والله موضوع جميل وجديد وحيفيد كل الأعضاء
عرض للطباعة
والله موضوع جميل وجديد وحيفيد كل الأعضاء
شكرا لكل الأعضاء إلي شاركوا
وياريت تجارب الناس..وأكيد الكل اتنصب عليه قبل كده حتى ولو في اي حاجه
.
.
.
.
وبعدين الواحد لما تكون عنده مشكله مدايقاه في عربيته ..بيكون عاوز يخلص منها
وبالذات إن النصاب بيعملك البحر طحينه بالمكسرات ..ويقولك دي مش هتكلف غير حاجات بسيطه..ومش هتاخد وقت..
ولما تفتح شغل..ربنا أعلم بيك..انت ساعتها تحت ضرسه
انا اتنصب عليا فى العربيه لما رحت اشتريها من راجل فى نفس المنطقه ولما جبت ميكانيكى من نفس المنطقه بردوا طلع صاحب العربيه متفق مع الميكانيكى ولبست العربيه وعملت عمرة وغيرت العربيه كلها والكراسى وسمكره ودوكو وكهربه وعفشه ومساعدين وكل حاجه والله شفتوا حد اضحك عليه كدا
طيب قول اسم الميكانيكي
عشان محدش يتعامل معاه تاتي
اقتباس:
[/quote=hema_lancer;3872167937] أولا انا مع حضرتك بس في غلطه احنا بنعملها كلنا ومحدش بياخد باله
اننا بنثق بكلام صنايعي واحد بس
يعني شوف حضرتك انا عندي خبره ازاي ورغم كده لما بروح لصنايعي لحاجه مش معروفه بلف علي كذا واحد لحد ما الاقي الرأي اللي انا مقتنع بيه
لكن مثلا زي الاستاذ اللي عمل الموضوع
[/quote]
الكلام ده صحيح 100%
لازم نروح لكذا صنايعي عشان نتأكد وكمان الشغل الجامد لازم يكون عند صنايعي معروف وموثوق فيه وده كمان لازم نسأل عليه كذا واحد برضه
وحاجة كمان محدش بقى بيعملها تقريبا وهية إن لازم وحتما ولابد تكون واقف على إيد الصنايعي وهو شغال في عربيتك وشايف هوة بيعمل إيه وركب قطع الغيار المتفق عليها فعلا ولا لأ ....
أنا عمري ما أنوي أعمل حاجة في العربية وبالذات لو كانت كبيرة وأسيب الصنايعي شغال في العربية وأمشي ... معلش صعبة ... بس محدش بقى عنده ضمير
اقتباس:
[/quote=أحمد كمال;3872164189] طول عمري اقول الغالي رخيص
التوكيلات يا جماعة ممكن تكون ولعة في السمكرة و الدوكو ..... بس في الميكانيكا تمنها فيها
الميكانيكي زي ما شفنا في الامثلة السابقة بيجيب رجلك ب 100 و 200 و بتاع
و انت تسال في التوكيل تلاقي العمرة مثلا ب 3000
[/quote]
مع إحترامي لحضرتك وصحة كلام حضرتك بس برضه التوكيلات مش مضمونة 100 % وإن كانوا كشغل مش فارقين عن الصنايعي الكويس برة ولكن همة ميزتهم الرئيسية عن الصنايعية الفواتير وإثبات حقك لو لاقيت شغلهم بايظ وبرغم كده بتحصل معاهم كتير من المشكلات فيما بعد الشغل .. وده عن تجربة مع كتير من التوكيلات
شوف الرابط ده :
http://www.nilemotors.net/Nile/64581-a.html
تسلم ايد الرجاله
انا كنت فاكر الناس بطلوا يتنصب عليهم والموضوع هيتقفل على كده