ترتيب ربط مسامير غطاء التكهيات

**ahmedfra** · 02-12-2009 06:41 PM

اخوانى الأعزاء انا قررت اغير جوان غطاء التكهيات بنفسى و كذلك اويل سيل البوبينة عشان جيبين زيت . و انا كنت قرأت معلومة فى المنتدى ان مسامير غطاء التكهيات ليها ترتيب فى الربط . انا نسيته و نسيت مكان التوبيك فياريت الى يعرف الترتيب يكتبه أو يكتب توبيك الموضوع لو فاكره . طلب كمان لو حبيت احط شوية سليكون بيكون على الأويل سيل و الجوان و بعدين اركب و لا بحط السليكون تحت الجوان الأول و بعدين الجوان و نفس الكلام لأويل سيل البوبينة . و شكرا

**فادى محمد** · 02-12-2009 07:04 PM

بص يا باشا . انا معرفش ترتيب المسامير وهستني معاك رد اخوانا . انما بالنسبه للاولسيه فلازم يكون مقاسه مضبوط علشان لو كان اقل شويه الاولسيه هيلف مع الشاكوش ولو كان شاحط قوي هيبوظ ويخرج زيت . انما لو عاوز تحط السليكون كده وقايه حطه تحت الاولسيه بس بعد ماتنظف تحته بالبنزين كويس والسليكون يكون حراري . انا كنت عامل موضوع في الاوبل بعنوان تغيير اويل سيل الاسبراتير .هتلاقيه فوق في المواضيع الهامه بالقسم . يشرفني مرورك الكريم به .

**ahmedfra** · 03-12-2009 02:56 PM

ايه الأخبار يا جماعة الموضوع اندفن لغاية الصفحة الثالثة و لسة مافيش رد من المستشار ممدوح و المهندس سمير

**samirayad** · 03-12-2009 03:09 PM

المفروض يا أبو حميد
يكون فعلا فيه ترتيب رباط
لل8 مسامير دول
بس فعلا مفيش بيان قابلنى لترتيب رباطهم
بس عموما
أنت ممكن تربط الأربعه اللى فى الوسط نظام صليبه أو مقص بدون تحريق
وحول على الأربعه بتوع الأطراف بنفس طريقة الصليبه
وأرجع حرق بنفس الخطوتين اللى فاتت
وبكده مش حيكون فيه أى مشاكل أن شاء الله

ده مجرد أجتهاد فى أيجاد رد مناسب على أستفسارك
وأحتمال أبو يوسف يكون حاطط أيده على الطريقه الصح من كتالوج أو حاجه