افيدوني: حادثة الانترا الشكل القديم

**Ralliart** · 02-12-2009 11:31 PM

اتصلت بالتوكيل الاكثر من زباله الراجل بيقوللي لازم رقم الشاسيه علشان اقولك الاسعار فقولتله العربيه مش معايا وكده قالي يبقى مش هقولك (كأنها سر من أسرار الدوله) ولما اصريت معاه قالي انا مش فاضيلك وقفل السماعه في وشي!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
اتصلت بمحل قطع الغيار لقيت الاسعار غاليه جداً
اكصدام 1000 جنيه
كشاف 800 جنيه
رفرف 570 جنيه
قربه 115 جنيه
طبعاً اسعار غاليه جداً وبالذات العربيه دي بغض النظر عن انها كوري خاماتها رديئه جداً
ان شاء الله هروح عند السرساوي واجيب الحاجات دي من عنده كلها على بعضها ب580 جنيه تايواني ونضيفه لاني مجرب من عنده فانوس في اللانسر نفس النوع بتاع الالانترا ونضيف جداً
واشكرك مره تانيه على اهتمامك

**حماده المصري** · 02-12-2009 11:41 PM

هما مش بيطلعوا اسعار قطع الغيار الا برقم الشاسيه عشان احيانا بتختلف من عربيه لاخري بس عموما دي حاجات عاديه مش هتفرق من عربيه ل عربيه وهو راجل مش محترم

رايي انك ممكن تجيب القربه والفانوس اصلي عشان دول مهمين

انما الاكصدام والررفرف العب فيهم عادي هات صيني تايواني مش فارقه بس انا عايز اقولك حاجه انا كنت جبت اكصدام اصلي وكان غالي بس هو افضل من الحاجات التانيه

دلوقتي معايا اكصدام ب 150 جنيه سعودي الصنع هو بيسموه الفيبر الجديد ليين قوي واي خبطه على فكره بيسمع في العربيه من جوا وكمان على السرعات العاليه تعامله مع الهوا مش حلو

**Ralliart** · 02-12-2009 11:52 PM

شكراً على اهتمامك وان شاء الله هشوف الحاجه قبل ما اشتريها
بس القربه دي بتاعت المساحات مش الردياتير اعتقد ان ممكن اجيبها تيواني عادي!؟
الفانوس مش عارف انا مستحرم اجيبه ب800 جنيه خصوصاً ان عنده نوع محترم debo وده عندي في اللانسر كنت جايبه ب120 جنيه وبقاله اكتر من سنه ونفس الاصلي بالظبط

**bassam nagy** · 03-12-2009 10:16 AM

ربنا معاك ويقويك فى تصليح العربية وشراء قطع الغيار

وواحد زى الية رد على التليفون شخصية تحتاج ان الواحد يعلمها ازاى ترد على الناس كويس اقل واجب شكوى على الايميل بتاع غبور بالوقت بتاع الاتصال وقلة الاداب فى الرد على العملاء

**حماده المصري** · 03-12-2009 02:03 PM

القربه بتاعه مساحات فل هاتها تايواني

بس انت قولت الي فيها لازم تشوف الحاجات دي قبل ما تاخدها

الفانوس لو طلع حلو يبقى خير وبركه وهاته

والاكصداامات انا قولتلك الي فيها الاصلي انضف بس ميدفعش فيها كله ممكن يتخبط ويتكسر

وبصراحه كل اسعار غبور غاليه فعلا

**Ralliart** · 03-12-2009 02:50 PM

المشاركة الأصلية كتبت بواسطة bassam nagy

ربنا معاك ويقويك فى تصليح العربية وشراء قطع الغيار

وواحد زى الية رد على التليفون شخصية تحتاج ان الواحد يعلمها ازاى ترد على الناس كويس اقل واجب شكوى على الايميل بتاع غبور بالوقت بتاع الاتصال وقلة الاداب فى الرد على العملاء

آمين يا رب
بالنسبه للي رد عليا انا قلت للاستاذ عاطف في موضوع الشكاوى لاني لحد دلوقتي مش قادر اصدق اللي هو عمله

ده معروف ان خدمة العملاء بيبقو قمة الادب

المشاركة الأصلية كتبت بواسطة حماده المصري

القربه بتاعه مساحات فل هاتها تايواني

بس انت قولت الي فيها لازم تشوف الحاجات دي قبل ما تاخدها

الفانوس لو طلع حلو يبقى خير وبركه وهاته

والاكصداامات انا قولتلك الي فيها الاصلي انضف بس ميدفعش فيها كله ممكن يتخبط ويتكسر

وبصراحه كل اسعار غبور غاليه فعلا

ان شاء الله هنزل اجيب الحاجات النهارده واقول لحضرتك على اللي عملته والاصلي فعلاً انضف بس الواحد يجيب اللي يمشي الحال لان ممكن في لحظه يتخبط تاني ومتعرفش تاخد حق ولا باطل