الموضوع: ما هي عيوب الأوبترا حتي الآن في نظر مالكيها ؟؟؟؟؟؟؟

لآ مش قياسا ولا حاجة الصاج فعلا ورق اسند بايدك براحة كده على العربية هتلاقيها اتطبقت منك علشان كده العربية مش معمرة يعنى بعد سنة سنتين هتلاقيها وقعت منك

مش للدرجة دى لأن بمنتهى البساطة اللانوس و النوبيرا - و بلاش نقول ماركات تانية - صاجهم خفيف زى صاج الأوبترا و شغالين زى الفل بقالهم سنين

طبعا انا كان نفسى يكون صاجها أجمد (ساعتها كان هتبقى أحسن عربية بلا منازع) بس لازم نفتكر أيضا إحنا دافعين فيها كام

بالمناسبة أنا قابلت فى التوكيل بالمصادفة أول واحد عمل صيانة الخمسة آلاف فى توكيل منصور ك 28 جاب العربية من سنتين و عامل بيها 80 ألف و ساكن فى العجمى فى إسكندرية(يعنى طرق زبالة طحن) و العربية معاه زى الفل ;) ربنا يبارك له فيها
إذا الموضوع ده يرجع بشكل مباشر إلى الإستعمال.

المشاركة الأصلية كتبت بواسطة hoko_mosha

عيبها هو ان صاجها خفيف و العغشة ناشفة شويه

المشاركة الأصلية كتبت بواسطة محمود

عيبها ان مافهاش ايرباج ولا سى دى

و مافهاش فرامل EBS

أنا الصاج عندى بيتبق لوحده من غير حد مايلمزه

العفشه مش عجبانى بعد 2500 ك قياده.

مش معقولة يا جماعة ان الصاج يبقي ضعيف بالشكل اللي حضراتكو بتفولوه دا
يعني كدا العربية لو طفل صغير خبطها ولا لعب او قعد علي الكبوت بتاعها اطلع بيها علي السمكري مباشرة
هو اكيد الصاج خفيف لان كل الناس اجمعت علي كدا بس هل هو للدرجة دي دا فيه ناس بتفول انه بيطبق من غير ما حد يلمسة ؟؟؟؟؟؟؟؟؟؟؟؟؟؟؟؟؟؟؟؟؟؟
يا ريت كلامنا بكون موضوعي مش لمجرد ايجاد عيوب و بس عشان ما نظلمش العربية و مش عايزين ننسي ان العربية سعرها 87 الف جنية مش 140 ولا 150 الف جنية
انا بفكر ااشتري العربية و عارف ان اي عربية بالسعر دا لازم هيكون فيها عيوب و إلا هتبقي اغلي من كدة بكتير
لو مثلا صاج العربية زي ما قال احد الإخوة انه زي صاج النوبيرا فيبقي مقبول خاصة وان النوبيرا مالية البلد و شغالة زي الفل يعني العربية ما فيهاش عيوب كبيرة تأثر عليها و علي ادائها بمرور الوقت
يا ريت تقولولي ايه رايكم في كلامي انا بفكر صح ولا غلطان

المشاركة الأصلية كتبت بواسطة محمود

كل العربيات صاجها ضعيف مش دى بس وذلك لتخفيف وزن العربية وبالتالى تقليل الفاقد من البنزين

المشكلة مش فى الصاج المشكلة هو الدهان سريع التقشير والزوال مش عارف ليه ؟

فعلا يا دكتور محمود كل العربيات حاليا صاجها ضعيف و مش بيتحمل خصوصا في القاهرة مع الزحمة الشديدة في السير و في الركن
اما بالنسبة لي فانا من الصعيد من قنا و حضرتك اكيد عارف ان احنا في الصعيد عايشين في نعيم بالنسبة للزحمة اللي في القاهرة لذلك ما فيش خوف من حكاية الخبطات و الإحتكاكات مع السيارات الاخري الي جنبك بالشارع
بصراحة يا جماعة انا شايف ان العربية دي بتنتشر بسرعة وكل الناس بتشكر فيها عندنا و موضوع الصاج دا حتي لو هو زي ما بنسمع انه ضعيف مقارنة بماركات اخري فدا طبيعي ولا سعرها كان هيبقي زي الماركات الاخري دي اللي في نفس فئتها زي الإلنترا و اللانسر و الكورولا
العربية اللي انا بعرفة ان تصنيع كوري مش مصري و المصنع دا هو اللي كان بينتج الدايو و ناس متير بتقول ان الأوبترا اصلا موديل من دايو و جنرال موتور عدلت علية شوية و نزلته باسمها شيفورلية يعني الكلام دا بيقول ان صاج الأوبترا صو صاج الدايو نوبيرا ولانوس و غيرها يعني مش غريب علينا دا بالعكس بيجري في كل انحاء مصر و اصبحت العربية الشعبية الولي في مصر
انا شايف ان دي مشكلة ممكن نحلها باننا نعامل العربية بحرص زيادة و نغطيها بغطاء كويس و سميك عند الركن عشان ما تتجرحش من اللي بيمشوا جنبها
بس اللي انا خايف منه دلوقتي موضوع الإشاعة بتاعت تخفيض الجمارك دي و اللي مممكن تكون علي اول السنة الجديدة 2008 و طبعا لو حصل يبقي العربيات هتنزل قيمتها شوية عن الاسعار الحالية فمش عارف انتظر الشهرين دول ولا اشنري و اخلص و ربنا يستر
بصراحة الجو دلوقتي مش واضح و الحكومة دايما بتعمل غير اللي بتقولة يعني تسمع مسؤوول يقول ما فيش زيادات ولا حاجة تاني يوم تلاقي الأسعار زادت 50%

ايه رايكم في كلامي انا صح ولا غلطان