ياجماعة دى لانوس ودى فنتازيا
الانوس بكام بقى والفنتازيا بكام
دى فئة من عربيات والتانية فئة تانية خالص
دى اوبشن ومواصفات ودى اوبشن وتكنولوجيا حديثة ومواصفا مختلفة عن الانوس
كل الجيل الجديد من العربيات ال2009ل2010 مختلفة تماما عن جيل الالفينات والتسعينات
اركب عربية اوكتافيا a4 موديل 99 واركب فانتازيا 2009
اركب هيونداى النترا 99 واركب النترا2009
اركب لانسر 99 واركب ال2009
اركب نوبيرا واركب دلوقتى اوبترا اوكروز
وشوف فرق التكنولوجيا الرهيبة اللى فى الجيل الجديد من العربيات من اول سنة 2007
واللى ساق وركب عربيات من اول 2007 ل2010 عارف ازاى العربيات دى بقت قد اية ناعمة بكتييير عن الاول
ومفهوم المواصفات الفنية للعربيات اختلف الاول كنت بدور على عربية بزجاج ومرايات كهربا وتكييف والعربية كام سى سى وكدة
دلوقتى العربيات بقى فيها كام اير باج وكام حساس وكام كارتة ولازم abs فى العربية و اختبارات الامان والسلامة واخدة كام نجمة ونظام عزل الصوت فى العربيات تطور بكتيير عن الاول ونزل فتيس ايزى ترونيك وتيبترونيك وتجميع العربيات بقى رهيب جدا احساسك بالسرعة داخل العربية منعدم تحس انك مش بتجرى اصلا وانت ماشى 200
اللى ساق هيونداى او اسكودا او شيفرولية او او او فوق ال2007 عرف قد اية العربيات دى بقت مسروعة جرى وتلاقى العربية بتقفل العداد فى لحظات يعنى المفروض ان من فترة العربيات مثلا بتمشى من 0ل100 فحوالى 12 ثانية دلوقتى ال12 ثانية دول تقفل فيها العداد مستريح
فى العيد كان معيا هيونداى i30 كاملة اوتوماتيك والله مقادر اقولكم على تجميع العربية كنت بمشى على الدولى طريق الساحل والعجمى . العربية كنت بحسسلها على البنزين الاقيها ماشية ال160 180 وعايزة تطير يعنى لو سهيت لحظات من غير ماتتابع الامبير هتلاقى نفسك ماشى 220 درجة حساسية الفرامل عالية جدا يعنى لو ماشى وغلط ودوست فرامل خطر اللى وراك كلة هيلبس فيك وانت هتطلع من البيربيز لو مش لابس الحزام تخيلوا بقى لو عطيتها كام كيك داون تجميع العربية هيبقى عامل ازاى .من الاخر مفيش عربية كانت بتعرف تطلع منى ولا تمسك معايا السكة غير العربيات اللى كانت من نفس الجيل دة غير كدة كنت الاقى مثلا لانوس ولا نوبيرا بالزات كنت بركز معاهم وبحطهم فى دماغى واشوف فرق السحب والتجميع عشان اخوكم من عائلة دايو وبحب نوبيرتى جدا فكنت عايز اعرف اية موقفنا من العربيات الجديدة دى استنتجت من كذا شدايا مع كام عربية لانوس ونوبيرا انهم معايا لحد ال 120 وبعد كدة ابدأ اطلع منهم بسهولة واعدى منهم بمسافة كبيرة يعنى عقبال ما هو عدى ال120 وبقى ماشى ال140 اكون انا على 180 مثلا دة لية تفتكروا اكيد عشان هيا العربيات دى نازلة كدا تحث ان المكنة مفيش سرعة بتوقفها ولولا انك هبت سرعتها والعربية لقيتها بقت بتلعب منك مش هتعطل تجميع
تكنولوجيا العربيات اختلفت جدا كل المكن الجديد عزمة شديد اوى عن الاول وتجميعة مختلف
سورى طولت كتير عليكم بس شيفين ان كلامى غلط فى حاجة