حادثة حصلت امامى

**lada2010** · 01-12-2009 01:20 PM

عربية لانوس كانت واقفة اول نزلة الدائرى بتاع صقرقريش المهم الكاوتش نام وقف على جانب الطريق جاء موتوسيكل سايقو عيل سنهم 18 سنة خبط فى باب التانك وخبط المراة اليمين للعربية والموتوسيكل اتقلب بالعيال بس الحمد للة العيال سليمة الواد بتاع لانوس تخيلوا عدم وجود الانسانية راح خد مفتاح الموتوسيكل وشغال يشتم فى العيال وصاحب لانوس اى حد يقول لة حاجة ملكيش دعوة وماتدخليش عايز ينفرد بالعيال بس الحمد للة الناس قعدت تكلموا ورضو صاحب لانوس يس فى سؤال هو اى حادثة تحدث مش مهم اشوف البشر حصل عليهم اية المهم العربية وبس

**Lord_Fouad** · 01-12-2009 01:29 PM

المشاركة الأصلية كتبت بواسطة lada2010

هو اى حادثة تحدث مش مهم اشوف البشر حصل عليهم اية المهم العربية وبس

اكيد طبعا البشر اهم من اي حاجة
بس ساعة المشكلة .. رد فعل كل بني ادم بيختلف حسب قوة اعصابه
يعني لو قادر يتحكم في اعصابه مكانش رد كدة
انا لو كنت مكانه .. احتمال كنت اعمل زيه

**د.محمود صلاح** · 01-12-2009 01:33 PM

طبعا محروق على اللى حصل فى العربية , بس صعب توقع رد فعل أى حد فينا لو كان مكانه

**yse** · 01-12-2009 01:48 PM

والله اللي عمله صح لما عربيته اللي دافع فيها دم قلبه تتخبط ومن عيال صغيرة ماحليتهمش حاجة ومش هيقدر ياخد منهم لا أحمر ولاأبيض حضرتك متوقع انه يعمل إيه ؟؟؟؟

يطبطب على العيال ويقولهم فداكو العربية ؟؟؟

ماهو العيال ديه لو نازلة المنزل بالسرعة القانونية وشايفين عربية من بعيد ومدية انتظار كان ماحصلش حاجة ...

اللي بيقول الكلام ده هو انا و عندي 19 سنة وبقول الشباب اللي متسرع يستاهل يتعدم في ميدان عام علشان كل واحد شايف نفسه من الناس المتسرعة السبع رجالة في بعض

والله العظيم يستاهلو اكتر من كده وربنا يعوض صاحب اللانوس..

**Abo_Lina** · 01-12-2009 01:52 PM

المشاركة الأصلية كتبت بواسطة lada2010

حادثة تحدث مش مهم اشوف البشر حصل عليهم اية المهم العربية وبس

لو البشر دول حمير (مستهترين يعني) يبقى مش مهم

**Dr.Karim Emam** · 01-12-2009 02:03 PM

اللى عمله صاحب اللانوس ده عين العقل و خصوصا ان حضرتك قلت ان العيال بتاعت الموتوسيكل سليمه
لأن بمجرد انه يلتفت يبص على عربيته حصلها ايه و الناس تتلم , العيال ده هتسلك الموتوسيكل و يخبوه فى اى حته و ابقى قابلنى مين هيجيبلك حقك؟!!!!!!!
و هتسمعلك كلمتين من بتوع(اللى ييجي فى الريش بقشيش) و (الحمد لله انك كويس) و (كله يغور مادام انك بخير) و (المسامح كريم) و (كل سنه و انت طيب يا باشا احنا فى عيد و ايام مفترجه) و مش بعيد يجيلك واحد بجح يقولك (مانت اللى واقف غلط, هو فى حد يقف فى منزل كوبرى كده)

**kasten** · 01-12-2009 02:05 PM

تصرف سليم جدا من صاحب اللانوس
وانا لو مكانو هعمل كده برضو عشان يتعلمو الادب وياخدو بالهم بعد كده
كفايه اهمال وعشوائيه بقى .. وياريت يمنعو الموتسيكلات الصينى دى اخرها تشتغل فى الدليفرى
انما العيال والطفال يركبوها كده من غير اى حاجه مينفعش والله
ده غير الموتسيكلات اللى من غير نمر وجرائم السرقه اللى بتتعمل وقلة الادب فى الشوارع
والله الوضع كل مدى بيزداد سوء .. الله يخربيت الصين اللى غرقت البلد موتسيكلات .. ويخربيت الهند اللى غرقت مصر تكاتك

**Lord_Fouad** · 01-12-2009 02:07 PM

المشاركة الأصلية كتبت بواسطة karimemam

و مش بعيد يجيلك واحد بجح يقولك (مانت اللى واقف غلط, هو فى حد يقف فى منزل كوبرى كده)

ههههههههههههههههههههههههه ههههههههههههه

حلوة دي :b4_282:

الموضوع: حادثة حصلت امامى

LinkBack

أدوات الموضوع

عرض

-

-

-

المواضيع المتشابهه

حادثة حصلت قدامي

حادثة حصلت قدامي النهارده

مجرد حادثة من ألف حادثة لكن تجلى فيها كل التخلف

محتاج مشورة فى حادثة حصلت لإلنترا

الكلمات الدلالية لهذا الموضوع

المفضلات

المفضلات

ضوابط المشاركة