مشكلة فى adsl

**Ahmed Selim** · 02-12-2009 09:17 PM

المشاركة الأصلية كتبت بواسطة bee

انا مش عارف حضرتك كان النت عندك كويس وبقى كده ولا هو كده من اول ما ركبتيث النت ..

عموماً أنصحك تراجعي على ال splitter ..
او تستلفي راوتر من حد معرفة تجربيه لان الراوتر ممكن يكون بيهنج .. (هو نوعه إيه؟؟)

ف انتظار ردك..

+111111111111

**ehab_mansour** · 02-12-2009 09:17 PM

ممكن تعملي اختبار لسرعة النت عندك بالموقع ده وتقولي النتايج ايه
Speakeasy Speed Test

دي صورة النتايج عندي علي خط واحد ميجا تي داتا ومشترك وايرلس كمان

**Samah AbdAllah** · 02-12-2009 09:42 PM

المشاركة الأصلية كتبت بواسطة bee

انا مش عارف حضرتك كان النت عندك كويس وبقى كده ولا هو كده من اول ما ركبتيث النت ..

عموماً أنصحك تراجعي على ال splitter ..
او تستلفي راوتر من حد معرفة تجربيه لان الراوتر ممكن يكون بيهنج .. (هو نوعه إيه؟؟)

ف انتظار ردك..

اولا الف حمدالله على سلامتك bee منور نايل موتورز

ايه الاختفاء ده كله
بالنسبة للنت بقا

انا لسة مركباه قبل العيد باسبوع او 10 ايام
من اول ما ركبته وهو كده
غيرت السبليتر اكتر من مرة والمشكلة مش فيه
هم مصرين ان المشكلة فى سؤ مفاءة خط التليفون
الروتر نوعه ميكرونت مكان ما اشتريته قالولى ده نوع كويس جدا ومحدش بيشتكى منه

**Samah AbdAllah** · 02-12-2009 09:47 PM

المشاركة الأصلية كتبت بواسطة ahmed a.maksoud

معلش سؤال كمان جربتى توصلى الجهاز اللى بيفصل النت لما يوصل ده...بس لوحده ؟؟؟؟

لو مجربتيش جربى و قوليلنا أيه اللى حصل.

احمد بيك عبد المقصود منور الموضوع اللى زهقنى وكرهنى فى النت كله

انت مش معانا يوم الجمعة ولا ايه؟؟؟؟؟؟؟؟؟؟؟

الجهاز ده انا غيرتله الار جى بتاع كابل النت اللى بيوصله اشتغل وما بقاش يفصل
رجع تانى من امبارح يفصل النت لما بوصله

لما بوصله لوحده برده النت مش بيشتغل خالص

**Samah AbdAllah** · 02-12-2009 09:49 PM

المشاركة الأصلية كتبت بواسطة ehab_mansour

حضرتك عندك اي صوت وش او تقطيع عند رفع سماعة التليفون اللي عليه خط النت ؟
ولما بتتكلمي مع حد فيه بتسمعي الصوت بوضوح ولا برضه فيه صوت وش وخرفشة كده ؟

ثانيا نوع الراوتر المستخدم ايه ؟ لأنه ممكن يكون نوع رديء وفيه بعض انواع الراوتر فيها مشاكل كتيييييييييير ومضروبة

لا التليفون شغال كويس جدا ومفيش فيه اى تقطيع او وش

الروتر نوعه ميكرو نت

عملت الاختبار
وكل اختيار بيطلع نتيجة مختلفة
بس عموما ما زادت على 104/302

**nabaster** · 03-12-2009 02:11 AM

المشاركة الأصلية كتبت بواسطة Ahmed0Nouh

بناء على السببين دول اعتقد بشكل كبير ان العيب فى الراوتر نفسه

مفيش سبب يخلى الروتر يعمل ريستارت بعد توصيل جهاز عليه او يفصل من جهاز معين

جربى راوتر تانى

باشا اكيد في سبب وسبب مقنع كمان

لما يكونو جهازين نازل عليهم نفس نسخة الويندوز ونفس اسم اليوزر اول ما يتوصل الجهازين الراوتر يحصله شبه شلل ويفضل يعمل ريستارت لانه مش عارف يقرا اي سجنال من الجهازين

دلوقت يا بسكوته انتي بتقولي الخط شغال بس يمكن فيه حتة بطء

عايزك بقي تجاوبيني علي كام سؤال

جربي تشغلي الخط بعد اساعه 2 باليل وقوليلي النتيجه واخبار السرعه

تاني سؤال بينك وبين الراوتر كام متر سلك؟؟

وهل لما ارجتي الاسلاك عملتي تيست بالتيستر ؟؟؟ يعني بمعني اخر (التمن فرادي بتوع السلك متوصلين صح)؟؟

دلوقت انا في شيء واحد مش فاهمه

الراوتر ممكن يعمل ريستارت وقلت علي السبب وهقلكم قصه بعدين حصلت معايا

بس ايه الي يخلي الكمبيوتر نفسه يرستر؟؟؟

بصي يا بسكوته ريحي دماغك خالص ونزلي نسخه جديده علي الجهاز ده بس تكون غير الي علي جهازك الاساسي

وغيري اليوزر نيم

انا حصلت معايا المشكله دي بس حصلت بقي معايا في الجامعه كنت بساعد واحد صاحبي ماسك شبكة الجامعه هنا

الشبكه كان فيها 34 جهاز

متقسمين تلات مجموعات

المجموعه الاولي والتالته شغالين فل تيجي توصل التانيه الـ 34 جهاز يفصلو نت كلهم والهب يحلف مية يمين ما هو ناطق

تخيل لما تقعد تلات ايام كل يوم 8 ساعات تدور علي العيب وتارج اسلاك من جديد

انا وصلت بيا في اخر يوم اني قعدت علي الارض في وسط الاجهزه وحطيت ايدي علي خدي ومعرفتش اتصرف

بالصدفه اكتشفنا الموضوع ده لما بدأنا نفصل جهاز جهاز ونشغل الشبكه لغاية لما لاقينا الجهاز سبب المشكله

وفعلا كان عليه اسم يوزر مكرر

بمجرد من نزل عليه نسخه تاني مع تغيير اسم اليوزر الدنيا كلها اشتغلت تمام

جربي كده يا بسكوته وقوليلي الاخبار

وعلي فكره انا الي مطمني ان النت عندك شغال بس بطيء شويه وده يمكن لان السيرفر بتاعكم عليه تحميل وده عادي علشان كده قلتلك جربي بعد 2 باليل

مستني رد اي حد محتاج اي استفسار

A.Yakout

**nabaster** · 03-12-2009 02:31 AM

المشاركة الأصلية كتبت بواسطة Ahmed A.Maksoud

ممكن جداً يكون مشكلة خط من السنترال و ممكن يكون الكابل اللى عندك فى أى جزء من أجزاءه معدى قريب من أسلاك كهرباء.

كلمى السنترال قوليلهم عاوزة تقيسى كفاءة الخط.....و الأحسن أنك تسألى البوابين اللى فى المنطقة عندك عادة بيكونو عارفين مين اللى بيجى من السنترال فى المشاكل و تعرفى أسمه منهم و تروحيله السنترال و 20 جنيه هتمشى الموضوع.

احمد بيه

كل سنه وانتا طيب يا رايس

علي فكره يا باشا انا عندي الخط بتاعي ممشيه في الحيطه جمب اسلاك كهربا بتاعة السخان والتكييف يعني لو في تاثير كان المفروض النت ميشتغلش عندي اصلا

وعمري ما قابلتني مشكلة ان الخط ممكن ميشتغلش بسبب الحوار ده

بس في حاجه فعلا بتحصل عندي

هوا الراوتر بيفصل بس مش بالمعني الحرفي يعني طلعلي البالون بتاع local area not conected وفي نفس الوقت تلاقي البالون ده اختفي وجه التاني بتاع الكونكتد

بس بيحصل امتي بقي؟؟؟

بجد هتستغرب لما تعرف ان لما يرن جرس الباب ده يحصل

بس انا دورت علي سبب المشكله ولاقيت ان الادابتر بتاع الراوتر واصل طبعا علي فيشه الحيطه العاديه تمام؟؟

جرس الباب واخد الباور من الفيشه دي فلما يشتغل الجرس يسحب كهربا تاثر علي الراوتر بس مش بيفصل ولا يرستر هوا بس بيعمل زي ما قلتلك كده

بس كده :)

A.Yakout

**nabaster** · 03-12-2009 02:37 AM

المشاركة الأصلية كتبت بواسطة shery103

انا كان عندى مشكلة بطء النت دى مع انى 1 ميجا لوحدى

الحل :

اولا نشوف موضوع الراوتر و نجرب راوتر تانى عشان موضوع الجهاز الغريب ده

ان لم يفد ، هتعملى الاتى ، هتكلمى السنترال او تنزليلهم بنفسك و تقولى ان التليفون صوته مشوش ، متجيبيش سيرة النت خاااالص فى الموضوع ، هيبعتو فنى يشوف السلوك عشان فى حاجة اسمها open high ، المشكلة دى بتحصل لما بيبقى فى حتة من السلك فى الهوا مش معزولة ، فالنحاس بيصدى و بيدى مقاومة عالية و ده بيأثر على النت انما التليفون بيشتغل بتشويش ، و خديها كقاعدة عامة ، لو عايزة حد من السنترال يجيلك متجيبيش سيرة النت اصلا ، لانك لو قلتيلهم المشكلة فى النت هيحدفوكى للشركة ، تقوم الشركة حادفاكى للسنترال و محدش هيقول ان العيب من عنده ، انا مريت بالمأساة دى و عارفة . و ربنا معاكى

كلام كويس وصح

A.Yakout

-

-

الموضوع: مشكلة فى adsl

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فودافون adsl

مشكلة ...... للناس اللي عندها فكرة عن مشاكل الراوترات و adsl

tedata ADSL

حد جرب فودافون adsl?

حد جرب vodafone ADSL قبل كده؟؟؟

الكلمات الدلالية لهذا الموضوع

المفضلات

المفضلات

ضوابط المشاركة