ما هى وظيفه مفتاح ال HOLD فى فتيس النوبيرا الاتوماتيك؟

**hesham Premium** · 26-11-2007 09:52 AM

أريد ان أعرف ما هى وظيفه مفتاح ال HOLD فى فتيس النوبيرا الاتوماتيك؟ خاصه انه لا يوجد عندى كتالوج للسيارة....و شكرا

**mummy_47** · 26-11-2007 04:34 PM

شوف يا استاذ هشام..
وظيفة مفتاح الHOLD انه يقفل على السرعة ..بمعنى انك لوظغطت عليه وانت ماشي على 60 كيلو مثلا..وحبيت تزود السرعة مش هتزيد مهما ظغطت بنزين ..لكن ممكن تقل طبعا..
وكمان في زرار اسمه POWER في الجنب وده وطيفته انه يباعد بين النقلات عشان الثيادة الرياضية او لو حبيت تطلع من عربية امامك..وكمان بيعمل عمل اليكك داون(تسقيط نقلة) عشان تزيد عزم السيارة..

ارجو ان اكون افادتك..وتحت امرك في اي استفسار

**mummy_47** · 26-11-2007 04:36 PM

تصحيح: القيادة الرياضية

**hesham Premium** · 26-11-2007 04:56 PM

الله يخليك ....شكرا على الاجابه بس عندى استفسار ...انت عندك كتالوج للعربيه ؟ لانى لما اشتريتها التاجر اعطانى كتالوج كورى!!!

**hesham Premium** · 26-11-2007 04:59 PM

معلش سؤال تانى ....شايف الفتحه الطوليه اللى امام مفتاح Hold دى بتاعه ايه؟

**mummy_47** · 26-11-2007 05:04 PM

لا شكر على واجب يا استاذ هشام..
بالنسبة لسؤالك الاول: فمثل ما حصل معاك حصل معايا بل انا مدنيش كاتلوج اصلا..وحاولت ادور على الكاتلوج على النت فلقيته لكن للنوبيرا 1 مش 2 ..دورت كتير مش لاقيه خالص..لكن هحاول ادور تاني ولو لقيته هصور لحضرتك نسخة..
بالنسبة لسؤال حضرتك التاني: انا مخدتش بالي من الفتحة دي..انا هبص عليها وارد على حضرتك اذا كانت عندي او لأ

**hesham Premium** · 26-11-2007 06:05 PM

انا عندى نفس الفتحه الطوليه دى بس مقفوله بطبه كاوتش لونها أسود....طيب سؤال تانى معلش....صندوق التروس لة طبه سفليه للكشف و لأ؟....لانى رحت محطه بنزين و انا بأغير الزيت و طلبت من الفنى يشوف زيت الفتيس ...نزل تحت العربيه و قال لى الزيت مستوى كويس ...بعد كدة عرفت ان مش كل العربيات النوبيرا لها طبه من تحت...ياترى انت كشفت على زيت الفتيس؟

**mummy_47** · 27-11-2007 09:26 AM

فعلا يا استاذ هشام انا عندي نفس الفتحة ومقفولة بطبة كاوتش رقيقة..واعتقد ان ملهاش اي استخدام..
بالنسبة لمقياس زيت الفتيس الاوتوماتيك..فعلا مفيش مقاس للزيت زي مقاس زيت الموتور وفي واحد نزل تحت العربية وقالي ان مفيش طبة تحت الفتيس...وانا مغيرتش زيت الفتيس لحد دلوقتي لانه في اختلاف بين الاعضاء على ذلك فبعضهم بيقول انه لازم يتغير عند 40 او 50 الف كيلو وبعضهم بيقول انه مش لازم يتغير لانه مش بيتحرق زي زيت الموتور..
راجع اللنك ده.
http://www.nilemotors.net/Forum/viewtopic.php?t=9161

**volcano12** · 27-11-2007 10:05 PM

معلش سؤال .... هو ال HOLD ده موجود فى كل العربيات أصله مش موجود فى عربية أبويا؟؟؟؟؟ و ده اللى هو مثبت سرعة و لا أيه؟

أرجو الافادة بالتفصيل لو أمكنكم و جزاكم الله كل خير

**hesham Premium** · 27-11-2007 10:15 PM

السيد فولكانو 12....احنا بنتكلم على عربيات نوبيرا صناعه كورى...و هى فيها كل الاويشن...لكن التقفيل المصرى مابياخدش كل الاوبشن...علشان كدة ما تستغربش لو مالقيتش حاجه من اللى احنا بنتكلم فيها...و بالنسبه للمفتاح دة زى ما أفادنى الاخ mummy_47 انه بيقول ان المفتاح دة لما اوصل مثلا لسرعه 90 كيلو و مش عاوز ازيد عنها اضغط عليه و مهما ضغطت على الدواسه السرعه ما تزيدش عن 90 ...ارجو ان تكون استفدت من الاجابه.

الموضوع: ما هى وظيفه مفتاح ال HOLD فى فتيس النوبيرا الاتوماتيك؟

LinkBack

أدوات الموضوع

عرض

-

-

-

-

المواضيع المتشابهه

فتيس النوبيرا الاتوماتيك مش بينقل والعربيه بارده

مشكلة فى فتيس النوبيرا الاتوماتيك

فتيس النوبيرا الاتوماتيك 2003

فتيس النوبيرا الاتوماتيك

فتيس النوبيرا الاتوماتيك المفروض ينقل على كام أر بى أم

الكلمات الدلالية لهذا الموضوع

المفضلات

المفضلات

ضوابط المشاركة