وبردة يقولولي دية هاف سبورت وانا احترت مش عارف افرق خصوصا ان فية عتب وبكتات وحجات غريبة من عربه للتانية
لو سمحتم ممكن مساعدتكم ولا الغي فكرة شراء الانسر وخلاص واية رايكم وانا حاطط مزانية في حدود85 الى 90 الف ولا اروح اجيب منيول 1300 جديدة
وشكرا للجميع :majd(4)::majd(4)::majd(4)::majd(4)::majd(4)::majd (4)::majd(4):

على فكره انا لحد النهارده بتلخبط ومش عارف اميزهم
وكمان منها وكيل وخليجى واردنى وكويتى كمان (على حسب ما سمعت الله اعلم)
وكمان فى فروق فى اوكر الابواب
وحاولت كتير اميزهم موصلتش لحاجة
وكبرت دماغى
مفكرتش فى الكورولا؟!
ميزانيتك تجيب كورولا 1600 اوتوماتيك 2006 او 2007

المشكلة سببها ان كل دي فروق كماليات والعربيات اللي في السوق منها المصري وده كمالياته ثابتة وفروقاتها ثابتة بين الكلاسيك والسبورت والهاف سبورت والسوبر اكشن

انما فيه كمان أردني وفيه خليجي والخليجي حسب دولة الاستيراد يعني الخليجي الكويتي كمالياته غير الخليجي الاماراتي او السعودي وهكذا

اعتقد الأفضل حضرتك تشوف كماليات المصري (يعني استيراد الوكيل) وتقارن سعرها باللي هتتعرض عليك مستعمل وحسب كمالياتها وبناء عليه تختار

اللانسر بومة المصري استيراد الوكيل وضمان الوكيل 3 سنوات أو 100 ألف كيلومتر موديل 2009 كمالياتها كالتالي :

اللانسر العادية 1300 و 1600 (البومة)

- 1300 مانوال 2009 : 93000 جنيه
- 1300 أوتوماتيك 2009 : 100000 جنيه

الكماليات :
تكييف - باور ستيرنج - سنتر لوك مع ريموت كنترول - زجاج كهرباء - مرايات كهرباء - عفشة خدمة شاقة - تجهيزات كاسيت (4 سماعات واريال وضفيرة)

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ
- 1600 مانوال 2009 : 105000 جنيه
- 1600 أوتوماتيك 2009 : 111000 جنيه


الكماليات :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - تجهيزات كاسيت (4 سماعات واريال وضفيرة) - ايرباج سائق - فرامل ABS , EBD - أعتاب جانبية

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ

- 1600 أوتوماتيك هاف سبورت 2009 : 118000 جنيه


وكمالياته :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - ايرباج سائق - فرامل ABS , EBD - أعتاب جانبية
راديو كاسيت - لمبات شبورة - ايرباج راكب امامي - جنوط سبور


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ

- 1600 أوتوماتيك سبورت 2009 : 124000 ج

الكماليات :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - ايرباج سائق - فرامل ABS , EBD - أعتاب جانبية
راديو كاسيت - لمبات شبورة - ايرباج راكب امامي - جنوط سبور
وحدة CD Changer لعدد 6 سي دي - فتحة سقف - سبويلر - كساحة أمامية
فوانيس أمامية غامقة وخلفية شفافة

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
- 1600 أوتوماتيك سام 2009 : 127000 ج

نفس كماليات السبورت لكن اضافة فرش جلد طبيعي
والفوانيس الأمامية والخلفية عادية

الف شكر للجميع والمهندس طارق بالاخص لخداماتة المميزة للجميع جزاة الله عنا خير الجزاء

يانهار ازرق
حاجة تحير
بس شكرا ع المعلومات دى