-
مغامراتي مع 128 بدأت
واضح يا جماعة اني هابدأ أكتب مذكراتي عن العربية دي أوبمعني أصح مغامراتي
لسه ماودتش العربية عشان الكهربائي يشوف المارش عشان امبارح كان الحد امبارح وانا مروح فجأه لقيت حاجه بتشيط عند الفيوزات قلت اكيد فيوز وكنت فوق كوبري 15 مايو ما عرفتش اركن قلت استني لما الاقي ركنه واركن حلو على ما وصلت قرب منزل العجوزه لقيت دخان طالع من قدام قلت تبقى المروحة وقفت زي الف قلت تلاقيها مشكلة فيوز لقيت ميكانيكي طلعلي من تحت الأرض وقالى اشوفلك فيها ايه يا بيه ونزل تحت العربية قالي سلك المروح سايح وده اللي ضربلك الفيوز قلتله طيب اعمله عمله ودور المروحه شوية تدور ولا لا المهم قالى الجلبه بتاعة المروحة قافشة ولازم تتفك قلتله فك فك الرادياتير والمروحه وعمل الجلبه بإيده كده المهم دور المروحة راحت دايره وركب واخد 40 جنيه زي الباشا وقالى ان هو كارمني كمان قلت تمام النهارده بأه وانا جاي راحت عامله نفس القصة بس المره دي تحت كوبري 6 اكتوبر واضح ان العربية ما بتحبش الكباري وقفت واستنيت لما بردت ودورتها زق بعد ما الناس ولاد الحلال عطفو عليا وزقوني ده لأن المارش ما بقاش شغال خالص الحمد لله دارت واخدتها ركنتها قدام الكهرباشي في شارع مجلس الأمه فى القصر العيني لحد ما الكهربائي يفتح ربنا يستر
قولولي اعمل ايييييييييييييييييييييييي يييييه
انا قرفت النهارده رابع يوم تحصلي مشكله مختلفه على التوالي اعمل ايه فى العربية عشان اظبطها ما تعطلش مني اغير كل حاجه فيها واركب جديد ماعدا الموتور طبعا ولا اعمل ايه ولا ابيعها واركب مواصلات وخلاص
:roll: :roll: :idea: :?:
-
اعتقد انها اقضل مهما ان عملت فهي افضل من المواصلات خصوصا اذا كانت معاك اسرة عموما خليك مع ميكانيكي امين لاحظ ان قطع غيارها رخيصه وصيانتها غير مكلفه
-
ميكانيكي أميييييييييييين
اللي يعرف ميكانيكي أمين في اطار الجيزه هرم فيصل يقولي بس يكون اتعامل معاه Red_Colorz_PDT_09
-
بص بقى يا زلباني باشا...هو المستعمل كده والفيات بالذات أبو كده فاصبر الصبر الجميل..وتعلم تفهم عربيتك كويس..تبص فيها قبل ما تتحرك..وتسمعها كويس جدا..أي صوت أو اي حاجة مش طبيعية حاول تعرف مصدرها وروح بسرعة للميكانيكي...واستنضف لك ميكانيكي واثبت عليه...والله الموفق
اسأل شريف رؤوف على ميكانيكي في الهرم
-
فيه واحد في نص شارع المطبعة إسمه منصور هو هتلاقيه في شارع متفرع من شارع المطبعة نفسة.
الشارع اللي في أخر سور المطبعة.
-
أنا مش قلتلكم أنا مش مطمن
لا وفوق ده كله اشتغالات الصنايعية منهم لله أي صنايعي ما بيراعيش ضميره في شغله
بعد لما العربية مروحتها وقفت مني تحت كوبري اكتوبر وانا رايح شغلي الصبح وديتها على الكهربائي باشا اللي قلتلكم عليه فوق المهم رجعتله اخر النهار الباشا قالي كله تمام انا ما ركبتش في العربية مسمار كله شغل مصنعيات قلتله عملت ايه قالي ظبطلك سلوك البطاريه والقواطيش والسلوك بتاعة الكهربا كانت ملغبطه ظبطهالك وشغلتلك المروحة وزجربهالي زي الفل كام حسابك يا حاج قالي زي بعضه 50 جنيه طبعا انا زهلت بس اديتله الفلوس عشان ما اتعودتش افاصل خاصة هو اللي عارف هو عمل ايه انا ما كنتش معاه
مشيت العربية امبارح زي الفل ورحت كارفور ورجعت وكله تمام النهارده الصبح طلعت وسخنت وقبل ما اطلع الدائري كانت المروحه عطلانه تاني وافي الغالب الفيوز ضرب لاني شميت شياط المهم استنيت لما بردت ورجعت بيها ركنتها قدام البيت وجيت الشغل مواصلات نفسي اروح للكهرباشي ده واقله انت اخدت خمسين جنيه ليه العربية عطلت منك لله وحسبي الله ونعم الوكيل فيك
انا مش عارف المشكله فين دي تاني مره القصة دي تحصل هل كده ممكن تكون المشكلة في ضفيرة الكهربا وعايزه تتغير كلها ولا المروحة تكون بتقفش مع اني لما بزقها بايدي بتمشي مش عارف المشكله فين حد يقولي عشان انا زهقت من الاشتغالات بتاعة الصنايعية
-
أرجو من خبراء ال 28 افادتنا يا جماعه
-
الناس فين ما حدث شاف المشاركه ولا ايه في ناس بيقولولي ممكن تكون المشكلة في الثرموستات
-
هو ممكن تكون المروحه بتكفش لمابتكفش بتحمل علي الفيوز لحد ماشيت انا مش عاوز افتي بس غير المروحه و الترمستات بتها وشوف كهربائي كويس يراجع علي الضفير الكهرباء بس الخطوه دى اقبل متغير اي حاجه
-
الحمد لله وديت العربية للكهربائي امبارح ولقى الثرموستات بايظه وغيرها واشتغلت الحمد لله وربنا يسترها
Content Relevant URLs by
vBSEO 3.6.0 PL2