-
Parking Sensors
يا جماعة لو حبيت أركب Parking Sensors في الإكصدام الخلفي. هل ده غلبة و لا سهل؟
يعني أنا عارف إن الإكصدامات الجديدة مش بلاستك مفرغ، دة وراها حاجة كدة زي الفوم علشان تكون طرية شوية في الصدمات الخفيفة، و لا كلامي غلط... مش عارف؟ يعني لو كدة يبقى حيركب الحساسات و يثبتها إزاي و يجيب سلكها من ورا الإكصدام إزاي؟؟
و بعدين هل لازم يتوصل أسلاك مع نور المارشدير و معا الشاشة داخل السيارة؟. و في هذه الحالة هل دة ممكن يؤثر على الضفيرة أو ضمان السيارة؟؟
و شكراً ليكم.
-
اولا الأكصدامات بتبقى مفرغه من الخلف طبعا ولكن الفوم مش علشان متبقاش لينه وانما علشان ترده لما يتخبط وميدخلشي للداخل وياكل هو الصدمة بدل ما تيجي في حديد العربيه شئ تدعيمي يعني
بس ده برضه مش مشكله يعني لو عاوز تركب السينسور مفيهاش مشكلة ان شاء الله
لأن الفوم ده مش بيبقى خلف الأكصدام كله يعني السينسور ممكن مكانه ميكونش خلفه فوم اصلا
-
أستاذ أحمد
أنا مركب سينسور في عربيتي الانسر والإكصدام زي ما إنت عارف بلاستيك والحديد اللي جواه بتبقى قطعة مستطيلة من فوق مس الإكصدام كله وهو بيخرم تحتها ببنطة مخصوصة نازلة مع الجهاز علشان بتبقى على قد الحساسات بالضبط والحساسات بتتكبس جواها وبتبقى متينة ما تقعش يعني وبيشد أسلاكها من ورا الإكصدام على الجهاز اللي بيتحط في الشنطة وسلك للمبة المارشيدير في الفانوس الخلفي وسلك الشاشة وسلك مع الكونتاكت ولو صنايعي محترم ونظيف مفيش عك ماتقلقش ومالوش دعوه بالظفيرة خالص أنا عندي خد الكهرباء من الإنذار .
بس صدقني السينسور ده مهم جدا ربنا يوفقك وتركبه .
-
ألف شكر لحضراتكو على الرد السريع و الوافي أستاذ أبو عبد الله و أستاذ إسلام...
Content Relevant URLs by
vBSEO 3.6.0 PL2