ده مش سؤال واح ده أسئلة وقلقان شوية
عندي سؤال
عملت صيانة الــ ٥٠٠٠ لعربيتي نيو أكسنت أوتوماتيك وبالمرة كان في تصليحات خفيفة من خبطتين قدام غيرت أكصطدام وفانوس خلفي شمال
مع أنه كان في حاجات ينفع ماتتغيرش بس حسوكة بقة:majd(4): وكان نفسي أركب فوج لايت زقلي رقم كبير قوي مع العلم لو عايز اركبهم بره الموضوع مش هيكلف كل ده.
المهم وأسف على التطويل روحت أخد العربية أه أنا عملتها في مركز أسمه چيمكو في أخر جسر السويس عند سوق القنال وناس محترمين جداً وهم تبع التوكيل
وشفت العربية وهي بتتغسل عروسة وكنت مبسوط قوي وأخدتها لقيت العربية وأنا ماشي الدريكسيون معوج يمين مع إني قايلة يظبط زوايا وترصيص
وده بره صيانة ال ٥٠٠٠ مش عارف لية أمال هو الصيانة في ال٥ عبارة عن آيه، روحتله فعدلي الطارة والدنيا زي الفل وكانت العربية مختلفة مفيش تنطيط والعفشة كانت ناعمة أفضل من الأول وهب وبعد أسبوع كده لقيت التنطيط وكمان في عومة كده غريبة شوية رجع تاني واكتر شوية :T_thum1[1]: فأنا مش عارف أعمل آيه.
ملحوظة قبل صيانة ال٥ ماكنتش بعرف أجيب أكتر من ١٠٠ كنت بخاف العربية كانت بتتنطط قوي ومخيفة لكن دلوقتي أقدر أجيب ١٤٠ وأنا مرتاح
أنا طبعا مش بجيب ١٤٠ وامشي بيها لمدة كبيرة ده لما الدنيا بتسمح بكده بحرص يعني. التنطيط والعومة ديه علي الهادي مش السريع.
هل الموضوع لازم أروح أبو رواش؟ :rfds:
أسف جداً على الاطالة ديه بس كان نفسي أحكي الموضوع عشان الناس تفهمني وشكراً علي الردود مقدماً