طلب غريب

**khpopo** · 02-12-2009 08:38 PM

جين2 اوتو 2006 وتحت امرك فى اى وقت. .. انا عاوز اقولك من بدرى بس انت محدد بيرسونا -واجا ...بس يمكن لما تجرب اقدم واحده يمكن تقطع الشك باليقين وتتاكد انها عربيات محترمه انا تحت امرك
ربنا يوفق

**AbuHusam** · 02-12-2009 10:57 PM

المشاركة الأصلية كتبت بواسطة khpopo

جين2 اوتو 2006 وتحت امرك فى اى وقت.

.. انا عاوز اقولك من بدرى بس انت محدد بيرسونا -واجا ...بس يمكن لما تجرب اقدم واحده يمكن تقطع الشك باليقين وتتاكد انها عربيات محترمه انا تحت امرك :b4_282:
ربنا يوفق

أشكرك جدا وده المتوقع من الجامدين الجدعان أصحاب الجينوالواجا والبرسونا.. وبعد إذنك أنا بعثت لك رسالة على الخاص..
شكراً

**AbuHusam** · 02-12-2009 11:53 PM

بالمناسبة يا جماعة أنا عاوز أسأل على حاجة.. إحنا عارفين إن الواجا القديمة كانت موتور ميتسوبشي.. ودلوقتي موتور كامبرو زيها زي الجين والبرسونا..
هل معنى كدة إن مفيش أي فروق بين البرسونا والواجا دلوقتي؟ طبعاً غير الشكل والفرش.. ولا فيه فروق تانية.. يعني هل فيه فرق في العفشة وتصميمها أو خامتها.. ولا زي بعض بالظبط؟ علشان المسألة دي تفرق طبعاً في مدى تحمل العربية واعتماديتها.. بخلاف الاتساع والمظهر الخارجي اللي ممكن يرجع لذوق واختيار كل واحد..
أرجو الرد علشان ده من أهم الاعتبارات في اختياري بين الاثنين.
وشكراً لكم جميعاً..
سامح

**AbuHusam** · 03-12-2009 02:26 AM

المشاركة الأصلية كتبت بواسطة Ayman_52

جين2 -2009- اوتــو ... تحت امرك يامعلــم فى اى وقـــت

عاوز تروح التوكيـــل ... انا تحت امرك باردوا

واحنـــا تحت امرك فى اى استفســـــــــار

تحيـــــــــــاتـــى

معقول [أمير أمراء البروتون ]
قصدي أستاذ أيمن بنفسه بيرد عليا؟ ده إيه الشرف العظيم ده..
بجد أنا باحترمك جدا جدا من زملن قوي من كتر ما شفت مساعداتك للناس كلها.. وأنا لو مكانك كان زماني باخد نسبة من عمو عز ويمكن مرتب ثابت كمان.. وبرضه مش هاعمل نص اللي انت بتعمله مع الناس..
أنا سعيد حقيقي بردك وباهتمامك.. وأتمنى فعلاً إني أقابلك وأتعرف عليك حتى لو هاشوفك من غير العربية..
ياريت أي وقت يناسبك وأي مكان أجيلك فيه أنا تحت أمرك.. بس لو آخد التليفون علشان أكلمك وأرتب معاك.. ولو مش عاوز تكتب التليفون هنا يبقى على الخاص أو اللي تشوفه..
مرة تانية وتالتة ورابعة وخامسة.. أشكرك ويبدو إن الوالدة دعايالك كتير علشان كدة ربنا بيحبب فيك خلقه حتى من غير ما يشوفوك كدة زيي.. ربنا يزيدك محبة واحترام ويرفع مكانتك عنده وعند الناس..
سامح