الموضوع: عايز اعرف اسعار الmacbook برة مصر .. هل من مساعد :)

المشاركة الأصلية كتبت بواسطة kareemhisham

شكل الموضوع كبير كبير كبير :) ..

بس انا قرأت ان فى منظفات معينة لتنظيف الماك بوك .. ايه نظامهم ؟؟

و بالنسبة للحتة بتاعت الريست باد .. ايه بظبط البلاستيك الحضرتك بتلزقه دة ؟؟ بيجى معاه يعنى ولا ايه ؟؟

و ياريت تنصحنى .. البرو ولا الوايت ؟؟ و ليه ؟؟

و شكرا لحضرتك لمشاركتنا بخبراتك :)

لا شكر على واجب يا صديقي
بالفعل زي ما زميلنا damasry قالك فلا توجد منظفات معينة وإنما قطنة نظيفة أو منديل النظارة مبلول بشوية مية عادية إلا لو الاتساخ كان جامد تبقى مضطر لاستخدام منظف زي مزيلات البقع أو الصابون وده مع الوقت أكيد حيأثر على الخامة في منطقة الريست باد وماحول الكيبورد أما الظهر وأسفل الجهاز فمادته لميع يمكن تنظيفها بقماشة مبلولة عادي جدا
وبالنسبة للاستيكر فيمكنك استخدام الواقي الشفاف الذي يباع لشاشة اللابتوب عشان يكفي وممكن تحتاج اتنين عشان الظهر وأسفل الجهاز
أنا كنت جايب نوع اسمه transparent laptop skin وده معمول أصلا لحماية الجهاز كله من الخارج وبه قطعة للريست باد
كنت جايبه من مول الكمبيوتر اللي جنب السراج مول في مدينة نصر في الدور التاني غالبا ويمكن الثالث مش فاكر وتقريبا المحل كان اسمه تراست، المهم إن الغلاف بتاعه أسود وعليه صورة لابتوب أبيض والـskin ده شفاف
ممكن أصور صورة غلاف المنتج وأرفعها بكره إن شاء الله لمن يريد التعرف عليها سواء لمستخدمي الماك أو غيره من الأجهزة التي لها شكل جميل ونريد المحافظة عليها بدون استخدام الستيكرز الغبية الموجودة بالسوق

المشاركة الأصلية كتبت بواسطة damasry

شوف كده المقارنة دى ما بين الاثنين.

comparison.doc

اولا مشكور جدا على الجدول الممتاز دة ..

بس بردو فى اسألة كتير عايزة اجابة

زمان كانت الأجهزة الوحيدة التي تستطيع القيام بأعمال الجرافيكس والمونتاج هي أجهزة الماك لأن الويندوز كان يخطو خطواته الأولى وعلى قد حاله، حتى مكاتب الصف -أي كتابة ملفات الوورد للكتب- كانت تستخدم الماك نظرا لوجود برنامج الناشر الصحفي والناشر المكتبي المتميزان في هذه النقطة وكانت كل الصحف تستخدم الماك وبرنامج الناشر الصحفي لأن الوورد في الأوفيس كان ضعيف وكانت خطوطه سيئة وإمكانيات التعامل مع تفضيلات الطباعة محدودة بالإضافة إلى أن النسخ الأولى من الماك كانت تدعم اللغة العربية بصفة كاملة حتى واجهة المستخدم كانت بالعربية في الوقت الذي كان دعم اللغة العربية في الويندوز وتطبيقاته في خطواته الأولى وهذا كان يزعج بشدة دور النشر المكتبي والصحف لأنهم يطبعون باللغة العربية
الآن الأمر اختلف نسبيا
تطور الويندوز كثيرا عما كان عليه، وكذلك التطبيقات سواء الكتابة أو التصميمات وبالتالي كثير من دور النشر بدأت في استخدام أجهزة البي سي نظرا لانخفاض التكلفة وتوفر الدعم الفني
ولكن مايزال الكثيرون متمسكون بالماك نظرا لتفوقه في هذا المجال ونظرا للارتباط النفسي والتعود ونظرا لأنهم أصبحوا خبرة في موضوع الدعم الفني وطرق حل المشاكل وصيانة الأجهزة

بالنسبة للفرق بين الماكبوك والماكبوك برو
في الأداء لن تجد فارق عند نفس المواصفات
في المواصفات هناك ملحقات موجود بالبرو ليست بالماكبوك
البرو جيل جديد وتصميم أفضل وهذه مسألة نسبية تتوقف على قبولك لهذا التصميم من عدمه
لو الفلوس مش مشكلة قوي هات البرو ولكن لو الفلوس محدودة يبقى الماكبوك حيخليك تعيش عيشة فل إن شاء الله