كفيت ووفيت
عرض للطباعة
مغلش ياشباب اللي يخليني اروح اجيب تويوتا ب 200 الف متنيوال 1600 طيب ماجيب ال bmw 316 مانيوال بردوا و ب 220 واكيد احلى شكلا واجمد
ده كلام سليم
ولكن في النهاية ده كلام
وقت ما هتبقى الفلوس معاك وانت عارف امكانياتك هتلاقي الدنيا بتتغير معاك تماما
انت تعرف فرق اسعار الصيانات مثلا
حاجات كتير هتاخدها في الأعتبار وقت اتخاذ قرار الشراء وليس وقت ما نكتب انا وانت كلامنا على صفحات المنتدى
طيب ما كل الناس عاوزه تركب مرسيدس اخر موديل وبي ام
بس هل لو معاك فلوسها دلوقتي هتنزل تشتريها طيب وبعدين
هتصرف عليها منين
في حاجات محدش بيحسها او بيقدرها الا اللي في الموقف الآن
وبعدين العربيه موصلتش الى 200 الف
احنا بنقول 187 الف
يعني فيه فرق 33 الف جنيه
ده غير مصاريف التشغيل والصيانات
انا فعلا فكرت استنى شوية واجيب بي ام
عن نفسي انا محافظ جدا
ولكن اللي هيخبطلي العربية مش هيحافظ عليها خخخخخخخ
تخيل بقة فانوس يطير
ولا حتى تيل الفرامل اللي غصب عنك هتغيره
اي نعم بي ام دبليو
بس مش لازمالي
والافنسيس نفس الكلام
هسأل الاول على فروق الاسعار مع الكورولا في الحاجات اللي لازم تتغير علطول
الفلاتر تيل الفرامل الكاوتشات وغيره
وخصوصا ان كورولا mmt مش انقطعت عن السوق يعني عامل اعادة البيع بسعر جيد موجود
(بس على المدى الطويل)
والكورولا بعد الضمان كل ميكانيكية البلد عارفين ليها
اما الافنسيس فحدث ولا حرج
صح ولا لأ؟
حدث ولا حرج على ايه مش فاهم ؟؟؟
ياجماعه المساله مساله اذواق انما سعر صيانه البي ام عالي اخ بس كل قد ايه بتغير قطعه غيار طبعا وفي الاخر كله يركب اللي يقدر عليه ويريحوا ماديا
بص يا باشا
انا عمري ما شفت الافنسيس عندنا في الزقازيق غير مرات بعدد صوابع ايدي
يبقى الميكانيكية بقىىىىى
اما الكورولا مرطرطة عندنا زي الرز منين تمشي تلاقي كورولا
ولما يبقى مثلا قزاز الكورولا الجديدة بحوالي 1200 جنيه
الافنسيس هيبقى عامل ازاي؟
التيل
بحوالي 900 غير الضريبة
الافنسيس ازاي؟
لو الفرق كبير قوي يبقى مش هتنفع معايا
لاني هصرف على العربية لوحدي
بابا كتر خيره انه دفع الفلوس
(وانا لسة طالب مش بشتغل)
ولا ايه
بس لازم برضه نقارن يا عم كريم