جودت الملط يطلع وفد صينى على تجربة مصر فى مكافحة الفساد

القاهرة - محرر مصراوي - أطلع المستشار جودت الملط رئيس الجهاز المركزى للمحاسبات الوفد الصينى برئاسة نائب رئيس جهاز المحاسبات الذى زار القاهرة مؤخرا على تجربة جهاز المحاسبات المصرى فى مكافحة الفساد والرقابة على ادارة الجودة .
وقال المستشار الملط فى تصريح له الأربعاء ان زيارة الوفد الصينى تأتى انطلاقا من ان جهاز المحاسبات المصرى يرأس مجموعة عمل مكافحة الفساد وغسل الاموال التابعة للمنظمة الدولية للاجهزة العليا للرقابة والمحاسبة (انتوصاى)التى تضم فى عضويتها الولايات المتحدة الامريكية وروسيا الاتحادية وبريطانيا والمانيا ودول عديدة من اوروبا واسيا وافريقيا ودول امريكا اللاتينية .
وأوضح ان رئاسة مجموعة العمل الدولية تعكس التقدير البالغ للدور الذى يلعبه جهاز المحاسبات المصرى محليا ودوليا اضافة الى التقدير البالغ لمكانة مصر الدولية .
المصدر : وكالة أنباء الشرق الأوسط ، مصراوي .






و سلمولى عليه

عمار يا مصر
طبعا الصين اكبر المستفيدين من التجربة المصرية

ركز يا هندسة

الكلام على الغسيل بصرف النظر عن نوع المسحوق / المدعوق و الذي منه

غسيل أموال ........ أتاريني مستغرب ليه الفلوس بتبوش !

الصين يا جماعة عندهم فساد أكتر من أى حتة فى العالم ودا أكبر دليل على عدم صلاحية النظام الإشتراكى الى بيحط مصلحة المجموع على الفرد كل الأنظمة الإشتراكية فاسدة أو فسدت بعد فترة و دا الى حصل فى مصر و الى صلحها بطل الحرب و السلام إبن بلدى السادات
ولو شوفتوا فيديوهات على اليوتيوب بتتكلم عن الصين هتحس إنهم بيسرقوا الفيديوا و ممكن تقرف تكمل أصلا

ههههههههههههههه حلوة

كده ابتدي اقلق علي الصين ...

هنبتدى كدب و على فكرة مع برسيل فى الغسيل ما فيش مستحيل:pointi~2[2]:

دة الشعار بتاعهم مع عدم وجود الجودة طبعا نضافة ريحة توفير

اصله معداش على مصر اصله معداش على مصر

كلام جميل و بكره يلموا كل الدول اللى فيها فساد و يعملوا امم فاسدة بدل امم متحدة و يعملوا مجلس تعاون الفاسدين و جامعة الدول الفاسدة و تبقى حاجة تفرح بجد ..يا سلام انا حاسس باثارة و فرح و نفسى اعيش لغاية لما اشوف اليوم ده

ههههههههههههههههههه

خبر يضحك اوي اوي

بس في تصحيح : ممكن يكونوا عايزين يعملوا منظمة لاكثر الدول فساد و الصين رشحت مصر تكون رئيسة المنظمة فجم عشان يعرفوا ان ترشيهم في محلة
و ان مصر مخيبتش ظنهم

يا جماعه الانجاز ده محصلش بالساهل

ده الراجل بقا ملط يعنى !!

احنا جامدين قوى ولا مؤاخذه

اقتباس:

---

المشاركة الأصلية كتبت بواسطة lancerevolution

الصين يا جماعة عندهم فساد أكتر من أى حتة فى العالم ودا أكبر دليل على عدم صلاحية النظام الإشتراكى الى بيحط مصلحة المجموع على الفرد كل الأنظمة الإشتراكية فاسدة أو فسدت بعد فترة و دا الى حصل فى مصر و الى صلحها بطل الحرب و السلام إبن بلدى السادات
ولو شوفتوا فيديوهات على اليوتيوب بتتكلم عن الصين هتحس إنهم بيسرقوا الفيديوا و ممكن تقرف تكمل أصلا

---

انا معرفش حاجه عن الصين فى جانب الفساد ده

بس ليا قريب شغال فى شركه بتصدر رخام للصين , وعلشان الطلبيات بتبقى كبيره فغالبا لازم يتم شحنها اسرع من الطرق الرسميه علشان توصل فى ميعادها

قالى هنا فى مصر بالفلوس بندخل الشحنه الميناء بدرى ونركبها المركب بدرى ونشيل نص الضرايب اللى عليها

فى الصين برده فى رشوه بس الهدف منها هناك ان الشحنه تدخل الميناء وتخلص اجراءات الجمرك بدرى بدرى , لكن بيقولى خلال 5 سنين بنحاول نشوف حد يشيلنا من فلوس الجمارك مقابل رشوه مفيش ابدا والحرامى اللى بيسرق علشان يمشى الحال بسرعه مستحيل يسرق من فلوس البلد وللما سألوه ليه قالهم الفلوس بتاعت الجمرك دى بترجعلى تانى بشكل غير مباشر وانا كدا بسرق من الناس اللى زى لكن لما انا باخد فلوس وادخل الشحنه اسرع من العادى ده اسمه تبادل منفعه بدون ما اعرض حد للأذى

يعنى حرامى بس قلبه على البلد برده

اقتباس:

---

المشاركة الأصلية كتبت بواسطة human12

جهاز المحاسبات المصرى يرأس مجموعة عمل مكافحة الفساد وغسل الاموال التابعة للمنظمة الدولية للاجهزة العليا للرقابة والمحاسبة (انتوصاى)التى تضم فى عضويتها الولايات المتحدة الامريكية وروسيا الاتحادية وبريطانيا والمانيا ودول عديدة من اوروبا واسيا وافريقيا ودول امريكا اللاتينية .

---

سلموا القط مفتاح الكرار

اقتباس:

---

المشاركة الأصلية كتبت بواسطة ahmed0nouh

انا معرفش حاجه عن الصين فى جانب الفساد ده

بس ليا قريب شغال فى شركه بتصدر رخام للصين , وعلشان الطلبيات بتبقى كبيره فغالبا لازم يتم شحنها اسرع من الطرق الرسميه علشان توصل فى ميعادها

قالى هنا فى مصر بالفلوس بندخل الشحنه الميناء بدرى ونركبها المركب بدرى ونشيل نص الضرايب اللى عليها

فى الصين برده فى رشوه بس الهدف منها هناك ان الشحنه تدخل الميناء وتخلص اجراءات الجمرك بدرى بدرى , لكن بيقولى خلال 5 سنين بنحاول نشوف حد يشيلنا من فلوس الجمارك مقابل رشوه مفيش ابدا والحرامى اللى بيسرق علشان يمشى الحال بسرعه مستحيل يسرق من فلوس البلد وللما سألوه ليه قالهم الفلوس بتاعت الجمرك دى بترجعلى تانى بشكل غير مباشر وانا كدا بسرق من الناس اللى زى لكن لما انا باخد فلوس وادخل الشحنه اسرع من العادى ده اسمه تبادل منفعه بدون ما اعرض حد للأذى

يعنى حرامى بس قلبه على البلد برده

---

يا ترى حعيش لما أشوف الحرامية بتوعنا عندهم ضمير ؟

أو نستورد حرامية من الصين ! :satelite:

اقتباس:

---

المشاركة الأصلية كتبت بواسطة col. Eng. Khaled

يا ترى حعيش لما أشوف الحرامية بتوعنا عندهم ضمير ؟

أو نستورد حرامية من الصين ! :satelite:

---

هي جات على الحرامية يعني
نستوردهم طبعا

اقتباس:

---

المشاركة الأصلية كتبت بواسطة human12

و سلمولى عليه

---

على مين بالظبط عشان السلام يوصل لصحابه.