موقف بوظ اعصابي ... ازاى احمى نفسي من حدوثه مره تانيه

**Michael_Lanos** · 01-12-2009 05:35 PM

المشاركة الأصلية كتبت بواسطة hosamdaewoo

يا استاذنا الكريم انت عامل زى واحد عندة الزايدة راح يعمل عملية
شالولة المرارة معاها
انا قصدى ان الخرطوم دة مقطوع من 4 سنين وانت ماخدتش بالك الا لما حصلت المشكلة دة و ركزت فى الموتور
زى ما قال الاخ ممدوح دة حوار و دة حوار تانى

الخرطوم ما كانش مقطوع حتى من يومين مش 4 سنين ... انا ببص على العربيه اول باول
انا كل قلقى يكون حصل حاجه فى العربيه وخصوصا انى مشيت بيها مشوار صغير لقيت فى ميه نازله تحت العربيه والقربه فيها حبه قليلين ....
بس انا رايح للميكانيكي دلوقتي وربنا يستر.

**samirayad** · 01-12-2009 06:53 PM

شوف يا أستاذ : مايكل
أنت عندك مشكله فى دورة التبريد فعلا
المكنة سخنت ....لأى سبب من الأسباب
غطاء قربه باظ - ثرموثتات مكنه باظ - تسريب من مكان معين

لما المكنه سخنت جامد
الخرطوم ده كان عليه رشح زيت من بره مثلا
ومع السخونه
أتحرق الزيت الى على وش الخرطوم من بره
وبدأت تشم ريحة الزيت المحروق مع ريحة كاوتش محروق
وأتحرق الخرطوم من بره
لاحظ كده فى الصوره
الخرطوم عامل زى القماشه اللى شايطه ومحروقه من أثر سخونه
أو ولعه من فوقه

ده السيناريو اللى قدرت أألفه للفيلم اللى حصل معاك

**bondjames** · 01-12-2009 07:03 PM

المشاركة الأصلية كتبت بواسطة michael_lanos

الخرطوم ما كانش مقطوع حتى من يومين مش 4 سنين ... انا ببص على العربيه اول باول
انا كل قلقى يكون حصل حاجه فى العربيه وخصوصا انى مشيت بيها مشوار صغير لقيت فى ميه نازله تحت العربيه والقربه فيها حبه قليلين ....
بس انا رايح للميكانيكي دلوقتي وربنا يستر.

=حصلتلى مع سيارتى الجولييت السابقة - بدون أى بوادر أ مقدمات - غسلت العربية و الموتور لأنى كنت ناوى على يومين ثلاثة فى إجازة نصف العام فى إسكندرية - يوم السفر وده يمكن تالت يوم بعد الغسلة أو الثانى مش متذكر - بعد ما حملت الشنط قلت أكشف على المياه و الزيت قبل ما أتحرك - أرفع الكبوت لأجد المتور غرقان زيت وبالبحث لقيت نفس الكاوتشة دى كما لو كان حد قرمها - مش مفرقعة زى عندك - وطبعا راحت السفرية و إنتظرت لما المحلات فتحت إشتريت الكاوتشة و طلعت عينى فى فك الكوليهات و تغييرها - لكن بعدها ماعملتش أى حاجة تانية - وكانت شغالة تمام لحد ما بعتها (سنة و نصف)

**Michael_Lanos** · 02-12-2009 09:46 AM

الف شكر لكل الحبايب اللى فادونى وشاركوا وخصوصا محمد ممدوح وسمير عياد وmohsen وكل اللى شاركوا

انا اكتشفت ان الميه بتختفى كل لما احطها والمشكله ظهرت لما بدور العربيه الاقى ميه بنزل سرسوب كده، ابطل العربيه تبطل تنزل الميه.

رحت لعم حنا الميكانيكي بتاعى وحطها على البير وبص بصه كده وقالى طلمبه الميه باظت عندك وهي السبب فى كل اللى حصل ده.

وسايبها عنده الناهرده هايغيرها ويغير سير التقسيمه بالمره مع انه عامل 33.000 بس قولت بالمره بقه.

انا بس عندى استفسار تانى، وهاحكيلم القصه من الاول يمكن يكون ليها علاقه باللى حصل

قبل المشكله دي باسبوع حصل ان وانا سايق سير الدينامو اتقطع منى ومشيت بيه حوالى 8 كيلو عقبال ما ركنتها، ولما سالت الميكانيكي قالى السير بيأثر على شحن البطاريه والباور ونسي يقولى طلمبه التبريد.
قوم ايه بقه وانا بغير السير ببص على الميه لقيتها اختفت من الاربه، فتوقعت انها سخنت وخلصت الميه واستغربت، المهم مليتها تانى ومشيت بيها الاسبوع ده وعيني على مؤشر الحراره دايما، لغايه لما حصلت المشكله اللى انا فيها دلوقتي.

يا ترى ايه تفسير سيادتكم للموضوع ..... انا احساسي ان سير الدينامو ده هو السبب + انى ما كنت اعرف انى لما هامشي بالعربيه من غير سير ديمنامو الميه هاتخلص.

* حاجه تانيه: عاوز اعرف بالمره والراجل فاكك العربيه ايه ممكن اغيره علشان اريح دماغي كصيانه - هى عامله 83.000

طولت عليكم معلش وشكرا جدا لتعب محبتكم

**mohsen** · 02-12-2009 10:22 AM

[QUOTE=Michael_Lanos;3872162812]
ولما سالت الميكانيكي قالى السير بيأثر على شحن البطاريه والباور ونسي يقولى طلمبه التبريد.

حضرتك الميكانيكى كلامه صح ومنسيش ولاحاجة
لان سير الدينامو بينقل الحركة من طمبورة الكرنك الى طمبور الدينامو وطمبورة طلمبة الباور فقط

طلمبة المياه بيدورها سير الكاتينة

**Michael_Lanos** · 02-12-2009 10:27 AM

[QUOTE=mohsen;3872162879]

المشاركة الأصلية كتبت بواسطة Michael_Lanos

ولما سالت الميكانيكي قالى السير بيأثر على شحن البطاريه والباور ونسي يقولى طلمبه التبريد.

حضرتك الميكانيكى كلامه صح ومنسيش ولاحاجة
لان سير الدينامو بينقل الحركة من طمبورة الكرنك الى طمبور الدينامو وطمبورة طلمبة الباور فقط

طلمبة المياه بيدورها سير الكاتينة

طيب ازاى الميه خلصت فى نفس الوقت اللى السير فى اتقطع ؟
ممكن يكون السير لما اتقطع خبط الطلمبه وبوظها ؟

**MMamdouh** · 02-12-2009 10:47 AM

صدفة مش اكتر يا مايكل... اكيد الطلمبة بدات تسرب من فترة و التسرب بيزيد لحد ما بان معاك بالشكل اللى وصفتة... سير الدينامو ملوش اى علاقة

MMamdouh

**Michael_Lanos** · 02-12-2009 06:46 PM

انا رحت استلمت العربيه بعد التصليح بس ملاحظ انها بقت مخنوقه جدا ؟؟
حتى الميكانيكي قالى انت كنت بتحس انها مخنوقه قولتله اه - بس انا كان قصدي غير كده

يا ترى حصل ايه خنقها مع انها قبل الموضوع ده كانت حلوه ..
عموما انا مغير فلتر بنزين وبوجيهات وسلوك بوجيهات من 13000 كيلو

**hosamdaewoo** · 02-12-2009 07:59 PM

شكر خاص لاستاذنا الفاضل مايكل
اللى خلانى ابص على الخرطوم عندى وهوة بيودع
قبل ما يغرق الدنيا زيت

-

الموضوع: موقف بوظ اعصابي ... ازاى احمى نفسي من حدوثه مره تانيه

LinkBack

أدوات الموضوع

عرض

-

-

-

-

-

المواضيع المتشابهه

ازاى اروح الاماكن دى من موقف العاشر

ازاى اتصرف فى موقف زى دا

احمى نفسى ازاى من الجديرى

ازاى اروح المنيل مواصلات من موقف العاشر او من موقف مسطرد

اكتب موقف شاهدته او شىء نادر حدوثه الأ فى مصر

الكلمات الدلالية لهذا الموضوع

المفضلات

المفضلات

ضوابط المشاركة