الموضوع: الفرق بين درجات فرز حبارات الطابعة ؟؟ أرجو المساعدة ,,,

عندى فى الشغل ادارة المشتريات جابت 20 حبارة لطابعات hp5000,hp2015 بـ 250 و 600 جنيه فرز اول وبصراحة انا مقلق ومش عايز افحص واستلم للاسباب الاتية :
1 . العلامة المائية اللى على العلبة عبارة عن ورقة بلونين ابيض واخضر وشكلها عادى جداً ولا بتلمع او ينعكس عنها الضوء .(شكل العلامة المائية المفروض يبقى عامل ازاى ؟) .
2 . السيريال اللى على العلبة من ورا بيبقى محفور عليه هو والتاريخ اللى لقيته سيريال مكتوب عادى مش محفور او بارز ولا يوجد تاريخ .(شكل السيريال ايه والتاريخ وهل لو من 2008 وبقالها سنة تبقى مشكلة ممكن تواجهنا فى أداء الحبارة ؟ ) .
3 . سعر الشراء كان 250 للـ hp2015 و 600 للـ hp5000 بس كنا اشترينا زيهم قبل كده بـ 380 , 800 جنيه فرز اول ففى فرق جامد فى السعر على الرغم من ان المورد كاتب انهم فرز اول (السعر معقول ولا غريب ولا انضحك علينا قبل كده ؟) .
ارجو المساعدة من الاعضاء الاعزاء ولكم منى جزيل الشكر ,,

المشاركة الأصلية كتبت بواسطة sherif anton

مستحيل تقدر تعرف الفرق بين الفرز الأول (الأصلي) و المضروب وده بأعتراف تاجر احبار في مول البستان اللي في باب اللوق ... قال لي بالحرف الواحد انه الوحيد اللي يعرف دي اصلي ولا لأ هو التاجر اللي بايعها لك ... وبالذات ال hp

أشكرك على الرد بس هل معنى كده ان الواحد يضحك عليه ويسكت انا محتاج اعرف انا محتار وشكراً ’’