الموضوع: مشكله فى نوبيرا 2003

طيب هو عاوز رأس سلندر ليه
ما الشداد أو البكره
بليهم ملوش علاقه بجسم رأس السلندر
لو كان ده اللى فرط فعلا
ومجرد حل محاور دورانهم أو مسامير تثبيتهم على الوش
وتغير مكانهم تانى عادى جدا
وهل سير الكاتينه أنقطع معاك
ولا أيه الحاله بالضبط
علشان نعرف نفكر معاك بأستفاضه

مشكور جدا على الرد هو سير الكاتينه متقطعش بس بيقول انه لما مشى والبلى فرط مش عارف سيح ايه كده والصبابات فضلت تخبط فى البساتم فا هو بيقول بدل الخرط وكده هات وش سلندر استيراد افضل فا هل الكلام ده صح ولا ايه

هو لما البلى يفرط
الكامات مش حتشتغل صح (لأن السير مش حينقل حركه للكامات مع الفرط الفجائى ...لأن السير مش حيلف )
وطبعا الصبابات حتخبط فى وش البساتم وأكيد أتعوجت
زى ما يكون السير أنقطع بالضبط
وحنقول اللى ساح أو باظ عندك كاوتش الصباب
والمفروض فى الأحوال دى بتغير الصبابات البايظه
أو طقم صباب وكاوتش صباب وتعمل روديه
طالما الوش كويس من تحت
وأنا حاسس أن الميكانيكى ده كسول
ولا عاوز يعمل روديه ولا غيره
فنصيحه
ياريت تستشير ميكانيكى تانى
يكون عاوز يشتغل ويرضى الله
على الأقل حيعاين الوش صح ويشوف هل فيه أضرار تستدعى تغييره ولا لا

مشكورين جدا وانا فعلا حوديها لميكانيكى تانى بس انا لو حغير الصبابات بس مش حخرط حاجه

متغيرش الوش الا لو كان تالف فعلا
وحتى لو فيه دلايل تالفه
بتتغير عادى جدا بالشحط
أهم شىء مايجيش جهة الوش سكينة مقشطه
غير كده أى حاجه تتعمل

مشكور جدا وانا حوديها لميكانيكى تانى طب لو طلع فى حاجه فى الوش متعرفش ققدر اجيبه منين