الله ينور عليك ده اللى كنت بقوله لياقوت
ان الراوتر اساسا مبيشوفش اسماء الكمبيوتر المتوصله عليه , هو بيقرا بالماك وال ip
عرض للطباعة
حضرتك دلوقتى فى جهازين غير الجهاز الرئيسى بتاعى
جهاز منهم انا لسة منزلاله ويندوز ومتظبط ده بيعمل ريستارت للروتر لما يشتغل بس ريستارت ويشتغل تانى
الجهاز التالت هو اللى بيعمل ريستارت ويفصل النت خالص
ده غيرتله الار جى اشتغل وبقا تمام وبعد كام يوم رجع تانى يفصل النت
بكده تتبقى آخر حاجة هنفك السلك بتاع الكمبيوتر اللى بيخلى النت يفصل ونوصله على جهاز الكمبيوتر اللى شغال ، لو النت فضل شغال تمام يبقى العيب من الجهاز والسلك سليم ، لو النت فصل يبقى العيب كان من السلك . حل آخر ::: وده أنا أفضله :::: نفك السلك اللى شغال من الكمبيوتر الأولانى اللى هو شغال نت كويس ، وبعدين نركبه فى الكمبيوتر التانى اللى بيخلى النت يفصل ، لو النت فصل يبقى العيب من الكمبيوتر التانى ، ولو النت بقى شغال فى الكمبيوتر التانى يبقى العيب من السلك بتاعه .. بس كده
حضرتك هتعملى حل بسيط جداً هيوفر عليكى الوقت ده كله هتاخدى السلك اللى شغال فى الجهاز الرئيسى وتوصيله فى الجهاز التانى وتشوفى كده الرواتر هيرستر تانى ولا لأ نفس الموضوع فى الجهاز الثالث هتوصليه فى السلك السليم اللى شغال فى الجهاز الأولى اللى هو الرئيسى وتشوفى كده الراوتر هيرستر تانى ولا لأ بكده لو الراوتر رستر يبقى العيب والمشكلة فى كروت الشبكة بتاعة الأجهزة دى طيب لو الراوتر فضل شغال تمام تبقى المشكلة فى كابلات الاجهزة التانية اللى هى الجهاز رقم 2 والجهاز رقم 3
ويفضل تجربة نوع راوتر آخر ، ماركة أخرى وياريت حد متخصص يساعدك فى تجربة الكابلات والأجهزة وأنظمة التشغيل لإنه ممكن اللف ده كله ييجى فى حاجة صغيرة إحنا مش واخدين بالنا منها ويسلمك الأجهزة كلها شغالة 100% وكل حاجة تبقى شغالة تمام
هجرب واشوف واوافيكم بالانباء
يا احمد انا معلش غصب عني غلط
انا اقصد الكمبيوتر نيم فعلا غلط وقلت يوزر نيم
دلوقت كل نسخة ويندوز وليها رقم لما يكون الرقم ده واحد مع نفس الكمبيوتر نيم هيعمل المشكله الي قلت عليها فوق
لان ده هيديك نفس الاي بي
موضوع بقي ان الويندوز هيا الي هتعترض بدون ما الراوتر يعمل ريستارت دي علي حسب الراوتر
في راوترات ممكن بتعدي حكاية الاي بي دي بدون ما يكون في مشكله والويندوز تديك الرساله بتاعة الدبليكيت وشكرا
وراوترات تاني بتفصل وبتقف وده بيبقي علي حسب السيستم الي علي الراوتر نفسه
دلوقت يا بسكوته خلينا في مشكله مشكله وخلينا نحل حاجه حاجه علشان التشتت بس ممكن؟؟؟
خلينا نشوف الخط سليم ولالا في الاول
تاني حاجه نشوف الراوتر سليم ولالا
وبعدين نشوف الاجهزه
الاول موضوع الخط
افصلي كل الاجهز وخلي جهاز واحد شغال واختبري سرعة النت علي مدار اليوم صبح وليل وفجر
واحكيلي الي حصل
وخطوه خطوه نعرف العيب فين بدل ما كل واحد بيغني علي ليلاه كده وكل واحد طالع باقتراح وممكن الدنيا تكون كلها سليمه ويطلع العيب في ار جي في الاخر
A.Yakout
ماهو انا اول مرة غيرت الار جى واشتغل
دلوقتى رجع تتانى
هو انا كل يومين هغير ار جى؟؟؟؟؟؟؟
انا مشكلتى الاهم ان الجهاز التالت اللى بيفصل النت ده يشتغل
الريستارت مقدور عليه نستحمله يعنى مؤقتا
اخدت الجهاز التالت صاحبة مشكلة فصل النت خالص ونزلتله ويندوز
وبعد كده وصلت مكان جهازى الرئيسى وكان هو الجهاز الوحيد المتصل بالراوتر
اول ما وصلته الراوتر فصل النت وفضلت اللمبة تنور وتطفى
كده العيب فى الجهاز نفسه؟؟؟؟؟؟؟؟؟؟؟
طيب ممكن تعملي تيست كدة و تقوللنا الوضع اخبارو ايه
تفتحي Run و تكتبي
ping 192.168.1.1 -t ده لو الgateway اللي هوة ال ip address بتاع الراوتر هو 192.168.1.1 و ده هيبقى في الغالب كدة و تققلنا الرقم بتاع الtime كام علشان نشوف الوصلة بين الجهاز بتاع حضرتك و الراوتر اخبارها ايه و نعمل التيست ده على الجهازين التانيين
حوالي تغيري مكان الروتر ( وضعه على فيشة مستقله بعيده عن الفيشه المشترك فيها الكمبيوتر والشاشه والسماعات)
أنا ناقشت مشكلة حضرتك مع زميلى فى الشغل هو شغال تركيب الشبكات من فترة كبيرة ووضحلى حاجة مهمة فى الراوترات وهى إن بعض الأنواع فيها مشكلة فى تشغيل عدة أجهزة من نفس الراوتر من المنافذ الموجودة فيه والمشكلة دى كانت بتقابله وكان بيتغلب عليها بتركيب سويتش
علشان كده جهاز حضرتك اشتغل فى السايبر لإنه كان متوصل على السويتش بتاع السايبر
لما يرجع يتوصل على الراوتر هيعمل نفس المشكلة
هاتى متخصص فى الشبكات ويجيب معاه سويتش وراوتر من نوع آخر يجرب بيه علشان تعرفى تحلى المشكلة دى
وياريت يعمل تأريج للكابلات بالمرة
وياريت موافاتى بالأخبار
رحت امبارح اغير الراوتر عشان قولت يمكن العيب فيه
لكن فى مركز الكمبيوتر شغلوا الراوتر على 3 اجهزة فى نفس الوقت
لا الراوتر عمل ريستارت ولا النت فصل
و3 اجهزة اشتغلوا زى الفل
لكنى برده اصريت على تغيير الراوتر والسادة اصحاب المركز تفضلوا شاكرين بالموافقة على تغيير الراوتر لكن براوتر اخر من نفس النوع ورفضوا تغيير النوع
لسة هجرب بقا
انا جربت الجهاز رقم 2 ولازال بيعمل ريستارت حتى بعد تغيير الراوتر فى حين انه معملش ريستارت فى مركز الكمبيوتر اللى اشتريته منه
وهناك قالوا انه احتمال يكون عيب كهربا وهحتاج استبليزر..مش اسمه كده صح
لسة مجربتش الجهاز رقم 3
اسمه اسبليتر
بس مش معقوله يكون الاسبليتر السبب في ان الراوتر يرستر اول ما يتوصل بيه جهاز معين
بس برضه ارجع واقول ممكن يكون اسبليتر لانك قلتي ان في وشه في التليفون
اصراحه مشكلتك غريبه
بس طبعا الوضع بيختلف لما يكون واحد قدام المشكله و ايده فيها
يقلب ويعدل براحته ومعاه عدته ويشغل دماغه شويه
وانا واثق لو حد بيفهم مش هياخد الموضوع في ايه دقايق ويكون وصل للمشكله
A.Yakout
الاستابليزر ده وظيفته انو يتوصل عليه الكهرباء اللي جاية من الحيطة و بيبقى فيه فيشة كدة تدخل فيه الاجهزة بتاعتك علشان لو جه تيار زايد الاستابليزر هو اللي ياخدها و يعدل التيار للتيار المظبوط و بقى دلوقتي بكلام فاضي
معلش فهمت غلط
اوك مفيش مشاكل
طيب استني دلوقت انتي اكيد عندك تلاجه في الشقه وعندك تليفزيون 29 بوصه او اكتر
مش هقول تكييف لان التكيفات في معظم البيوت بياخدو ليها سلك كهربا من العداد نفسه
دلوقت التلاجه بتفصل وتشتغل تمام؟؟
لما تيحي تشتغل مش بتلاحظي ان اقرب لمبه ليها نورها ضعف ورجع قوي تاني؟؟
ولو تليفزيون افصليه خالص وافتحي اللمبات الي في الاوضه كلها مثلا او في الريسبشن ووصلي التليفزيون ولاحظي اختلاف الاضاءه
ده اختبار بسيط علشان تعرفي فعلا محتاجه استبليزر ولالا
A.Yakout
انا طول ما جهازى شغال لوحده الروتر مش بيعمل ريستارت
الريستارت مش بيحصل الا فى حالة توصيل جهاز كمبيوتر تانى
رايحى دماغك واشتغلى دايل اب:hlopaet_prv:
معلش حضرتك قوليلي ايه الحاجات اللي عملتيها وباذن الله هساعدك في حل المشكلة
لو معندكيش مانع ابعتيلي الرقم اللي عليه الخدمة في رسالة خاصة
حضرتك انا غيرت الراوتر وغيرت الارجيهات
ونزلت ويندوز جديد
لو تي اي داتا عملوا لحضرتك تست على الخط وقالولك ان الخط جودته ضعيفة يبقى ملهاش حل غير انك زي ما قال أحد الأخوة اللي معانا هنا ان حضرتك تسالي في المنطقة عن عامل التليفونات اللي بييجي يصلح التليفون وبعدين تخليه ---بشكل ودي عشان هو مادام في حرارة هيقولك مليش دعوة --- ييجي يغيرلك سلك التليفون من البوكس لحد مدخل التليفون للشقة وعند المدخل ده حضرتك هتحطي السلبيتر وتوصلي من السبليتر للراوتر وللتليفونات اللي في الشقة وتكلمي تي اي داتا وهو الفني عندك وقوليلهم الخط دلوقتي الكواليتي بتاعته عاملة ايه
على فكرة انا معاكو مش مع الناس التانيين
انا من ااقل من شهر كانت نفس المشكله معايا واتبهدلت اخر بهدله لانى بحتاج الانترنت فى وقت شغلى والسرعه مهمه جدا بالنسبه لى فجاءه كده لقيت السرعه تكاد تكون معدومه وعشان افتح صفحه ممكن اقعد ربع ساعه غير انه النت بيقطع كل خمس دقايق واعمل مليون ريستارت للراوتر ولا فيه فايده ميرجعش تانى غير لما اكون اتخنقت اتصلت بالدعم بتاع تى داتا وشرحت المشكله كان الرد كالاتى :حضرتك فيه مشكله فى السنترال اللى خط التليفون بتاعك تابع له والشركه بتشوف المشكله وهتتصلح فى خلال 3 اسابيع وشكرا لاتصال حضرتك وقفل المكالمه قلت خلاص هصبر طالما مشكله سنترال على حسب كلام فنى الدعمبعد يومين المكشله زادت عن حدها ومش عارفه اشتغل ودمى محروق رفعت السماعه واتصلت بالدعم واتكلمت بعصبيه على سوء الخدمه وطالما الخدمه سيئه كده بتحصلوا الاشتراكات من الناس ليه وحوار مع الفنى قالى افصلى اى سبليتر او خط تليفون وووصلى الراوتر دايركت على الخط اللى واصل من كابينه التلفون وتابعيه نص ساعه لو قطع او السرعه فيها شئ يبقى مشكله خط لو مفيش اى مشاكل يبقى مشكله داخليه ونحلها سواكلمينى بعد نص ساعه انا لا وصلت حاجه ولا ركبت حاجه واتصلت بيهم وقلت لهم اللى بيحصل بمنتهى بساطه نفس المشكله وكانى عملت اللى قالى عليه من نص ساعه سالنى وقالى تابعى معايا لمبه النت بتنور ولا مطفيه قلت له بتعمل فلاشنج عمل شى من عنده قالى طب والان قلت له شغاله قالى اى استفسار تانى المشكله اتحلت يعنى العيب من عندهم 99% وبشويه زعيق اتصلحت والنت شغال ميه ميه من يومها