طلب استشارة من عصابة الاوبل - العربية هتطير البرج الي فاضل

صباح الخير و كل لسنة و رجالة الاوبل و مصر كلها بخير .. انا عندي طلب استشار علشان انا خلاص هتجنن من الي العربية بتعملة اولا انا كنت غيرت رشاشات من حوالي 3 شهور كدة و العربية مشيت كويس و زي الفل و كنت مغيرها علشان القديمة كانت مكتومة شوية و العربية مبتسحبش ز المهم من حوالي اكتر من شهر كدة لا قيت صوت العربية ابتدي يعلى من اول مدور مع العلم انة احيانا بيكون صوتة واطي بس اغلب الوقت بيكون صوتة عالى و لما اجي ادور الصبح او لو العربية مركونة بقالها شوية مترداش تدور من اول مرة او تدور بس بتطول في المارش علشان تدور و دة مكانش بيحصل قبل كدة و كمان الحرق مبقاش مظبوط و بتطلع دخان اسود خفيف من الشكمان لو زودت و انا واقف و بشم ريحة عادم جامدة و اول مدورها الصبح بحس انها بتزود لوحدها كل كلم ثانية كدة - بيبان من ال rpm بس مبيزدش عن واحد , و احيانا بتزود لوحدها و انا ماشى علي الاول - و طبعا استهلاك البنزين عالى بس في السفر المعدل المعقول المهم رحت للميكانيكي و حكيتلة علي القصة دة قالى انت عندك الريداتير مخروم روح الحمة الاول علشان دي مشكلة مع حساس الكولنت ( thermo sensor) و قد كان و رجبت حساس كولنت ( الماني صناعة برازيلى مش فاكر اسمة يصراحة بس العلبة لونها ازرق و فيها خط احمر كدة ) و جبتة و ركبتة و قالي انها هتاخد كام يوم على متظبط نفسها علشان العادم الاسود الي كان بيطلع ( هوا قل بس بعد مركبت الحساس ) المهم في كل دة ان اداء الموتو زي مهو و ال RPM بس صوت العربية عالي و جننى مع انى لما بفتح الكبوت بحس ان الموتور هادي و صوتة زي العادى بتاعة بس مش عارف الصوت العالى دة جي منين و قلت بردو اعمل كل الى عليا و رحت لبتاع شكمانات علشان يمكن الصوت يكون من الشكمان بس او مرت قالي دور و كبس الشكمان بأيدة و قالى الشكمان مفهوش حاجة و فعلا لما كبس محصلش اى حاجو و لا الصوت على و لا اي رجرجة حتى .. و الى مجننى اكتر ان صوتها بيعلى كل مبمشى بيها و بحس ان في حاجو بتحك جامد ناحيتي من قدام و خلاص هتجنن مش عارف اعمل اية لو حد يساعيدى يبقي لية الاجر و الثواب عند الله :36_1_31:
و ليا سؤال كمان . هي الرشاشات بتتنضف فين؟ تتكلف كام؟ مع العلم انى ساكن في القاهرة - الهرم -

العربية فيكترا 94 2000 cc مانيوال

مستنى ردودكو و شكرا على وقتكوا

جارى العزيز
1. العيب اللى عندك مش رشاشات و ياريت كان رشاشات
2. العيب عندك للأسف ماف صريح ( العلبة السوداء اللى على الجنب اليمين )
3. مفيش اى داعى لتغيير الكولنت سنسور فى حالتك دى بس اهو رخيص و مش هيخسر هو كله على بعضة 45 جنيه
4. العربية فيها تفتفه بسيطه ولا لأ و اكيد فيها
5. انت جبت نفس الرشاشات اللى فيها و لا رشاشات نوع تانى و الأستهلاك عامل ايه
انا عايز اعرف رد للأسئلة الأخيرة

انت معاك نفس عربيتى بس انا 95 سبورت مانيوال بالجنوط و الأسبويلر حمرا

طنانى باشا . الف شكر على الرد السريع و انا متأسف اوى على التاخير المهم دة الرد على اسئلتك كلها و اتمنى يكون رد وافى
1. العيب اللى عندك مش رشاشات و ياريت كان رشاشات
2. العيب عندك للأسف ماف صريح ( العلبة السوداء اللى على الجنب اليمين )
انا شكيت في كدة بس تفسر ب اية الصوت العالى الى ناحية الشمال و بيعلا كل مبزود سرعة ؟ مع العلم بان ال RPM زي مهو يعنى مثلا 130 علي الخامس = 3
3. مفيش اى داعى لتغيير الكولنت سنسور فى حالتك دى بس اهو رخيص و مش هيخسر هو كله على بعضة 45 جنيه :-)
4. العربية فيها تفتفه بسيطه ولا لأ و اكيد فيها
هو انا مش فاهم بالزبط يعنى ايو تفتفة بس هى بتزود لوحدها سنة بسيطة كل كام ثانية و هى علي المور انما و انا ماشي مفيش غير مشكلة الصوت العالة الي مش عارفلة حل ( صوت عامل زي صوت حكة غريبة كدة في ناحية الشمال قدام )
5. انت جبت نفس الرشاشات اللى فيها و لا رشاشات نوع تانى و الأستهلاك عامل ايه
و الله المفروض انا نفس الرشاشات لنفس الموتور و عموما الاستهلاك كالأتى حوالى 210 ك في الصفيحة في السفر مع العلم بانى بقرص عليها يعنى متوسط 150كم/س - داخل البلد حوالى 190ك في الصفيحة و متغيرة طبعا حسب الزحمة . بس متوسط 190 في الصفيحة تقريبا

سؤال بقي : هو تنظيف الرشاشات فين و يتكلف كام علشان انا رشاشاتى القديمة كانت شغالة كويس بس كانت مكتومة حاجة بسيطة و بصراحة كان استهلاكها احسن _ طبعا علشان كتومة :dzey:
ارجو انى اكون رديت رد فية طلبك . و منتظر ردك .. شكرا

بص يا باشا
جرب النصيحه دى و ربنا يسهل
انزل وسط البلد - باب اللوق
هات منظف الكترونيات اسمه فيديو 90 بلجيكى
فك الماف بره و بص عليه هتلاقى تيله جواه عامله زى سلك اللمبة الداخلى
غرقة لغاية ما ينزل المنظف نظيف من الناحية التانية
جرب و شوف انا عملتها عندى و الحمد لله

الف شكر يا باشا على النصيحة .. انا هحاول انزل اجيب ال كونتاكت كلينر دة و اجربة و ربنا يسهل انشاء الله بس انا عندى سؤالين بعد اذنك , هل لو الموضوع ماف دة يبقى لية علاقة ب الرجرجة و الصوت العالى بتاع العربية ؟ و لا دة بس علشان يظبط حرق الوقود ؟ السؤال الثانى : لو عايز اربط عفشة و اظبط زوايا فين احسن و اقرب مكان و تتكلف كام ؟ و شكرا جدا على ردك و متابعتك .. انا بعتلك على الخاص موضوع كدة كنت حابب اخد رأيك فية .

ان شاء الله يفيدوك الشباب