طلب غريب

**eslam_wega** · 02-12-2009 12:24 AM

حضرتك هتشترى واجا ولا بيرسونا ؟

**AbuHusam** · 02-12-2009 12:27 AM

المشاركة الأصلية كتبت بواسطة mayyam

يا فندم أنا لسة مستلم بيرسونا 2010 ولسة مرخصتش

بس إن شاء الله وحوش البيرسونا والواجا هيردوا عليك قريب

الأخ الفاضل أبو مريم..
أولاً ألف مبروك عليك برسونتك وربنا يحفظاهلك يارب وإن شاء الله تعشقها زي كل اللي سبقوك..
ثانياً أشكرك على ردك وأتمنى أسمع منك رأيك فيها بعد ما ترخص وتمشي بيها شوية إن شاء الله..

**AbuHusam** · 02-12-2009 12:40 AM

المشاركة الأصلية كتبت بواسطة eslam_wega

حضرتك هتشترى واجا ولا بيرسونا ؟

أستاذ إسلام أشكرك على مرورك.. أنا في الحقيقة محتار بين الاثنين.. أنا الأول كنت ناوي على الواجا لأنها أوسع وعائلية وأنا معايا أسرتي ودايماً العربية بتبقى كاملة العدد..
لكن لما شفت الواجا والبرسونا عند عز غيرت رأيي أو تقدر تقول بدأت أراجع نفسي.. لأني لقيت البرسونا أشيك كتير.. ومش أضيق قوي من الواجا.. حتى في التقفيل لقيتها أفضل شوية خصوصاً في الفرش والتبالوه وبقيت مستغرب من الآراء اللي قالت إن الواجا تقفيلها أشيك وأنضف.. بس لاحظ إن العربيتين اللي كانوا في المعرض كانوا مانوال وهاف أوبشن.. علشان كدة أن لسة مش مقرر أختار أيهم ومستني لما أشوف الأوتو الكاملة بتاعة الاثنين..
لكن أقولك بصراحة على انطباعي المبدئي من الشكل العام خصوصاً لما باشوف الاثنين في الشارع.. باحس إن الواجا كلاسيكية بزيادة.. يعني مش هانم وبس زي الزملاء ما بيقولوا.. لأ دي هانم قوي هانم من بتوع زمان.. البرسونا تعطيك إحساس بالحيوية والنشاط والتحفز مع الاحتفاظ بالعنفوان والعفرتة والشقاوة للجين 2 طبعاً..
أنا باتكلم عن الشكل فقط.. لكن القوة والمتانة والإمانيات أو حتى جودة التقفيل.. ما قدرس أحكم أو أميز بينهم طبعاً.. وده اللي أنا عاوز عرفه منكم وممن يسمح وقته لي بمقابلته والتعرف على عربيته عن قرب.. سواء كانت واجا أو برسونا..
ومش عاوز أستعجل وأقول ولو كانت جين 2 برضه.. لأني عارف إن هي هي البرسونا مع فارق الشنطة ووسع بسيط في الكنبة الخلفية..
وأرجو أن أجد عندكم رد شافي يخرجني من حيرتي..
وشكراً على اهتمامك وردك..

**AbuHusam** · 02-12-2009 01:42 AM

أشكرك يا أستاذ هيثم على ردك..
لكن الحقيقة انت أول واحد يقول اللانسر أحسن من الجين..
كل الآراء هنا بتقول إن الجين أشد وأقوى وأمتن وموتورها كمان أي لانسر تشد معاه بيسيبها وراه بمسافة.. ده كلام الأعضاء
أنا عن نفسي كان معايا لانسر موديل 95 جديدة وقعدت معايا لغاية 2000 بس برا مش في مصر.. يعني كانت خليجي.. الحقيقة موتورها كان أقوى ما فيها.. لكن صاج ضعيف جداً.. والله حصل مرتين إني ألاقي الرفرف مخبوط أقوم أدخل إيدي من تحته وأرده تاني.. تخيل؟
وكمان كنت لما باسافر بيها باحس إنها ريشة طايرة مش عربية.. طبعاً هناك الطريق مفتوح وأقل سرعة كان الواحد بيمشي بيها كانت 120 ومع ذلك كنت بمجرد ما أوصل لـ 140 أو 150 أضطر أكلبش في الدركسيون وأقل شوية هوا يهزو العربية.. دي تجربتي الشخصية..
هنا في مصر ركبت لانسر الموديلات الحديثة أكتر من مرة.. طبعاً فيها دقة وشياكة الياباني والتقفيل الرائع.. سواقة ناعمة وعفشة مريحة.. وموتور قوي.. لكن برضه صاج ضعيف ووزن خفيف وكمان أوبشنز قليلة قوي..
بس ياريت تقولنا انت ليه غيرت رأيك وسبت الجن؟ إيه اللي ما عجبكش فيها؟ وهل أخدت قرارك بعد ما ركبتها وسقتها؟
أنا عاوز أركبها علشان أقدر أحكم.. فهل انت حكمت عليها إزاي؟ واخترت اللانسر برضه إزاي؟ مع إن فيه النيسان صني مثلاً.. صحيح تقفيل مصر لكن ثابتة وموتورها رائع وأرخص من اللانسر.. اشمعنى اللانسر آه والجين2 أو غيرها لأ؟

**AbuHusam** · 02-12-2009 01:55 AM

نسيت أقولك يا أستاذ هيثم إني معاك في تميز الياباني عموماً.. لكن لما يكون بيقدم مزايا كتير.. يعني مثلاً التويوتا ياريس رائعة ومثالية باستثناء وسعها.. علشان كدة مش مناسبة ليا علشان معايا أسرتي.. وعند كمان النيسان تيدا.. صحيح فئة سعرية مختلفة تماماً.. لكن إمكانيات ومزايا مختلفة برضه.. وأنا كنت ناوي عليها ولا زلت باعشقها.. لكن للأسف ثمنها لم يكتمل معي.. علشان كدة بافكر في البرسونا أو الواجا بسبب اعتبارات السعر أولاً.. والقيمة الموجودة بالسعر ده.. متانة وصاج قوي وعفشة تستحمل وارتفاع عن الأرض.. وثبات.. واتساع داخلي.. وأوبشنز كتيرة بدءاً من الفوج لايت وانتهاء بالباركينج سينسورز.. للأسف الياباني الوحيدة اللي بتقدم كل ده (وكمان مع صاج ضعيف نسبياً) هي النيسان تيدا.. الأغلى من البروتون بأكتر من 30 ألف جنيه

**AbuHusam** · 02-12-2009 02:17 AM

المشاركة الأصلية كتبت بواسطة xxxmemoxxx

:n_no[1]:
انا هقول على اللي جربته ...
يا راجل حرام عليك 1300 cc ايه اللي اقوى من الـ gen & persona !!!!!!!!!!
انا سوقتها قبل كده اكتر من مره ماعجبتنيش خالص ويمكن دي اللي عملتلي عقده من الـ 1300 حتى الياريس كانت عجباني بس شلتها من دماغي عشان كده مع اني عارف انها اقوي من الانسر ...

مظبوط جدا الكلام ده.. بشكل عام الـ 1300 بيخنق.. لكن خصوصاً في اللانسر بيحسسك إن العربية نفسها قصير.. بس المقارنة اللي بيطرحها أستا هيثم مش أساسها السعة اللترية.. أظنه يقصد نعومة وقوة الموتور والسحب بتاعه.. خصوصاً لو كان جرب الجين 2 أوتوماتيك.. علشان سحبها في الطلعة بيبقى ضعيف (موديلات قبل 2009) بينما طلعة اللانسر سريعة وتحسسك إنك راكب طلقة.. بس بعد شوية تلاقيها ريحت ويبان الفرق بينها وبين الـ 1600..
المهم إن الأستاذ هيثم ما ردش عليا هو ليه ساب الجين2؟ مهم نعرف علشان نستفيد..