طريق المنصورة

**abo_lamar** · 03-12-2009 07:40 AM

السلام عليكم يا شباب المنتدى
ياجماعة انا ساكن في حلمية الزيتون وبسأل على الطريق للقناطر الخيرية أروحه ازاي ؟؟
وشكراً

**abo_lamar** · 04-12-2009 12:27 AM

متاااااااااااااابع

**abo_lamar** · 04-12-2009 12:28 AM

حد يقولي يا شباب مش عايز أسال حد من بره

**amrfox2002eg** · 04-12-2009 02:22 AM

السلام عليكم ورحمة الله وبركاته
هاتخد ش سليم الاول فى اتجاه قصر الطاهرة الجمهورى اخر الشارع يمين وهاتطلع الكوبرى اخره هاتلاقى الشارع بيلف معاك شمال هاتعدى ميدان وبعديه هاتخده لأخره خالص لغاية لما الشارع يلف معاك يمين لوحده هاتخش يمين وتطلع كوبرى السواح وتنزل النزلة اليمين انت كده على ترعة الاسماعيلية على يمينك هاتخد الطريق على طول هاتعدى من تحت كوبرى مسطرد هاتكمل على طول هاتلاقى الدائرى هاتعدى من تحتيه وتلف يوتيرن وترجع تطلع الدائرى انت كده على الدائرى فى اتجاه الهرم هاتخده على طول لغاية نزلة طريق مصر اسكندرية الزراعى انت هاتنزل النزلة اللى بعديها على طول اسمها نزلة ابوالغيط أو نزلة القناطر الخيرية هاتنزل وتخش يمين هاتخد الشارع لأخره فى اخره هاتلاقى تقاطع شارع بالعرض تخش فيه شمال حتى انت هاتلاقى مزلقان قطر فى وشك مش هاتعديه انت كده ماشى على يمينك شريط قطار وعلى شمالك ارض زراعية هاتخد الطريق لأخره وهاتلاقيه بيحود معاك يمين هاتحود معاه 3 دقائق وهاتبقى فى القناطر
ارجو ان اكون اوضحت

**amrfox2002eg** · 04-12-2009 02:25 AM

بس ملحوظة هامة ده طريق القناطر الخيرية مش طريق المنصورة طريق المنصورة هتمشى نفس الطريق بس هاتنزل نزلة طريق مصر اسكندرية الزراعى وبقيته ما اعرفوش بصراحة لأنى انا اخر حدودى القاهرة الكبرى