الحمد لله .... عملت حادثه

**mahmoud_magdy** · 03-12-2009 07:31 PM

المشاركة الأصلية كتبت بواسطة tweety26980

الحمد لله
على كل شيء
وحمد الله على سلامتك
وخلي بالك والله رش التوكيل مش بيبان انا شفت اكتر من عربيه صدقني مش بعرف انهم مرشوشين

خليها على الله
تحياتي وحمد الله على سلامتك

الحمد لله يا فندم وقدر الله وما شاء فعل
وشكرا ليك طمنتني

المشاركة الأصلية كتبت بواسطة khaledmontero

الحمد لله على كل شئ .. وقدر الله وماشاء فعل ..
ربنا يكرم ان شاء الله وكله يرجع أحسن من الاول .

الحمد لله
شكرا لحضرتك

المشاركة الأصلية كتبت بواسطة mayyam

أنا لله وإنا إليه راجعون ولا حول ولا قوة إلا بالله

معلش يا محمود ومتنساش تقول : "اللهم أجرنى فى مصيبتى وأخلفنى خيرا منها"

وإن شاء الله ربنا يعوضك خير ومتنساش إن هى دى الدنيا... وربنا يطلعنا منها على خير يا رب.

الحمد لله يا بشمهندس
قدر الله وما شاء فعل

المشاركة الأصلية كتبت بواسطة waleedfesal

الف الف سلامه
قدر الله وما شاء فعل
الحمد لله ان انت بخير وان شاء الله تكون اخر المواضيع

الله يسلمك يا فندم
شكرا ليك

المشاركة الأصلية كتبت بواسطة hanyetsh

قدر الله وماشاء فعل والله يا محمود مش عارف اقولك ايه الواحد بيتضايق جدا لما يشوف عربية جديدة مخبوطة بس معلش اكيد فديت حاجة اكبر كله نصيب ومكتوب واستعوض ربنا فيها

شكرا يا استاذ هاني
الحمد لله

المشاركة الأصلية كتبت بواسطة khpopo

حمدلله على سلامتك ... متزعلش ان شاء الله ترجع زى الاول واحسن وتخلص بسرعه ... على فكره برضه العيد الصغير الى فات كان فى شويه حوادث كنت منهم

ربنا يسترها معانا جميعا

انا لما جبتها والله كنت خايف على روحى اكتر من العربيه من البحلقه الى لسه موجوده حتى الان ربنا يرفع شر العين

ربنا يوفق

الحمد لله على كل شئ
ربنا يكفينا شر الحوادث ويحافظلنا عربياتنا

المشاركة الأصلية كتبت بواسطة mark_milad_95

معلش يا محمود ..

شد حيلك .

وربنا يصبرك لحد مل العربية تتصلح .

و انشاء الله هترجع زى الاول ..

و الحمدلله انك مأمن .

و الحمدلله انها جت عل قد كدة .

ربنا يخليك يا جميل
شكرا

**mahmoud_magdy** · 03-12-2009 07:41 PM

المشاركة الأصلية كتبت بواسطة bimmeraddict

أنا معاك أنه غلطان وعندك حق تزعل وتاخد حقك بس ماكانش ليها لازمة أنك تجرح فيه ,اعتبره أخوك يا أخي,وأعتقد لو أعصابك كانت هادية شوية كان الموضوع هيخلص ودي ويدفعلك اللي أنت عاوزه

بس انا مجرحتش فيه بس
لا انا بهدلتو واللي انا كتبتوا في الموضوع جزء من اللي انا عملتوا
اه هو راجل اد والدي ويمكن اكبر بس لو حضرتك في الموقف دا مش هتسكت
وبالذات ان دي اول حادثه اعملها
وانت عارف تفكير المصريين في الحوادث بيخسفوا الارض بسعر العربيه
يعني الوالد يتغرب ويتعب عشان يريح ولادو ويريح نفسو وفي الاخر الفلوس تترمي على الارض والمطلوب مني اني اطبطب على الراجل واقولوا معلش يا حبيبي ولا يهمك طز في تعب السنين !!
دا انا بلوم نفسي على الحادثه دي برغم اني مليش ذنب فيها وانا الي اتخبطت
انا حالتي النفسيه زي الزفت والدنيا سوده في وشي كدا

والموضوع مش موضوع فلوس اخدها من الراجل لا انا الحمد لله مش محتاج فلوسو
بس من افسد شيئا عليه اصلاحه

وبدل ما المفروض تقول كدا حضرتك
يبقى المفروض تقول شكرا اني معملتش المحضر باسمو واتهمتو اتهامات كاذبه بقى ولبستوا قضيه زي الفل تجيب قرارو الارض
ولو متعرفش حضرتك امناء الشرطه بيتعاملوا ازاي اسأل وانت تعرف
50 ملطوش يخلوه يكتب اللي انا عاوزو في المحضر
اقول اني خبطيني ونزل مد ايده عليا وكان في حالة سكر وهلبسوا احلى قضيه
وشوف بقى حاله كان هيبقى عامل ازاي

الشر ملوش اخر

بس انا عملت المحضر ضد مجهول
وهو الخسران علشان ورقة كلو معايا
وزمانو دلوقتي هربان خايف لاكون عملت محضر باسمو

مش دا الرد اللي ينفع في المواقف اللي زي دي
لو حضرتك في الموقف دا مش هتقبل ابدا ان حد يرد عليك رد زي كدا

**Osama.shihata** · 03-12-2009 07:46 PM

ولا يهمك يا محمود
قدر الله وماشاء فعل
وان شاء الله ترجع زى الاول
وتتصلح قوام قوام
وايمن هيعدك ان شاء الله
وتخلص علطول

**nomercy22** · 03-12-2009 09:22 PM

قدر الله ماشاء فعل

**ahmadelsaeed** · 03-12-2009 09:27 PM

حسبى الله و نعم الوكيل

ألف سلامة عليك ... و الحمد لله على كل شيئ

و أنا معاك إنك لو شفت الراجل ده, متسيبش فيه حتة سليمة ... و على فكرة أنا متوقع إنك هتوصله قريب من الرخصة على الأقل.

بس ربنا يعوض عليك خير و لو أقدر أخدم فى حاجة من فضلك مترددش إنك تقولنا.

**Raul_7** · 03-12-2009 10:51 PM

بصراحة أنا شفت الموضوع ده وحسيت إني لازم أرد..

حمد الله عالسلامة يا باشا وإن شاء الله تبقى آخر الاحزان.

وعلى فكرة أنا 3 اصحابي جابه عربيات جديدة اتخبطت في خلال يومين سبحان الله, عيون الناس واسعة قوي باين.

واحد كان جايب sunny ابوه راح يملى بنزين الساعة 2 بالليل تاني يوم بعد ماجابوها على طول, مش هاتصدق لما اقولك إنه وهو واقف نص نقل بترجع ل ورا قام الخطاف الحديد اللي راكب ورا خرمله الباب الوراني واللهِ أنا شفتها كان شكلها يحزن, اتضر إنه يغير الباب كله بـ 6000 جنيه باين.

و التاني جاب نيو سيراتو فيسبة دليفري دخلت فالرفرف الأدماني برده تالت يوم جابها.

الخلاصة ان هو قدر ربنا و محدش يقدر يعترض.

و ان شاء الله عربيتك تتصلح و تبقي زي الفل, و الحمد لله انها ماجتش في الموتور و لا حاجة.

و حمد الله علي السلامة مرة تانية.

**ahmedfathy77** · 03-12-2009 11:55 PM

السلام عليكم ورحمة الله وبركاته

قدر الله وما شاء فعل معلش والله الواحد مقدر اللى انت فيه واد ايه انت متضايق خاصة ان العربية لسه ملحقتش تفرح بيها بس زى ما حضرتك حكيت فى الموضوع ملكش ذنب فيه فمتحملش نفسك ذنب انت معملتوش وتعد تحاسب فى نفسك

خلاص اللى حصل حصل وبص لقدام وشوف هتصلحها ازاى وفين وربنا يوقف لك اللى يساعدك ان شاء الله وباءذن الله ترجع زى الاول واحسن ومادام الخبطة كلها فى البابين بعيد عن الشاسيه والقايم متقلقش لو فكرت تبيعها فى يوم من الايام ان شاء الله مش هتخسر زى ما انت متخيل وكله هيكون مثبت فى سجل العربية

ربنا يوفقك وترجع زى الاول