اهلا بالشباب
انا شفت الموضوع بتاع اعضو معانا هنا
الراجل ده وقع في سمكري حرامي نصب عليه في اكتر من 5000 جنيه
http://www.nilemotors.net/Nile/93693-a.html
.................................................. .......................
انا مش عارف اداره المنتدى هتسمح بالفكره دي ولا لأ, وأنا كمان مش عارف اذا كانت الفكره دي اتعملت هنا قبل كده ولا لأ
أنا عاوز اعمل موضوع مثبت في المنتدى العام..عن كل حوادث النصب الي تمت على الاعضاء-وده للافاده وليس التشهير-عشان محدش يحصلوا زي ماحصل لكتير من الناس
وهبدأ بنفسي
انا شاري عربيه لانسر 2001 ...صوت المكنه كان عالي ..روحت لواحد ميكانيكي اسمه سمير( في النكاريه الزقازيق) قالي العربيه عاوزه عمره- مع انها لاكانت بتحرق زيت ولا دخانه بيضا ولا زرقا ولا اي حاجه- المهم,قلت هوا أدرى بشغله:ma:
ومع اني مش بعرف استغنى عن العربيه يوم واحد عشان طبيعه شغلي..اتقفنا انه هيخلص العربيه في يومين من غير التليين وهياخد 600 جنيه- انا طبعا كانت اول مره احل مكنه ومش عارف العمره بتكلف كام-المهم
اول ماسبتله العربيه..قعد يماطل فيها لمده 10 ايام
وطبعا قعد يسحب مني فلوس..خلاني غيرت صبابات وكرنك وبلاوي زرقا..
المهم
كلف عليا اكتر من 3000 جنيه في عمره المكنه
قلت ربنا يعوض عليا بس المهم تظبط.الصوت العالي هوا هوا
حسبي الله ونعم الوكيل
وكانت المشكله ان التاكيهات فيها مشكله وعاوزه عمودين تاكيهات بـ500 جنيه استيراد وكانت تخلص الليله على كده
بس طبعا هوا عاوز يشتغل ويسحب على قفا الزبون - انا :36_7_4[1]:- فلوس في فلوس
كلف عليا عمره من غير لزمه .. والاسم ان المكنه اتحلت..منه لله
انا حبيت اعمل الموضوع ده للافاده وليس التشهير-والله على ما اقول شهيد-
::::الميكانيكي اسمه سمير-النكاريه - اول طريق الزقازيق ميت غمر:::