الموضوع: احدت مخالفة اغــــــرب من الخيـــــــــــــــــال !!!!!!!!!!

السلام عليكم ,

انا بشتغل مهندس معماري في مكتب كدة في وش عمر افندي الي في مكرم عبيد .
بقالي سنة و نصف في نفس المكبت بنفس السيارة , بركن كل يوم الساعة 9 صباحا تقريبا في نفس المكان علشان المكتب في عمارة و غالبا الناس بتنزل شغلها , فبلاقي مكان فاضي .

المهم ,, سمعت سارينة الونش تحت , قلت اه اكيد علشان في صف سيارات دايما راكن صف تاني و بيعمل زي عنق الزجاجة لمكرم عبيد .

المهم السارينا فضلت ييجي فوق الساعة !!

قلت انزل ابص لحسن يكون في مصيبة .
نزلت لقيت سيارة الونش ماشية خلاص ...

وصف السيارات الي راكن من اول عمارة شغلي لتقريبا اخر الشارع عند مصطفي النحاس , واخدين مخالفة ملزوقة علي الزجاج ... ليس بها تاريخ او معلموات غير كتابة مطبوعة بالاحمر ( مخالفة الوفوف في مكان ممنوع ) او حاجة بالمعني ده !!

و طبعا عربيتي واحدة منهم !
اقعدت ادور ,, لقيت ظابط او معرفش رتبته ايه بيظبط المرور قريب مني ... كبير في السن و شكله اكتر من ظابط و ماسم لاسلكي في قيده و مش طايق نفسه و لا الدنيا !

قلت اسأل !
السلام عليكم ! عليكم السلام

لو سمحت ان لقيت المخالفة دي علي سيارتي وانا مش راكن صف تاني و لاحاجة !

بص علي سيارتي , قالي حضرتك راكن عمودي علي الرصيف , والركن هنا موازي للرصيف
قلته انا بقالي سنة و نصف بركن كدة و لا شفت حد بيركن موازي و لا شفت ظابط مرور هنا اصلا !

بصلي و ضحك ! قالي يبقى حضرتك عليك 365 مخالفة ركن في الممنوع علشان الموضوع دع بقاله سنة !

قلتله طيب الواحد يعرف منين يعني ؟؟ قالي في يافطة
قلتله انا حافظ الشارع كويس ,, مفيش اي يافطة نهائي !!

قالي اه ماهي جاية بكرة ؟
قلتله يعني دي مخالفة باعتبار ماسيكون ؟؟
قالي اه ,, بالبظبط كدة .

قلته يعني احرك عربيتي دلوقتي ؟؟
قالي لآ سيبها .. منت لبست ال 250 جنيه خلاص !!
قلتيله طيب وحسيبها الآيام الجاية كمان , ما هي مخالفة من غير تاريخ و من غير اي حاجة !

ضحك وبصلي ! اديك اشتركت في " باركنج " خاص بيك يا عم !!
----------------------------------------------------



انا مبسوط اوي بيكم و بمصر و بظباط مصر :)