الموضوع: مساعده فى الحصول على عمال صينيين

المشاركة الأصلية كتبت بواسطة terrible_darsh

يااااااااه انت لو من القاهرة ممكن اخدك مكان تجيب منه الالاف يشتغلوا معاك , بس مش عارف يوافقوا انهم يسيبوا القاهرة ولا لا ؟!

احنا عندنا فى الشركه محتاجين 15 عامل نظافه بمناطق مختلفه بالقاهره 12 ساعه 6 أيام بالأسبوع براتب 800 جنيه و تامينات اجتماعيه و زى و حوافز ......

المشكله عدم الانتظام و احترام العمل يعنى بجد حاجع تزهق و تلاقى ألاف الشباب قاعد عاطل بس مش عايز يشتغل و يتعب و يقولك ادينى باعمل اى مصلحه كل كام يوم و بقضيها (طبعا المصلحه دى بتبقى سرقه او نصب او ما شابه المهم يعنى مكسب سهل بدون تعب)

لو فعلا حضرتك عندك عمال عايزين ياكلو عيش بجد ممكن توصلهم بمدير الخدمات عندنا بالشركه الأستاذ يحى مفتاح 0168822713 ينوبك ثواب فيهم

المشاركة الأصلية كتبت بواسطة khaled ayman

اهلا اهلا ..
ايه النور ده كله يا معلم ..
ايفو بنفسه بيرد على موضوع ..
ايه الهنا الى انا فيه ده
هههههههه
حبيبى يا ايفو عامل ايه ..
بالنسبه بقى للمقاس فهو ده المشكله اصل انا رفيع شويه
و يا ترى فى حد معين فى الوكاله ولا لا هههههههه

لا بجد مش بهزر التجار الكبار هنا عارفين صينيين كتير لان معظمهم بيشترى منهم بيبقوا تجار صينيين وجايين يعرضوا بضاعتهم هنا واللى تعجبه البضايعه يعملوله طلب من بلدهم على طول
انت قولهم انك عايزهم عشان تشترى منهم ولما تعتر فى واحد منهم عرفه اللى انت عايزه هتلاقيه قالك عايز كام واحد ومن بكره اجيبهوملك

وبأمانه المصريين فى الشغل معظمهم بيدلع بجد انا روحت مصنع فى بدر بتاع واحد قريبى هو مصنع جاك بتاع الاجهزه المنزليه وبجد المصنع كله صينيين وقمه فى النظام والدقه وييطلع المنتج مكتوب عليه صنع فى مصر لكن بجوده الصين ربنا يوفقك وتلاقى جرب اللى قولتلك عليه اسرع
وربنا يهدينا ونشتغل بضمير

المشاركة الأصلية كتبت بواسطة evoo90

لا بجد مش بهزر التجار الكبار هنا عارفين صينيين كتير لان معظمهم بيشترى منهم بيبقوا تجار صينيين وجايين يعرضوا بضاعتهم هنا واللى تعجبه البضايعه يعملوله طلب من بلدهم على طول
انت قولهم انك عايزهم عشان تشترى منهم ولما تعتر فى واحد منهم عرفه اللى انت عايزه هتلاقيه قالك عايز كام واحد ومن بكره اجيبهوملك

وبأمانه المصريين فى الشغل معظمهم بيدلع بجد انا روحت مصنع فى بدر بتاع واحد قريبى هو مصنع جاك بتاع الاجهزه المنزليه وبجد المصنع كله صينيين وقمه فى النظام والدقه وييطلع المنتج مكتوب عليه صنع فى مصر لكن بجوده الصين ربنا يوفقك وتلاقى جرب اللى قولتلك عليه اسرع
وربنا يهدينا ونشتغل بضمير

مممممممم
ايفو ..
معلش انت صاحبى من زمان و عارف انى مخى تخين شويه ..
ممكن تشرحلى الحته الاولانيه دى تانى ؟
هروح لمين و اقوله ايه ؟؟؟
استحملنى بقى يا جدع منا صاحبك

المشاركة الأصلية كتبت بواسطة khaled ayman

مممممممم
ايفو ..
معلش انت صاحبى من زمان و عارف انى مخى تخين شويه ..
ممكن تشرحلى الحته الاولانيه دى تانى ؟
هروح لمين و اقوله ايه ؟؟؟:t_thum1[1]:
استحملنى بقى يا جدع منا صاحبك

الوكاله دى هنا فى وسط البلد وفى حتت كتير مخصصه لفرش العرايس والبيت وكل حاجه على ما اذكر فى الموسكى والوكاله و العتبه والازهر ومش فاكر تانى هى حتت كتير جنب بعض وفيهم تجار كبار هما اللى ممكن يفيدوك

ظبط يوم ونتقابل ننزل سوا نشوف القصه دى ..

المشاركة الأصلية كتبت بواسطة evoo90

الوكاله دى هنا فى وسط البلد وفى حتت كتير مخصصه لفرش العرايس والبيت وكل حاجه على ما اذكر فى الموسكى والوكاله و العتبه والازهر ومش فاكر تانى هى حتت كتير جنب بعض وفيهم تجار كبار هما اللى ممكن يفيدوك

ظبط يوم ونتقابل ننزل سوا نشوف القصه دى ..

طالما فيها مقابله يبقى موافقو عموما انا بنزل الموسكى كتيييييييييييييييير و الازهر

المشاركة الأصلية كتبت بواسطة Terrible_DaRsH

على فكرة يا جماعة انا الناس اللى بقول عليهم دول صينيين و من افغانستان مش مصريين .

هو فى حد يقدر يجيب شلة شباب مصري يشغلها مرة واحدة فى مصنع :)

انا مفكرهم مصريين
طيب هما وضعهم ايه ؟؟
يعنى شغالين حاليا ولا لا ؟؟
و هل مستعدين يشتغلو هنا فى المحله ولا لا ؟؟