الموضوع: ارجو لكل من لة خبرة فى مجال ال race يرض عليا ياريت محدش يطنش

انا نفسى فى الشكل دة مش النوع انا بتكلم على الشكل دة 1-http://img32.imageshack.us/img32/1658/2010hyosunggt250rfiasma.jpg

ويا سلاممممممممممممم على ال race دة 2-http://img29.imageshack.us/img29/2109/99351431701205275908455.jpg

الرجاء الرد وهل ال race بتتقسط زى العربيات عادى ولا لازم كاش ومين احسن واحد تشترى منة او معرض فى القاهرة ياريت حد يقولى على معرض فى القاهرة

بص ياباشا انت افضل حاجه ليك تجيب واحد 250 فى الاول كده هيعمل 14 الف استيراد وهيكون ميه ميه وتتعلم عليه وبعد سنه كده تشوف بقه تجيب 400 او 600 على حسب رغبتك لكن انت فى الاول هات حاجه 250 ...........................وده ايملى
abdalla_abdalla194@hotmail.com

بالنسبه للقسط صعب وبدام انت معاك 25 قشطه انت ممكن تجيب واحد زى الى فى الصوره التانيه ده وباقل كمان وانا فى واحد عند شامبو الميكانيكى الى انا كاتب رقمه 400 فاير لو انت مستعد تدفع وهيعمل اقل من 25 ولسه معلقش نمر

انت شكلك في الضياع خالص

اولا الريس الاولاني الي حطيت صورته

ده كوري اسمه هايسونج 250 سي سي

وده غالي اولا مش موجود منه في مصر كتير نادرا

فا ممكن تجيبه جديد بس معرفش تمنه كام

تاني صوره ديه 400 فاير وديه تعملها في حدود 18 ل 23

هات 250 استيراد موديل 90 عاده ب 15 الف او 16 والسلام

اصل مبتدا يعني مش حتبتدي على حاجه عليا متعملش نفس غلطتي

وطبعا كله بيد الله المولى عز وجل

بس ميزة انك تبتدي على حاجه عاليه يعني 600 وطالع

انك حتبقى متمكن اكتر ومش حيهمك او بايك تانيه

ممكن تجبها حتى لو 1800 حتكون عادي بالنسبالك

بالنسبه للتقسيط ممكن اي حد يقسطلك

يعني مثلا يكون موتوسيكلات نايمه عنده

زي مثلا ال 954 بتعمل تقريبا 45 الف

فا بتديله ال 25 مقدم وتقسط الباقي على حسب ما تتفقوا

ال 25 دول يركبوه 900 مستعمل
بس صعب يبدأ على 900 بل ومستحيل
قصة انه يشترى مكنه افراج دى مش كويسه وهيخسر فيها لما يجى يبيعها
انا شايف انه لو عايز يبدا ب 250 يجيب واحده مستعمله استعمال نضيف فى سكة 12 ولا حاجه ومتكونش حلت
ولما يشد حيله يبيع ويعلى شويه
او لو قلبه قاعد يدخل فى 400 فاير

قدامك حل من اتنين، يا إما:
1. باللي معاك ده تقدر تركب واحدة Honda CBR 400 Fireblade زي اللي في الصورة التانية وإفراج جمركي وحالة نضيفة وزي الفل..
آخرها 23 وممكن تفاصل كمان

وتجيب جاكيت وجوانتي وخوذة بالباقي
وتغير زيت وبوجيهات
وتسمي وتتوكل على الله
وزي ما قالولك وائل بليد ممتاز جدا
وفكك من التقسيط محدش بيقسط 250 أو 400 لان سوقهم ماشي..

بس واحدة واحدة لحسن الـ400 دي عفية على واحد مبتدئ بس مش مستحيلة يعني. حسب سنك وحجمك ومقدرتك..
انا ابتديت على 400 زمماااان وفضلت أغير من 400 لـ 400 لـ400 لانها من الاخر أحلى مكنة تتركب في مصر..

ومؤخراً قررت اننا أعلى شويتين تلاتة
يا إما تبتدي من أول السطر وتركب 250// وتعلى لـ400 في المستقبل وبباقي الفلوس تدلع نفسك..

واحسن حاجة علشان تثقف نفسك انك تفوت على كل الـ topics اللي في المنتدى تقرأ الموضوعات والردود بتاعتها..

take care