2 حادثة قطار خلال 48 ساعة!!!

**I.S.L.A.M** · 02-12-2009 12:17 AM

بجد يا جماعة الواحد بقى مش مصدق الى بيحصل ده فى السكة الحديد من اهمال وعدم تحمل مسئولية بقى فى 48 ساعة بس يحصل حادثتان قطار اول امس حادثة فى العياط (كلاكيت تانى مره) اخر عربية زهقت من المشوار وراحت تمشى الوحدها خارج القضبان تجيب اومو وانبارح حادثة قطار فى شبين القناطر بس المره دى عربيتين مش واحدة اينعم مفيش ضحايا وجثث بس بردو كارثة المسؤلين بقيت بتتعامل مع حوادث القطارات على اساس انها حوادث كارو انا مش فاهم ايه الى ناقص عشان الناس دى تشوف شغلها صح !!!

**nab!l** · 02-12-2009 12:28 AM

لاحول ولاقوة الا بالله

**badblood** · 02-12-2009 01:01 AM

مصر

**gebreel** · 02-12-2009 01:07 AM

انا اول مرة اسمع عن الموضوع ده
يعني لازم يكون فيه ضحايا علشان الناس تتكلم!!
بس ارجع و اقول الاهمال و عدم الضمير و الناس اللي متتقيش الله في شغلها و تحاول تحلل القرش اللي بتكسبو و بتأكل بيه عيالها مهما كان القرش ده صغير و مش مكفي
مرة ابويا كان مسافر بالقطر و حصلت خناقة فقام نده العسكري ولا معرفش رتبته ايه اللي بيبقى مسئول عن امن القطر بيقولو فيه خناقة جامدة قوي راح الراجل سأله بكل برود فيه حد اتعور!!!! ابويا قالوا و هو احنا لسة هنستنى لما حد يتعور قالو هي الامور بتمشي كدة و من فضلك ارجع كرسيك
حسبي الله و نعم الوكيل

**pop3** · 02-12-2009 09:11 PM

هو ليه ديما ما بنشتغلش غير بالزق

منغطيش البلاعه إلا لما واحد يقع فيها و يموت

ما ننظفش البلد إلا لما يجي مسئول أو حدث مهم " زي إللي ما تحميش عيالها إلا لما يجيي العيد "

ما نعملش كشف على سفن الحج و العمره إلا لما تغرق واحده ويموت المئات

ما نحاسبش مسئول عن حادثه إلا لما يروح فيها ناس

ما نثورش على كرامة المصري و نشيل العلم كلنا و نعلقه في عربيتنا و بيوتنا إلا لما مصر تحتاجنا في ماتش كوره أو لما تنجرح كرامتنا

ليه ميكونش ده الطبيعي عندنا كلنا؟؟؟ أنا عارف إن فيه مسئولين محترمين و عارف إن في ناس بتحب البلد دي أكتر من نفسها ومستعده تعمل أي حاجه في سبيلها, لكن ليه كلنا مش كده؟؟؟