انا معايا فى حدود 60 الف جنيه وعاوز اجيب سيارة مستعمله حالتها نظيفة ممكن اجيب ايه انا قدامي لانسر مكواه 2002 او 2003 وقدامى نيسان 2003 واوبترا 2005 او 2006 وافيو 2007 وفيرنا 2009 ونيو اكسنت 2006 ايهم افضل ( ارجو الرد السريع مع وضع مقارنات ان امكن)
عرض للطباعة
انا معايا فى حدود 60 الف جنيه وعاوز اجيب سيارة مستعمله حالتها نظيفة ممكن اجيب ايه انا قدامي لانسر مكواه 2002 او 2003 وقدامى نيسان 2003 واوبترا 2005 او 2006 وافيو 2007 وفيرنا 2009 ونيو اكسنت 2006 ايهم افضل ( ارجو الرد السريع مع وضع مقارنات ان امكن)
انا معايا نفس المبلغ و بادور في كل المنتديات علي اراء الاخوة في السيارات المختلفة و هل اجيب مستعمل او اقسط الباقي و اجيب زيرو في حدود 80 الف
بس لا اعتقد ان 60 الف تجيب اوبترا 2005 او 2006
ولا افيو 2007
و لا فيرنا 2009 :majd(4):
انا باشوف مواقع السيارات المستعملة يوميا و دا الي شفته
عموما انا مستني معاك اراء اخوتنا في المنتدي
الصني 2003
و المكوة و ممكن تجيب بومة 2004 مانيوال في حدود 62-63
الاسعار فى المستعمل بتبقى حسب الحاله
يعنى مثلا انا شفت اعلان لاوبترا 2006 مانيوال فابريكا مطلوب 67 الف
وواحده 2006 مانيوال دواخل فابريكا مطلوب 63.5 الف
وواحده تانيه 2006 مانيوال ومطلوب 55 الف
اكيد اللى ب 55 دى فيها حاجه
مش عشان واحد طالب قليل يبقى هو دا سعرها الطبيعى
عموما بالنسبه لصاحب الموضوع لو ينفع تجيب زيرو يكون افضل لان المستعمل مبيبقاش مضمون
ولو مصمم على المستعمل شوف اوبترا او اكسنت تكون حالتها نضيفه
انا شايف 1- اوبترا او لانسر او نيواكسنت
2- صني وفيرنا و افيو
والافضل بلاش رقم 2 دول خالص خليك في الاوبترا او النيو اكسنت عشان موديل اعلى وبالتالي حالة احسن او لو قدامك لانسر حالة ممتازة
ستين الف كتير على سيارات مستعمله
الافضل تجيب زيرو ولو كانت لانوس او فيرنا
الجديد جديد يامعلم
أنا رأيي تجيب الانترا 2004 أحلى من كل الكلام ده
انا كنت فى السوق النهارده للمرة التالته وبرده مشترتش بس كان قدامى فرصه ذهبية ياريس 2006عامله 31 الف كيلو وفابريقه بالكامل وكان صاحبها ماسك على 65 الف انا اترددت وسيته ساعه يعدين كلمته كان باعها يصراحه انا زعلت جدا بس الحمدلله المهم لو انا قدرت اكمل على فلوسى لحد 65 الف جنيه ياترى ممكن الاقى ايه وتكون حالة كويسه وايه رأيكم فى الياريس 2006