غطاء العربية بتاعي واحد ابن حلال سرقه لسه من ساعة (ووتر برووف ) وحطر اشتري واحد تاني ان شاء الله بس عايز اعرف ازاي احافظ عليه المرة دي ؟
عرض للطباعة
غطاء العربية بتاعي واحد ابن حلال سرقه لسه من ساعة (ووتر برووف ) وحطر اشتري واحد تاني ان شاء الله بس عايز اعرف ازاي احافظ عليه المرة دي ؟
هو الى سرقه اكيد عارف قيمته
انا الحمد لله لما كان معايا العربيه ما حصلش كده مع انى كنت قلقان من الموضوع ده
في حل انك تكتب اسمك عليه بالبوهيه او اى حاجه مميزه بحضرتك و ياسلام لو العربيه فيها انذار
وكمان ممكن تعمل زى حبل او سلسله تشده بيها من تحت بيبقى فيه فتحه لكده و تقفلها بقفل وطبعا هتحمى العربيه برضه
و الافضل بقى طالما اتسرق منك مره هات واحد تعبان مش واتر بروف خساره
حضرتك مكن تعمل زى والدى هو بيحط حته صغيره كده تحت كل باب ويقفل عليها الباب وبعد كده يقفل العربيه محدش هايعرف يشيلو الا لو فتح الباب وده طبعا تقريبا مستحيل الا لو معاه الريموت ولو حد عندو طريقه احسن يقولها
معلهش يا باشا فداك الف غطا
وان شاء الله يوم القيامة حتاخد بتقله حسنات من الراجل اللي سرقه (اصدي العيل اللي سرقه (وبعدين مش كنت تجيبه تقيل شوية عشان الحسنات تزيد)
انا عارف ان الواحد لما بيتسرق منه حاجه دمه بيتحرق
بس الحمد لله فيه ناس العربيه كلها بتتسرق
احتسب الله في الغطا وان شاء الله يكون بعد عندك شر كان جاي لك
حضرتك هو الغطا كان جديد لما اتسرق يعني كان لسة شكلة نضيف والا متوسخ ومترب لان دايما الحرامي بيسرق الغطاء وهو لسة جديد ومش مكتوب عليه علشان يعرف يبيعة تاني
وساعات العيال السيس بيسرقوا الغطيان علشان يتغطوا بيها وهم نايمين في الشارع بالذات في الشتاء
بص يا باشا انت ممكن تعمل زى ما انا بعمل انا جايب طوبه صغيره فى حجم اللمونه وبغطى العربيه وبعد لما اغطيها افتح الباب بتاعى واسحب الغطاء شويه لداخل العربيه واحط الطوبه واقفل عاليها الباب الحرامى لو اتنطط هيشد مش هيخرج معاه عشان الطوبه مسكه من الداخل
معلش يا مان، كلنا لها
اهم حاجه تكتب رقم العربيه بالبوهيه عليه، وياسلام لو ترقعه بعد فتره بقطعه قماش للتمويه