هل يوجد إنذار فى الصنى

**abav** · 03-12-2009 08:40 AM

السلام عليكم
لو سمحتم كنت عاوز أعرف هل فيه إنذار فى الصنى و لا سنترلوك فقط؟؟ و لو فيه إنذار بيشتغل إمتى و المفتاح nats ده موجود فى supersaloon
و معليش سؤال كمان أنا فهمت من الأخ سبعاوى ربنا يكرمه و يجازيه خير و يطمنه على بنته و يشفيها شفاء عاجل لا يغادر سقما إن اللون الأسود فى الصنى مش متالك طب إيه هى مميزات الميتالك عن الدهان العادى و ليه فى المصنع عملوا كده توفير يعنى و لا إيه الموضوع بالضبط؟

**ahm128** · 03-12-2009 12:29 PM

الصنى فيها انذار وبيشتغل بعد 30 ثانية من غلق السيارة وممكن تجربه لو قفلت السيارة وتركت الزجاج مفتوح وبعدين حاول تفتح السيارة بعد 30 ثانية من خلال الزجاج وبدون المفتاح

**asnady** · 03-12-2009 01:39 PM

NATS is in both the EX-salon and super salon

**abav** · 03-12-2009 02:36 PM

طب انا معايا ex maunal المفتاح شكله عادى غير بتاع اللانسر مثلا معقولة يكون مزود بخاصية ال nats و إزاى اتأكد من حاجة زى كده
و معنى كده لو حبيت أطلع نسخة على المفتاح ما أعرفش
و انا شاكر لكل الأخوة على ردودهم

**asnady** · 04-12-2009 11:40 AM

Nats خاصيه فى السيارة و ليست المفتاحالسيارة تطلق انذار اذا تم فتحها بدون المفتاح او الريموت اى تم فتحها يدويا
يمكنك ان تقوم بعمل نسخ لمفتاح بطريقه عادية جدا

**م.محمد علاء** · 04-12-2009 06:25 PM

معلش انا عايز أفهم نقطه المفتاح دى..يعنى لو طلعت على المفتاح اللى معايا نسخه..عند أى واحد بتاع مفاتيح حيبقى عادى؟مش كومبيوتر وحوارات كده؟
فيه نقطه تانيه معرفش حد أخد باله منها ولالأ..انا معايا صنى 2009 الشكل الجديد.معاها مفتاحين الاسود والنبيتى..الإتنين بيفتحوا الباب و الكونتاك طبعا..بس النبيتى مش بيفتح الشنطه..رغم ان الإتنين متماثلين تماما..
سألت البشمهندس حاتم فى صيانة السبع..قالى ان المفتاح النبيتى ده مش بيفتح الشنطه..عشان ده بيستخدم مثلا لو عندك سواق بتديله المفتاح ده وتفصل فتح الشنطه من الداخل وتحط حاجاتك المهمه فى الشنطه..وبكده هو ميعرفش يفتح الشنطه خالص..بصراحه عجبتنى قوى..لدرجه إنى عايز أجيب سواق عاشن أعمل الحركه دى

**asnady** · 05-12-2009 07:03 PM

المشاركة الأصلية كتبت بواسطة engmohamed

سألت البشمهندس حاتم فى صيانة السبع..قالى ان المفتاح النبيتى ده مش بيفتح الشنطه..عشان ده بيستخدم مثلا لو عندك سواق بتديله المفتاح ده وتفصل فتح الشنطه من الداخل وتحط حاجاتك المهمه فى الشنطه..

بس خلى بالك السواق ممكن يفتح الشنطه من التابلوه
عشان تخليه ميفتحش من التابلوه لازم تعمل الدراع اللى موجود حوه قفل الشنطه
هتلاقيه واضح لو دخلت راسك جوه الشنطه و بصيت على القفل
لو حركته هتلاقى الشنطه متفتحش من التابلوه و لا الريموت و لا المفتاح النبيتى
لو رجعته تانى كل شىء يرجع لاصله