شارك وإنت مطمن , ماينفعش تقارنها ولا بسيراتو ولا بالانترا ولا بالكلام ده , قارنها بمازدة 3 أو سيفك .
عرض للطباعة
شارك وإنت مطمن , ماينفعش تقارنها ولا بسيراتو ولا بالانترا ولا بالكلام ده , قارنها بمازدة 3 أو سيفك .
شارك طبعا
ده أنا شايف إن ده أول تصميم للشارك يتفوق على عدوه اللدود الكرولا في تاريخ السيارتين , فإذا كانت أحسن من الكورولا فمش معقول بقه نقارنها بالكيا !!!
المهم طالما السيراتو في الموضوع , يا ترى الخناقة حتبتدي إمتى ؟؟؟
التصميم مسأله ازواق
لكن المقارنه بصراحه تتحسم للشارك .
الشارك احلي شكلا و أوسع و عربية ياباني
شارك أكيد وهات الخليجي أمه مطور مافيك
شوف يا باشا... (كل الكلام اللي هقوله من وجهة نظري الشخصيه و من تجاربي)
موتور السيراتو بجد (عن تجربه) قوي جدااا و أقوى من موتور الشارك فعلا...
الموتور شئ مهم طبعا في أي عربيه, بس موتور الشارك مش اي كلام بردو, ده (مايفك)...
بس السينسور, و الشكل, و الجنط, النور الأوتو......... والله مش كل حاجه (عن تجربه)
تعالى نحلل الموضوع بشكل موضوعي...
الشارك أفضل من السيراتو في الاتي... (من وجهة نظري)
1- جودة الخامات الداخليه (بمراحل والله)
2- نظام التعليق الخلفي (مالتي لينك)
3- ساوند سيستم رائع (نقول كل حاجه بقى, حتى اللي مش مهم قوي)
4- شكل العدادات و التابلوه كله (اذواق)
5- تكنولوجيا تصنيع جسم السياره (تكنولوجيا rise)
ده اللي انا فاكره دلوقتي...
السيراتو تتفوق على الشارك في الاتي... (من وجهة نظري)
1- موتور قوي, 1600 سي سي, 124حصان, عزم 156نيوتن\متر
2- صاج قوي فعلا
3- الشكل الخارجي (اذواق)
4- الجنط 17"
5- سينسور بارك
6- الفتيس أوتوماتيك\ستيبترونيك
7- وصلة usb (بردو نقول اللي مش مهم)
و ده اللي انا فاكره بردو
انا اشتريت نيوسيراتو على حساب لانسر شارك, مازدا3...
بس لو سألوني تاني تشتري ايه من دول, اقسم بالله يا مازدا3 يا شارك (و بدون التفكير لثواني حتى), بس لو المقارنه أختلفت ممكن أقولك سيراتو عادي جداا...
كل كلامي ده مش بسبب الحادث بتاعي والله العظيم, بعيدا عنه تماما... لأني تجاوزته نفسيا الحمد لله
انا خبرتي المتواضعه, اني بسوق من 10 سنين تقريبا, و ركبت عربيات كتير من ألماني لياباني لايطالي لفرنساوي لكوري لماليزي, و كنت املك الياباني و الايطالي, و املك الألماني و الكوري في الوقت الحالي...
و كلامي بدون اي خلط والله العظيم و انا أعي كل كلمه بقولها و ربنا يعلم, (ما يلفظ من قول إلا لديه رقيب عتيد)...
كل اللي أقدر أقوله لصديقك (أعقلها و توكل على الله), وربنا يوفق صديقك للخير ان شاء الله...
خليك في الشارك علي الاقل ياباني