الموضوع: إغلاق الطريق الصحراوي من جهة الأسكندرية بداية الأسبوع القادم لإستكمال أعمال التطوير

يا تري فعلا هيبقي طريق مفتوح ويتم اضاءه بالكامل ام لا

انا قريت الكلام ده فعلا بس هنوصل ازاي لاسكندرية من بعد البوابات

انا بالفعل لسه شايف الخبر اليوم ,,طيب دلوقتي يا جماعه احنا هنسافر للاسكندريه ازاي وايه الطرق البديله علشان نوصل ؟ هو اكيد فيه حل والا الطريق الصحراوي هيتقفل من عندنا احنا في القاهرة !! وياريت الي سافر يقولنا الطريق عامل ازاي بصفه عامه ومدخل الاسكندريه بصفه خاصه علشان لو الواحد حب يسافر

متابع

ممكن تدخلوا اسكندرية من وصلة الكيلو 21 وعربياتكم تتدغدغ فى طريق العجمى-المنشية، ده غير الزحام المريع فى المكس والدخيلة والقبارى

وممكن كمان تاخدوها من الصحراوى للزراعى من وصلة ابو المطامير وابقوا قابلونى لو حد عرف يكملها بعربيته ويطلع بيها سليمة

او ممكن تدخلوا من الصحراوى الى الزاعى من وصلة الخطاطبة-كوم حمادة-ايتاى البارود، وتقفوا 3-4 ساعات فى مزلقان القطار فى الخطاطبة علشان القطار بعد ما عدا الناس اللى واقفة على الناحيتين اكتشفت-فجأة كدة- ان كل منهم مش سايب فرصة للى جاى من الاتجاه المقابل انه يعدى
او تاخدوها زراعى من الأول ، وفى الحالة دى بتوع كفر الحصة هيطلعوا عليكم يكسروا لكم عربياتكم علشان عايزين كوبرى مشاه والحكومة بتماطل ، وباعتبار ان كل مسافر على الطريق الزراعى هو تبع الحكومة طالما انه راكب عربية، يبقى عربيته تتكسر وينضرب وياخد بالجزمة كمان

او تريحوا نفسكم وتسافرو بالقطار اللى هيطلع فى موعده بالثانية لكن هيوصل اسكندرية فى خلال 5-7 ساعات ضمن حملة العصيان المنظمة التى يمارسها كل موظفى السكة الحديد حاليا للحصول على مزيد من الدلع ومزيد من الفتة ومزيد من الحوادث بدون حساب لأن الكلام الوحش الى اتقال عليهم بعد حادثة العياط اثر فى نفساوياتهم ومالهمش ياعينى نفس يشتغلوا

او تروحوا بالسوبر جيت وتقضوا 4 ساعات فى القاهرة قبل بداية الطريق لأن شركة الاتحاد العربى للنقل البرى لسة بتستعمل الطريق الى كانت بتستعمله من 20 سنة ومش واخدة بالهم ان القاهرة-عى ما يبدو- اتزحمت والطريق اللى كان بياخد نص ساعة فى الماضى بياخد حاليا اربعة ساعات،

او الأسهل من ده كله، ان الى عايز يروح اسكندرية يؤجل مشواره كام شهر، واللى جوة اسكندرية يخليه جواها لحد ما يوسعوا الطريق وربنا يحلها من عنده، او اسكندرية تعلن استقلالها وتستريح من مصر ومن قرفها ويبقى السفر للأسكندرية بالطيارة والحصول على تأشيرة اسكندرية من سفارة الاسكندرية اللى هتتعمل فى التجمع الخامس، والواحد وهو داخل مطار اسكندرية يغير عملة ويبقى كل "جنى" اسكندرانى بخمسة نص "جنيه" مصرى

أيووووووووووووووووووووووو وووووووه

المشاركة الأصلية كتبت بواسطة sab3aawy

ممكن تدخلوا اسكندرية من وصلة الكيلو 21 وعربياتكم تتدغدغ فى طريق العجمى-المنشية، ده غير الزحام المريع فى المكس والدخيلة والقبارى

وممكن كمان تاخدوها من الصحراوى للزراعى من وصلة ابو المطامير وابقوا قابلونى لو حد عرف يكملها بعربيته ويطلع بيها سليمة

او ممكن تدخلوا من الصحراوى الى الزاعى من وصلة الخطاطبة-كوم حمادة-ايتاى البارود، وتقفوا 3-4 ساعات فى مزلقان القطار فى الخطاطبة علشان القطار بعد ما عدا الناس اللى واقفة على الناحيتين اكتشفت-فجأة كدة- ان كل منهم مش سايب فرصة للى جاى من الاتجاه المقابل انه يعدى
او تاخدوها زراعى من الأول ، وفى الحالة دى بتوع كفر الحصة هيطلعوا عليكم يكسروا لكم عربياتكم علشان عايزين كوبرى مشاه والحكومة بتماطل ، وباعتبار ان كل مسافر على الطريق الزراعى هو تبع الحكومة طالما انه راكب عربية، يبقى عربيته تتكسر وينضرب وياخد بالجزمة كمان

او تريحوا نفسكم وتسافرو بالقطار اللى هيطلع فى موعده بالثانية لكن هيوصل اسكندرية فى خلال 5-7 ساعات ضمن حملة العصيان المنظمة التى يمارسها كل موظفى السكة الحديد حاليا للحصول على مزيد من الدلع ومزيد من الفتة ومزيد من الحوادث بدون حساب لأن الكلام الوحش الى اتقال عليهم بعد حادثة العياط اثر فى نفساوياتهم ومالهمش ياعينى نفس يشتغلوا

او تروحوا بالسوبر جيت وتقضوا 4 ساعات فى القاهرة قبل بداية الطريق لأن شركة الاتحاد العربى للنقل البرى لسة بتستعمل الطريق الى كانت بتستعمله من 20 سنة ومش واخدة بالهم ان القاهرة-عى ما يبدو- اتزحمت والطريق اللى كان بياخد نص ساعة فى الماضى بياخد حاليا اربعة ساعات،

او الأسهل من ده كله، ان الى عايز يروح اسكندرية يؤجل مشواره كام شهر، واللى جوة اسكندرية يخليه جواها لحد ما يوسعوا الطريق وربنا يحلها من عنده، او اسكندرية تعلن استقلالها وتستريح من مصر ومن قرفها ويبقى السفر للأسكندرية بالطيارة والحصول على تأشيرة اسكندرية من سفارة الاسكندرية اللى هتتعمل فى التجمع الخامس، والواحد وهو داخل مطار اسكندرية يغير عملة ويبقى كل "جنى" اسكندرانى بخمسة نص "جنيه" مصرى

أيووووووووووووووووووووووو وووووووه

والله معارف اقول ايه
انت المفروض تبقى رئيس جمهوريه