الموضوع: المختصر المفيد فى نقل الملكية والتجديد

تم بحمد اللة نقل الملكية من الدقى إلى شبرا والتجديد لمدة سنة للغالية الأنسة شيرى حفظاها اللة والتفاصيل كلها كما يلى
1- بداءت المراسم يوم الخميس وكانت بالذهاب إلى مرور شبرا الساعة 8 صباحا ولكن لم يكن هناك شهر عقارى فتم التوجة بسرعة إلى أقرب شهر عقارى وهو شهر عقارى زنانيرى فى اول شبرا.
2- فى تمام التاسعة تم اجراءت التسجيل وتحسب الرسوم على أساس سنة الموديل وعدد السليندرات – موديل 2006 4 سيلندر 1350 جنية
• 2006 6 سيلندر 7000 جنية !!!!!!!! وأتوبيس 2007 ب 27 إلف جنية – الصراحة سنة الموديل بتفرق قوى يعنى عربية 96 زى تويوتا البطة ب 600 وعربية 1989 ب 80 جنية !!!1 عمار يا بلد.
3- تم دفع 1350 وحبر رسوم كدة بتاعت 15 جنية وتم تسجيل العقد والحمد للة ;) ;)
• فى الشهر العقارى أتقالى معلومة ممكن تكون مهمة وهى انى أذا لم كنت ناوى أن لاتنقل الملكية خلال شهر فلا أمضى كشارى والعكس صحيح :!: :!:
4- تم الرجوع إلى مرور شبرا لبداء أجراءت نقل الملكية – كان المرور زحمة خالص لأن كانت اللوح جت وكمان أن يوم الخميس نص يوم يعنى أخرهم الساعة 12 قلت دة انا حظى حلو من أولها – ربنا يستر- المهم أشتريت ملف تمنة 26 جنية وبعد كدة قالى روح أفحص وأرفع بصمات.
5- رحت رفعت بصمات والمهندس ملى الورق بتاع الفحص وقالى كلة تمام وحطيت أيدى على قلبى لأن كان معايا واحد من مرور السلام بعتوة يطابق بصمات لكن الغريبة أن المهندس مطلبشة منى كدة قلت ممكن يكون نسى بصيت على الورق لقيتة كتب – يتم مطابقة البصمات عند ورود الملف- ;) ;) قلت الحمد للة أول غرزة جت تمام .
6- بعد كدة قالى روح أفحص الطفاية رحت للكشك بتاع البافارية بص عليها قالى دية منتهية الصلاحية بقالها أكتر من 5 سنين فقالى ممكن تروح الشركة وتغيرها ويديك خصم 20 جنية قالتة مش مستهلة ادينى واحدة جديدة ب 97 جنية وأنا كدة كدة عايز طفاية زيادة أحطها فى البيت تحسبا لآى ظرف لا قدر اللة . خت واحدة جديدة وختمت ورق الصلاحية ;) ;)
• بس منهم للة بتوع المعرض غللى أشتريت منهم العربية ادونى واحدة منتهية الصلاحية مع انى عملت ناصح وأنا باخدها وبصيت على الأرقام غللى عليها لقيت رقم 200720 قلت قشطة دية لسة جديدة اتارى الرقم دة سريل نمبر
7- بعد كدة رحت علشان أدفع التأمين –وحطيت أيدى على قلبى علشان لقيت الراجل بتاع مرور السلام لف كعب داير علشان التأمين بتاع السلام غير بتاع شبرا- لكن الحمد للة لقيت الأتنين واحد وتبع الشرق للتأمين – الحمد للة تانى غرزة ختها تمام ;) ;) – المهم لقيت سنة واحدة ب 95 و2 سنة ب 180 و3 سنة ب275 رحت أخترت السنة ودة بعد طابور طويل سحت من الشمس فية ودفعت 95 جنية وخت ورق التأمين
8- رحت بعد كدة للشباك قالى خلاص روح شطبنا الساعة 12 - قلت خلاص أكمل فى يو تانى – رحت روحت وعيشت حياتى وتمام قوى لحد كدة :P :P
9- جيت يوم الثلاثاء وقلت اجيب شهادة المخالفات من الدقى – رحت ووقفت على الشباك وببص ملقيتشى الرخصة بتاعت العربية معايا ومرضيوشى يدونى شهادة المخالفات مع انى معايا عقد مسجل وقالولى أعمل محضر فقد رخصة وهاتة وأحنا نديك شهادة المخالفات – الصراحة ممكن ب 20 جنية كنت خلصت الموضوع بس أستحرمتها وقلت أنا مش ورايا حاجة – روحت روحت نمت وقلت أكمل يوم الأربعاء وقد كان 8) 8) 8)
10- رحت يوم الأربعاء إلى مرور الدقى وجيبت المخالفات وطيرت على مرور شبرا لقيتة فاضى – فرق شاسع من الخميس ودلوقتى قلت قشطة أخيرا هرخص- المهم سلمت الورق كلة وطبعا كلة عمال يأخد تصاريح 3 أشهر علشان مفيشى نمر قلت يلا مش مشكلة.
11- دفعت بتاع 98 جنية لزو الترخيص سنة وبكدة الورق كلة كمل. ;) ;)
12- وأنا بخلص الورق لقيت الأمين بيقولى روح فك نمرك !!! الناس كلها بصتلى وأنا أسغربت قلت بيشتغلنى رحت للراجل بتاع الشباك سالتة راح قالى أنت جاى من اى مرور قالتة الدقى قالى أيوة فى نمر !!!! 8) 8) رحت فكيت النمر وسلمتهم والناس بصالى كأنى جايب واسطة لوء وأنا الصراحة خايف أخد مقلب فى الأخر وإلاقى نفسة من غير نمر.
13- أستنيت نص ساعة لغاية ما ندوا عليا وأستلمت الرخصة وقالولى روح خد النمر الجديدة وأدانى النمرة لآقيتها نمرة جامدة قوى ;) ;) والحمد للة وكمان نمر جديدة بتاعت اعربيات الزيرو والناس كلها عمالة تبحلق فيا كأنى من كوكب تانى وماسك كورة سحرية فى أيدى 8) 8) 8)
14- رحت ركيبت النمر برة والحمد للة دلوقتى أتحقق حلم أنى امشى بعربية من غير ورق وتوكيلات ووجع قلب – هية بس حتة بلاستيك فيها أسمك ونوع العربية وخلاص وتحطها فى المحفظة ;) ;) – الحمد للة
الجميل فى الموضوع ان مرور الدقى وشبرا مبنطين مع بض قوى يعنى مفيش مطابقة بصمات والتأمين نفس الشركة وكمان فى اللوح مفيش فرق ودة بتوفيق من اللة سبحانة وتعالى
أنا شرحت كل حاجة بالتفصيل علشان أفيد أى حد داخل على الموضوع دة وانا فى الخدمة فى أىوقت