نصيحه لوجة الله

**Matious33** · 01-12-2009 11:43 AM

ياجماعه بجد انا لاقيت في المنتدي كل الناس بتخدم بعض باي معلومة ممكن تفيد اي حد بس اللي انا عايز اقوله اني معنديش FRV
بس انا خلاص ناوي اشتري وشوفت FRV Cross ولاقيتها تحفه بس بصراحه انا خايف قوي من شراها
اولا لانها صيني وثانيا لانها مابقلهاش كتير في السوق وثالثا انها ب 85100 يعني في رينش السعر ده عربيات ليها اسمها فمتردد جدا
لكن للمره الاخيره هيا فعلا شكل وموضوع ممتازه بس اعمل ايه خايف
فالوسمحتم افيدوني
اسف علي التطويل.

**Mostafa Hessen** · 01-12-2009 03:19 PM

أخى العزيز
الحمد لله ربنا وهبنى سيارة FRV 2009 من 29/1/2009 العربية ماشى بيها 31000 كم وبصراحة العربية ممتازة جدا واسعه وفاخمة وشبابية وحمالة اسية وتسافر بيها وتجرى وتعتمد عليها.
وطول الفترة دى والحمد لله اثبتت كفاءة عاليه كنت بحمل فيها 5 أفراد والشنط وتجرى بيها وتشغل التكيف.
استهلاك البنزين كويس جدا على 1600 cc اذا كان فيها عيوب ان تكيفها مش قوى زى اليابانى بس كويس ادائها رااائع تعشقها كماليتها كتير.
أنا شايف انها ممتازة على سعرها.
وعلشان تبقى منصف فى مقارنتك اعمل جدول حط فيه FRV وجنبيها العربيات القريبة فى السعروقارن الكماليات والإمكانيات وشوف الفروقات وانسى انهى صينى خالص علشان متفكرش فى الإعتمادية.
يعنى كجودة العربية فهى رائعه
فقارن على اساس امكانيات وكماليات واستخر بس هى فعلا سيارة محترمة.
وبالتوفيق وتحت امرك فى اى استفسار...

**Matious33** · 01-12-2009 03:53 PM

المشاركة الأصلية كتبت بواسطة meshmesh78

أخى العزيز
الحمد لله ربنا وهبنى سيارة FRV 2009 من 29/1/2009 العربية ماشى بيها 31000 كم وبصراحة العربية ممتازة جدا واسعه وفاخمة وشبابية وحمالة اسية وتسافر بيها وتجرى وتعتمد عليها.
وطول الفترة دى والحمد لله اثبتت كفاءة عاليه كنت بحمل فيها 5 أفراد والشنط وتجرى بيها وتشغل التكيف.
استهلاك البنزين كويس جدا على 1600 cc اذا كان فيها عيوب ان تكيفها مش قوى زى اليابانى بس كويس ادائها رااائع تعشقها كماليتها كتير.
أنا شايف انها ممتازة على سعرها.
وعلشان تبقى منصف فى مقارنتك اعمل جدول حط فيه FRV وجنبيها العربيات القريبة فى السعروقارن الكماليات والإمكانيات وشوف الفروقات وانسى انهى صينى خالص علشان متفكرش فى الإعتمادية.
يعنى كجودة العربية فهى رائعه
فقارن على اساس امكانيات وكماليات واستخر بس هى فعلا سيارة محترمة.
وبالتوفيق وتحت امرك فى اى استفسار...

الي الاخ Meshmesh 78
الف شكر علي ردك بس انتا بتتكلم علي 1600cc
وانا بتكلم علي FRV Cross
فياريت اعرف رأيك فيها وكمان انا مهتم اني لو حبيت ابيع العربيه في اي وقت هاعرف اجيب فيها فلوس ولا هابيعها بتراب الفلوس

**Mostafa Hessen** · 02-12-2009 12:30 AM

المشاركة الأصلية كتبت بواسطة matious33

الي الاخ meshmesh 78
الف شكر علي ردك بس انتا بتتكلم علي 1600cc
وانا بتكلم علي frv cross
فياريت اعرف رأيك فيها وكمان انا مهتم اني لو حبيت ابيع العربيه في اي وقت هاعرف اجيب فيها فلوس ولا هابيعها بتراب الفلوس

أخى الكريم
فعلا سيارتى 1600 والجديده 1500 ولكن لى صديق فى bmw أخبرنى أن الموتور الجديد بتكنولوجيا أحدث والتسارع فيه عالى بجنب ان صوت الموتور اهدى والعفشة انعم ...
وأنا اعتقد انهم حيكونوا طوروا من نفسهم فى الموديل الجديد.
مسألة البيع دى فيها كلام لأن السيارة صينى ولكن هذا المنطق ينطبق على معظم السيارات الأوروبية فهى عند البيع تقل كثيرا ودعنى أكون معك صريحا اذا فكرت فى اعادة البيع فتوكل على الله واشترى سيارة تويوتا سواء يارس او ما يفوقها فالتويوتا سيارات اعادة بيعها رااائع.
واذا أردت أن تجرب فانزل بنفسك سوق العاشر يوم الجمعة وتعرف على اسعار السيارات سواء الصينية وغيرها ولربما وجدت frv هناك وتعرفت بشكل واقعى على الأسعار المعروضة لبيعها.
وبالتوفيق...

**Matious33** · 02-12-2009 07:58 PM

يعني كل دي ناس شافت الموضوع ومفيش خير اتنين بس كتر خيرهم هما اللي ردوا عليا

**bedoo100** · 02-12-2009 09:11 PM

يا ريت تفكر في سعر السياره عند اعادة البيع و تاخد بالك من نقطة الاعتماديه اللي بيقولولك متبصلهاش ..... تخيل عربيتك بعد سنتين و تبدا في تجديدها او علي الاقل تبدا في الصرف عليها بشده مع ارتفاع اسعار قطع الغيار .... و صدقني و عن تجربه الصيني لو نجح مع افراد فانما قد اثبت فشله مع المجموعات وروح مركز الصيانه و اسمع من اصحاب العربيات بانفسهم و علي فكره و الله انا بتكلم عن الصيني بصفه عامه مش علي ماركه معينه و متتغرش بالكماليات الكتير لان اغلبها مش معمر و تكنولوجيتهاو خامات تصنيعها في منتهي الرداءه

**yousef1978** · 16-12-2009 11:11 PM

أخي العزيز

لو عايز نصيحتي وباقي على فلوسك

حدد مجموعة سيارات ليهم ميزة سعرية أو تنافسية شديدة

زي مثلا سيارات تجميع محلى مثل الشيفروليه وبعض انواع الكيا والبيجو
أو سيارة رينو لوجان لإنتاج المغرب

لأنك أولا : هتوفر ثلاثين في المائة من سعر السيارة المناظرة تقريبا وده مش مبلغ هين

يعني بدل ما تشتريها بمائة وأربعين ألف هتشتريها بمائة ألف فقط

أو سيارة مرغوبة جدا زي الكيا كارينز والسيراتو الجديدة والبروتون الماليزية وهي بالفعل سعرها قليل جدا بالنسبة إمكانياتها

ثانيا: هتلاقيها سيارة مرغوبة وقطع غيارها متوفره بسعر كويس ولو حبيت تبيعها هتلاقي مشتري بسهولة وبسعر معقول مش بخسارة رهيييييييبة زي الموديلات التانية.

الملحوظة التانية :-
لو حبيت تشتري مستعمل ممكن تشتري حاجة كسر الزيرو
يعني واحد اشترى سيارة زيرو وبعدين محتاج يبيعها لأي سبب مادي أو معنوي ولسه ما فكش المشمع الملزوق على الكراسي وما مشيش بيها حاجة

وبكده هترحمه من ظروفه اللي إضطرته لبيع سيارته الزيرو
وهتوفر كمان في سعر السيارة بتاع عشرة آلاف جنيه أو أقل أو أكثر حسب سعرها في الأصل

وانت أولى بكل جنيه توفره

وربنا يوفقك لكل خير

م. يوسف أبو عمرو

**Mohamed.Ramah** · 17-12-2009 04:48 AM

العربية مشاكلها قليلة مش كتيرة بس الشكوى الاكبر هى سوء التقفيل وارتفاع سعرها لاكن اداء جيد فحاول على قد متقدر تشوف العربية على الطبيعة وتاخد انطباع عنها وبعد كدة تقرر تشتريها ولا لا