بخصوص مقاطعه المنتجات السويسريه

**ahmedkoko** · 03-12-2009 01:28 AM

السلام عليكم و رحمه الله و بركاته
إخواني و أخواتي في الله يوم ٢٩ نوفمبر صوت الشعب السويسري بالموافقه علي مبادره لمنع بناء المآذن علي المساجد في سويسرا و هي ليست المره الأولي و لا الأخيره التي يهاجم فيها الإسلام و المسلمون.
والموضوع هنا غير متعلق ببناء مئذنه او لا فبعض المساجد في الدول الاسلاميه ليس لها مئذنه إنما هي تجربه و كما يقول المصريون هو مجرد جس نبض كي يروا اما زالت أمة محمد حيه ام أنها ماتت ووالله لن تموت أمة خير خلق الله أبدا.
و اليوم ٢ ديسمبر ظهرت مبادره جديده بإلغاء مقابر الديانات الأخري كمقابر المسلمين و اليهود و يري بعض المسلمين انها حمله منظمه ضد الاسلام و المسلمين و سوف تتوالي المبادرات لخنق المسلمين و اضطهادهم قدر المستطاع.
و لذلك أناشد كل من يقرأ رسالتي أن يقاطع كل المنتجات السويسريه ايا كانت لأن هذا هو الهاجس الذي يخافون منه و كما فعلتموها من قبل مع الدانمارك و كبدتموهم خسائر فادحه فإفعلوها ثانيه مع سويسرا .
فهم يأخذون أموال المسلمين ليضطهدوا بها المسلمين المقيمين عندهم.
برجاء نشرها قدر المستطاع والمقاطعه لكل ما هو سويسري.
منقول

**Islam_galal** · 03-12-2009 01:30 AM

أخي العزيز
الموضوع ده مكرر
و عند نشره أول مرة أثار جدل شديد

**ahmedkoko** · 03-12-2009 02:27 AM

اثار جدل شديد ازاي؟ و انا آسف مكنتش اعرف انه مكرر بس انا عايش هنا في سويسرا و عارف ان الموضوع مش مجرد بناء مآذن وبس و بعدين لو انت مش عاوز تقاطع متزعلش نفسك اوي كده يمكن غيرك يحب يقاطع.

**mahmoud_magdy** · 03-12-2009 02:38 AM

اوكي انا موافق نقاطع
بس عندي سؤال صغير اوي
هو احنا هنا في مصر بنستعمل ايه سويسري ؟؟

**ahmedkoko** · 03-12-2009 03:05 AM

أنا مش عارف انت بتتريأ و لا بتتكلم بجد عموما في مصر عندك مثلا منتجات نستله و ساعات سواتش و في انواع جبن كتير موجوده في كارفور و في طبعا الشيكولاته السويسريه و اي حاجه تانيه هعرفها هبقي اكتبها هنا.

**mahmoud_magdy** · 03-12-2009 03:43 AM

لا والله انا مش بتريأ
انا بتكلم بجد
انا مبستعملش اي منتجات سويسري خالص
علشان كدا بسأل

**ahmedkoko** · 03-12-2009 03:53 AM

أنا آسف يا باشا أني فهمتك غلط. منتجات نستله كتيره اوي .البان و ميه و في طبعا الجبن بس غاليه اوي. يعني هو المقصود من الموضوع اننا نعمل بس اي رد فعل عشان الموضوع ميعديش كده كأن مفيش حاجه حصلت يعني عشان منبقاش احنا الملطشه بتاعتهم .

**Islam_galal** · 03-12-2009 09:37 AM

المشاركة الأصلية كتبت بواسطة ahmedkoko

و بعدين لو انت مش عاوز تقاطع متزعلش نفسك اوي كده يمكن غيرك يحب يقاطع.

بداية غير مبشرة
عموما ده رابط الموضوع الآخر
http://www.nilemotors.net/Nile/108738-a.html

**MTAK** · 03-12-2009 12:52 PM

المشاركة الأصلية كتبت بواسطة islam_galal

بداية غير مبشرة
عموما ده رابط الموضوع الآخر
http://www.nilemotors.net/nile/108738-a.html

عندك حق يا اسلام
بصراحه اول ما شوفت الرد
حسيت بمنظر واحد معاه شومه و لابس جلباب صعيدى
و شارب كثيف
و بيقول الكلام ده
"مع كامل احترامى لصاحب الرد" و لكن
الموضوع اسمه بخصوص مقاطعه المنتجات..
اى انك تتكلم "اى تتناقش" عن مقاطعه المنتجات
و تهدف من وراء الموضوع الى اقناع الناس بمقاطعة المنتجات
جميل جدا
و لذا يجب ان يكون هناك مجال للنقاش
و الا كنت تعمل الموضوع باسم
اللى معايا فى مقاطعة المنتجات يدخلوا
و لا تنسى
الايات الكريمة "فيم معناها"
"و لو كنت فظا غليظ القلب لانفضوا من حولك"
---------------
ملحوظه
للأمانه انا قرأت الاقتباس بتاع اسلام و رديت بناء عليه
و لكنى مش عارف اطلع الجمله دى من الحوار
و ان كان هذا لا ينفى انى غير موافق عليها

-

الموضوع: بخصوص مقاطعه المنتجات السويسريه

LinkBack

أدوات الموضوع

عرض

بخصوص مقاطعه المنتجات السويسريه - انشر الموضوع فى :

-

-

-

-

-

-

المواضيع المتشابهه

الكلام دة صحيح ولا لاء ؟ بخصوص المنتجات الموجودة فى الاسواق !!!

مقاطعه....مقاطعه......يالا بينا نقاطع

هام وصلنى هذا الأيميل من موقع مقاطعه السعودى

لنصره نبينا و الاسلام ؛؛؛ مقاطعه المنتجات الهولنديه من 10 أبريل الى 25 أبريل ؛؛؛

يا جدعاان يوم 6 ابريل مقاطعه عامه فى مصر !!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة