تجربتى فى تغيير اويل سيل البوبينه - لانوس

روحت النهارده قولت اعمل اويل سيل الموبينه عشان بيرشح زيت ....
وان شاء الله انقلكم تجربتى من باب تبادل الخبرات و بالمره اخد شوية حسنات :ma:
العده المطلوبه ...
بيبه 10
مفتاح عاده 10
مفك عاده
اويل سيل موبينه جديد
انبوبة سيليكون جوانات حرارى ... ب 8 جنيه عند ابو الحسن ...

الطريقه ....
هنفك القنطره الى بتثبت البطاريه و كابلات البطاريه ونشيل البطاريه بالقنطره و نطلعهم بره العربيه عشان نوسع لنفسينا و نعرف نشتغل ...
نشيل فيشة الموبينه ...

http://i864.photobucket.com/albums/a...PackSocket.jpg

هنفك الثلاث صواميل 10 الاتيه ....

http://i864.photobucket.com/albums/a...lPackBolts.jpg

و بعدين نطلع الموبينه بره و نفك الثلاث مسامير 10 الموجودين تحتيها دول ...

http://i864.photobucket.com/albums/a...PackScrews.jpg

و بعدين نطلع الحته الحديد دى بره ... هنلاقيها كده ...

http://i864.photobucket.com/albums/a...sassembled.jpg

نشيل الاويل سيل و نديها وش نضافه بالبنزين بره و جوه لحد متنضف كده ....

http://i864.photobucket.com/albums/a...ackCleaned.jpg

وبعدين نركب الاويل سيل الجديد و نحط حواليه شوية سيليكون ....
ونركب بعكس ترتيب الفك ...
نركب الحته الحديد الى فيها الاويل سيل و نربط المسامير ...
نركب الموبينه و نربط الصواميل ...
نركب فيشة الموبينه ...
نركب البطاريه و نربط القنطره بتاعتها و نركب الكابلات ...
و بكده نبقى غيرنا اويل سيل الموبينه ...

ارجو انى اكون افادتكم ... و متنسونيش من دعاكم ... :ask:

خلى بالك الكوعة بتاعة التبخير عايزة تتغير
طبعا مجهود رائع ---ربنا يكرمك
بس اوعة تكون نسيت الفوطة جوة العربية

مين قال انها عاوزه تتغير ... عرفت منين ؟ ... انا لسه باصص عليها النهارده لقيتها كويسه الحمد لله ...

متقلقشى من موضوع الفوطه ده ... دى بقى فيها سنتين سجن ... ربنا يعافينا ... معلش اصل اخوك جراح ههههههه ....

Thanks.....

الله ينور ويجعله في ميزان حسناتك .

مش لازم تتقطع يكفى انها تتيبس

اقتباس:

---

المشاركة الأصلية كتبت بواسطة hosamdaewoo

مش لازم تتقطع يكفى انها تتيبس

---

هيه عندى ناشفه .... اشبه للفبر مش خرطوم يعنى ...
هيه المفروض تبقى طريه ولا ايه ... ؟؟؟؟

ياريت توضح بعد اذنك هو الاويل سيل بيركب فى الوش الالومنيوم ولافين بالظبط

لان مش واضح فى الصور ولا الاويل سيل القديم ولا الجديد ولا السيلكون

لازم تكون طرية دة خرطوم كاوتش

هية واضحة فى رابع صورة على اليمين

اقتباس:

---

المشاركة الأصلية كتبت بواسطة hosamdaewoo

هية واضحة فى رابع صورة على اليمين

---

ده خرطوم بخار المهم ميكونش مقطوع لآنه لو مقطوع هتلاقي حواليه زيت كتير وطالما مفيش قطع يبقى مفيش داعي لتغييره

اقتباس:

---

المشاركة الأصلية كتبت بواسطة batviser

مين قال انها عاوزه تتغير ... عرفت منين ؟ ... انا لسه باصص عليها النهارده لقيتها كويسه الحمد لله ...

متقلقشى من موضوع الفوطه ده ... دى بقى فيها سنتين سجن ... ربنا يعافينا ... معلش اصل اخوك جراح ههههههه ....

---

طمني عملت ايه في اويلسيل العقربة

اقتباس:

---

المشاركة الأصلية كتبت بواسطة mohsen

ياريت توضح بعد اذنك هو الاويل سيل بيركب فى الوش الالومنيوم ولافين بالظبط

لان مش واضح فى الصور ولا الاويل سيل القديم ولا الجديد ولا السيلكون

---

بالظبط كده ... الاويل سيل بيركب فى الدايره الى فى الوش الالومنيوم ... و تحط فوقيه شوية سيليكون و تركبه ... الموضوع سهل جدا ...

اقتباس:

---

المشاركة الأصلية كتبت بواسطة Shiref_mohamed

طمني عملت ايه في اويلسيل العقربة

---

كله تمام يا شريف باشا .. غيرته و جارى عمل الموضوع ... و تشكر على السؤال ... ربنا يكرمك :satelite: ...

طبعا زى ما قالك الاستاذ لازم تسيبها لحد ما تتقطع وتغرق الدنيا زيت ؟؟؟
ما هوة دة الفرق بين الصيانة والاصلاح
ما تحضرنا يا استاذ سمير

يا حسام باشا
البركه فيك

اقتباس:

---

المشاركة الأصلية كتبت بواسطة hosamdaewoo

طبعا زى ما قالك الاستاذ لازم تسيبها لحد ما تتقطع وتغرق الدنيا زيت ؟؟؟
ما هوة دة الفرق بين الصيانة والاصلاح
ما تحضرنا يا استاذ سمير

---

عندك حق ... الجمعه الجايه و عليك خير ان شاء الله ...

الله ينور على الشرح الجميل :w6266d

الله ينور على الشغل
بس ايه الدواعي للتغيير: هل ترشيح الزيت فقط ولا فى حاجات تانيه

nice work

الكوعة بتاعت البخار اصلا كاوتش و كونها ناشفة كدة يبقى فاضلها شوية و تتقطع... الوقاية خير من العلاج

MMamdouh

اقتباس:

---

المشاركة الأصلية كتبت بواسطة michael_lanos

الله ينور على الشغل
بس ايه الدواعي للتغيير: هل ترشيح الزيت فقط ولا فى حاجات تانيه

---

لا بترشح زيت بس ... و اخوك مبيحبش يحس ان العربيه فيها حاجه مش مظبوطه ...
و الحمد لله بقت تمام ...

اقتباس:

---

المشاركة الأصلية كتبت بواسطة mmamdouh

nice work

الكوعة بتاعت البخار اصلا كاوتش و كونها ناشفة كدة يبقى فاضلها شوية و تتقطع... الوقاية خير من العلاج

mmamdouh

---

جزاك الله خيرا على النصيحه يا محمد ... ان شاء الله اغيرها ...

اله عليم يا شباب احلى منتدي و جعلة الله في ميزان حسناتكم