السلام عليكم و رحمه الله و بركاته
*كل سنه وانتم و طيبين*
اولا انا معرفش اي حاجه عن الموتسيكلات بس نفسي اجيب واحد فلما حبيت اعرف شويت معلومات عن اسعرهم و اشكلهم و انوعهم و كده لقيت ان ال250 عادي و الفاير هما الي سوقهم ماشي تمام بس الي انا عايز اعرفه دلواتي من غير محد يتضحك عليا هه:star1: ايه الفرق بين العادي و الفاير و شويه معلومات بقي عن استهلاك الوقود و قطع الغيار و الصيانه كل اد ايه وكده.
و شكرا بس ياريت الرد بسرعه
اعمل بحث في الموقع هتلقي موضيع كتير ببتكلم عن الموضوع دة بالتفصيل
ببساطه كده فوق ال 90 فاير
وتحت ال 90 عاده
الشكل بيختلف شويه والامكانيات واحده تقريبا
ودور على الموضوع ده هاتلاقيه فى المنتدى مشروح قبل كده
فى فرق كبير من حيث الشكل والاداء
الفاير الهورس باور بتاعه اعلى من العاده
وبالنسبه للشكل الفاير اضخم من العاده والفير كله هوايات مش موجوده فى العاده
هذا والله اعلم
بس خد بالك ممكن يقولك فاير وتكون معمولها تعديل تبان انها فاير
الا لو ودتها لميكانيكي ممكن يعرف بسهوله
والاهم من ده كله خصوصا لو هيا افراج تبوص في ورق الافراج
الجمركي وشوف الموديل كام بالظبط
شكرا يا جماعه علي المعلومات القيمه دي
يا باشا فوق ال90 دي في السرعه و لا ايه يعني افهم من كلامك ان العاده اخره 90 طيب الفاير اخره كام؟اقتباس:
المشاركة الأصلية كتبت بواسطة star_is_mesho
howa asdo law t7t model 90 tob2a 3ada w law fo2 sanat 90 yob2a fire l2n el sherka m3amaletsh 3ady men sanat 90
el 250 cc fire a5ro 180
شكرا يا باشا علي التوضيح
طيب سؤال تاني معلش في استيراد و في مستعمل عايز اعرف ايه الفرق وانهي الاحسن و اسعارهم ايه ؟
اصل انا سمعت ان الريسات بترخص في الشتا مش كدا ولا ايه و الريسات الاستيراد القيهم فين بالظبط؟
وشكرا يا باشا تعبتك معايا
استيراد يعني افراج جمركي
يعني مستعمل بره مصر وطبعا ده بتبقى حالته معقوله ان ماكانتش ممتازه
اما مستعمل ده يعنى علق نمر واشتغل جوه مصر
طبعا ده بيبقى ارخص من الاستراد
حالاته متفاوته على حسب اللي بيبيع
اما بالنسبه للاسعار انزل بنفسك واسأل
82 مصطفى النحاس امام شركة صادكو (ايمن فوزي)
قدامه الناحيه التانيه هيثم ومحمود لطفي
وفى فى العجوزه احمد فهمي خلف نعمه
هيثم عنده 600 اف 3 موديل 97 ب 28
و400 فاير ب25
و 250 فاير مش جاهزه عنده بس بيتكلم فى 19
الكلام ده طازه يوم 2 ديسيمبر
شكرا يا ميشو باشا بس انا شايف اني الاسعار دي عاليه اوي عن الواحد بيسمعه (:
ما انا عارف بس ده الحقيقه اللى انا شوفتها بعنيا
بنقلها زي ما شفتها ماليش مصلحه فتغيرها
فى كتير بيفتو على كلام بعض
ناس تحب تزود وناس تحب تقلل
عشان كده قولتلك انزل بنفسك شوف
واى خدمه
اقتباس:
المشاركة الأصلية كتبت بواسطة star_is_mesho
222
كلام مظبوط جداً وفعلاً هى دى الاسعار اللى فى السوق
وانا كنت فى بورسعيد من اسبوعين والاسعار فعلاً فى العالى
يعنى بداية كلام الــ 400 فاير 24.5 وبتوصل لـ 26
والــ 250 فاير بردو بداية 19 وبتوصل لــ 21.5 ,,,,
شكرا يا جماعه علي تعبتكوا معايا
انا لسه مبعرفش اسوق تمام بس فيه واحد صاحبي قلي لو بتعرف تسوق عجله هتعرف تسوق موتوسكيل تمام
السؤال بقي بيقول هل فعلا كلامه حقيقي و لا و لو كلامه حقيقي هاخد الفتنس في السواقه في اد ايه مش شرط اكون ماهر قوي يعني ولما اجيب واحد اجيب العاده ولا الفاير 250 بصفه مبدايه ؟
معلش انا رخم حبتين واسئلتي عبيطه شويه بس معلش استحملوني علشان لو حد عايز كاوتش لعربيته هخدمه انا شغال في توكيل بريدجيستون الي في المعادي واساسا نايل موتورز متعاقد معانا يعني زيتنا في دقيقنا
و شكراااااااااااااااااااااا ااااااااااااااااا
لو بتسوق عربيه الموضوع مش هاياخد اكتر من ساعه
وبعد كده الممارسه هاتنقل خبرة العربيه للموتسيكل
يعني على قد مهارتك فى سواقة العربيات هاتبقى ماهر فى الموتسيكلات
وعايزين كاوتشات للموتسيكل
مالنا بالعربيات هههههههههههه
وشكرا
السلام عليكم ورحمة الله وبركاتة
يا جماعة انا عندى 250 عادة موديل 88 حالتها فوق الممتازة للبيع
والله بجيب بيها 180 وبحس انها بتقبل تانى وماشاء الله فى الثبات
انا ببيع على 13000 واللى يحب يرد عليا فى نفس الموضوع
سبب البيع ان شاء الله ناوى اجيب اكبر400 او 600 بس ادعولى ان ربنا يوفقنى والاقى حاجة نضيفة . واسف على الاطالة
اقتباس:
المشاركة الأصلية كتبت بواسطة star_is_mesho
طبعا يا باشا بعرف اسوق عربيات كويس طمنتني :verygood: طيب الحمد لله وعلي العموم بالنسبه لموضوع الكاوتش فدي هيبقي سهل بالنسبالي ولا يهمك انوي بس وانا هتصرف
13 كتير قوي ممكن تنزل شوية
وممكن ترفع صورة لو سمحت
هي متراخسة ولا لأ؟