الموضوع: إنشاء كوبري مشاه أمام قرية "كفر الحصة" المشاغبة!!

فعلالو هى دى الطريقة اللى بتلوى دراع الحكومة يبقى اهلا بها وسهلا، اهلا وسهلا بقطع الطرق، وأهلا وسهلا بخطف الطائرات، واهلاوسهلا بتفجير محطات القطارات والميادين العامة ، واهلا وسهلا بخطف السياح وقتلهم وأهلا وسهلا بكل اشكال الارهاب
لا يوجد أى منطق فى الدنيا بيرر الاعتداء على ابرياء لا ذنب لهم ولا جريرة، لو ليا حق عند واحد يبقى اروح للواحد ده اكلمه ولو مدانيش حقى اعمل فيه اللى انا عايزه ،لكن يبقى ليا حق عند واحد انا مش قادر عليه اقوم اعمل سبع رجالة فى بعض على ناس فى حالها ولا ذنب لها فلا يوجد اى منطق عاقل يقبل هذا السلوك، ولو اللى مننا بيقول ان ده سلوك مقبول كانت عربيته هو اللى اتكسرت فى الحادثة دى كان قاد حملة علىالفيس بوك للمطالبة بضرب كفر الحصة بقنبلة ذرية، حطو نفسكم مكان الناس اللى اتأذت بدون ذنب وفكروا لدقيقة واحدة هتلاقوا ان سلوك هؤلاء البلطجية سلوك يتنافى مع اقل قواعد الآدمية

المشاركة الأصلية كتبت بواسطة m.osama

كل واحد لو حط نفسه فمكان غيره الامور حتختلف

حضرتك لو حطيت نفسك مكان الاب اللي فقد مراته وابنه فلحظه واحده وهما واقفين علي جنب الطريق اكيد رؤيتك حتختلف وحتطالب بتحويل مسار الطريق الزراعي

وانا لو حطيت نفسي مكان اي حد عالطريق معاه حاله مستعجله اوحالة ولاده وعاوز يوصل المستشفي اكيد رؤيتي حتتغيربرده وحطالب بنسف المدينه

-على كده لو حد بيعمل عملية وتوفى نتيجة خطأ من الطبيب . يبقى من حق أهل المتوفى أنهم يخلصوا على كل الدكاترة في المستشفى.
- لو حد في عائلة كان مجرم هل في حكم في القانون أوالدين بيقول أن أحنا نأخذ بقيت أقاربه بذنبه.
- أحنا مش في غابة ولو كل واحد لاقدر الله حصلت له كارثة وقام يخرب ويدمر بعديها بدون وعي يبقي أحنا مش في مجتمع ومحصلناش حتى الوحوش في الغابات

- في الدين (والده المفروض يكون المنهج والمنهِاج بتعتنا في كل تحركتنا الدنياوية) ده يعتبر قتل خطأ وحكمة الدية المسلمة لأهل المتوفى وفي حالة رفض دفع الدية فيرفع الأمر لولي الأمر.
- أما الناس إلى عملوه في عربيات الناس إلى ملهاش ذنب وتعطيل مصالح المسلمين في الأرض هو ده إلي يعتبر إرهاب ويستوجب حد الحرابة زي ما أوضح أخونا المهندس سبعاوي.

- بلاش لا كدة ولاكدة أنا أعرف ناس كتير نعرضوا لموت أقاربهم في حوادث سير (وفي نطاق العائلة والأصدقاء) هل الناس دية حرقت وخربت وكسرت .أبداً والله
- يعني لا باقي الناس إلى ماشية في الطريق تؤخذ بذنب السيارة إلي عملت الحادثة(على فرض أن عليه ذنب). ولا باقي أهالي القرية يؤخذو بذنب إلى عملوه فئة منهم .( المؤمن كيس فطن)

في بلادنا وللأسف يعتبر الكوبري العلوي هو المكان الأمثل للمرور من تحته وإظهار أننا لسنا هواة أو سذج كالآخرين الذين يمرون فوق الكوبري ويلتزمون بآداب الطريق ونفس الأمر بالنسبة للأنفاق السفلية
وشعار هؤلاء الخطرين والناصحين هو (يا صحة فين أوديكي) و (يا عمر فين أبعزقك) و (أمال حستغل غبائي في إيه)

للأسف الموضوع زاد عن حده ، كل يوم فى اختناق مرورى دااااائم ، ومابيفكش غير فى نص الليل عند البلد دى (كفر الحصة) بسبب سلسلة من المطبات الصناعة المتتابعة وعيون القطط إلخ اللى تم تركيبها بعد الحادث وبتخللى العربيات المعدية لازم تاخدها على الأول بالإضافة إلى التواجد المرورى الدائم ولا يخلو الأمر من زيادة عطلة بلجنة على الماشى ..
النتيجة ان لعبور هذا الاختناق الموضوع بياخد حوالى ساعة وممكن أكتر ، يعنى المشوار من بنها للقاهرة كان 45 دقيقة ، دلوقتى بقى داخل على ساعتين .. والناس كفرانة وزهقانة وماشية تحسبن على الطريق ..

المشاركة الأصلية كتبت بواسطة egyzizo

للأسف الموضوع زاد عن حده ، كل يوم فى اختناق مرورى دااااائم ، ومابيفكش غير فى نص الليل عند البلد دى (كفر الحصة) بسبب سلسلة من المطبات الصناعة المتتابعة وعيون القطط إلخ اللى تم تركيبها بعد الحادث وبتخللى العربيات المعدية لازم تاخدها على الأول بالإضافة إلى التواجد المرورى الدائم ولا يخلو الأمر من زيادة عطلة بلجنة على الماشى ..
النتيجة ان لعبور هذا الاختناق الموضوع بياخد حوالى ساعة وممكن أكتر ، يعنى المشوار من بنها للقاهرة كان 45 دقيقة ، دلوقتى بقى داخل على ساعتين .. والناس كفرانة وزهقانة وماشية تحسبن على الطريق ..

حاجة تفرس
بس لحد إمتى؟
ونعمل إيه؟

خدت بالك من البقر اللى هناك وراكنين الترلات على يمين الطريق ، يعنى الطريق الضيق أصلا أهل البلد المحروسين بيركنوا ترلاتهم على السريع ، وا من زمان لكن دلوقت بيحصل قدام رجالة المرور أو "حرس القرية" الجدد

بيوت الصف الأول لازم تتهد كلها .. الحل الوحيد
ويتعوضوا زى ما يتعوضوا

أو كوبرى زى كوبرى قها الجديد ، دا برضه يحل كتير

المشاركة الأصلية كتبت بواسطة egyzizo

للأسف الموضوع زاد عن حده ، كل يوم فى اختناق مرورى دااااائم ، ومابيفكش غير فى نص الليل عند البلد دى (كفر الحصة) بسبب سلسلة من المطبات الصناعة المتتابعة وعيون القطط إلخ اللى تم تركيبها بعد الحادث وبتخللى العربيات المعدية لازم تاخدها على الأول ..

طب ياجماعة بذمتكم ده حل مطبات على طريق سريع!!!!
حسبي الله ونعم وكيل...

المشاركة الأصلية كتبت بواسطة dr ahmed abdelghany

حاجة تفرس
بس لحد إمتى؟
ونعمل إيه؟

خدت بالك من البقر اللى هناك وراكنين الترلات على يمين الطريق ، يعنى الطريق الضيق أصلا أهل البلد المحروسين بيركنوا ترلاتهم على السريع ، وا من زمان لكن دلوقت بيحصل قدام رجالة المرور أو "حرس القرية" الجدد

بيوت الصف الأول لازم تتهد كلها .. الحل الوحيد
ويتعوضوا زى ما يتعوضوا

أو كوبرى زى كوبرى قها الجديد ، دا برضه يحل كتير

بصراحة حاجة تقرف ... أنا كرهت السفر على الطريق ده من الخنقة اللى بقينا نشوفها ..

أكيد طبعاً كوبرى للسيارات هيبقى حل جذرى ..
أهو نخلص منهم ومن ترلاتهم ..