دى مش ثرئة، ده إثمه إقتباث
"دى مش ثرئة، ده اثمه إقتباث" ، جملة اشتهر بها الموسيقار الراحل محمد عبد الوهاب ويمكن ترجمتها الى اللغة العربية فى شكل" دى مش سرقة، ده اسمه اقتباس"
اللى فكرنى بالجملة دى حالة اقتباس بس بصراحة فى منتهى الجمال ، وقعت عليها بالصدفة لما هفنى الشوق للفرجة على بعض صور السيارات الفرنسية، عموما انا قمت باعداد مجموعة من الصور توضح الاقتباس ده، والذى تم باستيحاء تصميم سيارة تعتبر من روائع عصرها، لسيارة اخرى تعتبر من روائع العصر الحالى، بس الغريبة جدا ان الشركة القمتبسة اقتبست تصميم قديم خاص بشركة اخرى، عموما اسيبكم مع الصور وبعدين نرجع نتكلم تانى
[sor2]http://up.haridy.org/storage/sab3-cit-ren.JPG[/sor2]]
[sor2]http://up.haridy.org/storage/sab3-cit-ren2.JPG[/sor2]
[sor2]http://up.haridy.org/storage/sab3-cit-ren3.JPG[/sor2]
السيارة القديمة هى السيارة ستروين دى إس وهى احدى السيارات التى أدارت عقول الفرنسيين والأوروبيين مده 20 عاما منذ عام 1955 وحتى عام 1975 بشكلها المميز جدا بالاضافة بالطبع الى جودتها العالية، وبالرغم من اننا لم نعرفها فى مصر لكننا شاهدناها كثيرا جدا فى الأفلام الفرنسية التى تعود الى تلك الحقبة
اما السيارة الحديثة فهى بالطبع الرينو ميجان IIالغنية عن التعريف
واذا كان هناك منكم من لم يلاحظ التشابه القوى بين السيارتين دعونا نستعرض بعض النقاط الواضحة مثل:
1-شكل الاطار الخارجى العام للسيارة(الجسم الانسيابى من اسفل مع وجود الزجاج والسقف بشكل يشعرك انها قطعة منفصلة عن جسم السيارة الانسيابى)
2- شكل الاطار العام للفوانيس الامامية
3- الفانوس الامامى مزدوج العدسات
4-شكل الكبوت(عالى من الجانبين ثم ينخفض ثم يعود للاتفاع حتى منتصف الكبوت مع وجود خط فى منتصف الكبوت)
5- شكل السقف( عالى من الأمام وينخفض للخلف
6-شكل القائم الخلفى(رأسى ومستطيل وحاد وعريض)
7-شكل الزجاج الجانبى للباب الخلفى والهواية الخاصة بالباب الخلفى(تقريبا نسخة كربون)
8- الانزلاق الخلفى للسيارة (متقارب جدا مع اخذ روح العصر فى الاعتبار)
9-شكل أوكر الأبواب والباكيتات الجانبية يحمل نفس الروح الى حد كبير
والآن اعد تأمل الصور مرة اخرى وستشعر ان شركة رينو قامت باعادة احياء الموديل DS فى سيارتها الميجانII ، فقط هى اعادت احياء موديل خاص بشركة ستروين وليس موديل خاص بها
(الموضوع والصور من اعدادى بالكامل وغير منقولة، مفردات الصور تم تجميعها من على شبكة الانترنت، لكن الصور بشكلها الحالى من اعدادى)